Click it and Unblock the Notifications
മനം കവർന്നവനൊപ്പം ജീവിക്കാന് മതം മാറിയവർ; വിവാഹത്തിനായി മതം മാറിയ മലയാളി നടിമാർ
സിനിമയില് വന്നതിനുശേഷം യഥാര്ത്ഥ പേരു മാറ്റുക ചലച്ചിത്രലോകത്ത് പതിവാണ്. എന്നാല് വിവാഹത്തിനുവേണ്ടി മതം മാറി പേരു മാറ്റുക ചലച്ചിത്രരംഗത്ത് അത്ര പതിവല്ല. അത്തരത്തില് പ്രണയിച്ച വ്യക്തിയുമായുള്ള വിവാഹത്തിനുവേണ്ടി മതം മാറുകയും പേരു മാറ്റുകയും ചെയ്ത മലയാളി നടിമാരെക്കുറിച്ച് കൂടുതലറിയാം.
ഉള്ളടക്ക പട്ടിക
1990 ഡിസംബര് 13നായിരുന്നു പ്രിയദര്ശനും ലിസിയും തമ്മിലുള്ള വിവാഹം നടന്നത്. എന്നാല് വിവാഹത്തിന് ലിസിയുടെ വീട്ടുകാര്ക്ക് എതിര്പ്പായിരുന്നു. തുടര്ന്ന് അച്ഛന്റെയും അമ്മയുടെയും സമ്മതമില്ലാതെയായിരുന്നു നടി പ്രിയദര്ശനെ വിവാഹം കഴിച്ചത്. വിവാഹത്തിനുശേഷമാണ് ലിസി ഹിന്ദുമതം സ്വീകരിക്കുകയും ലക്ഷ്മി എന്ന പേര് സ്വീകരിക്കുകയും ചെയ്തത്.
പ്രഭുദേവയെ വിവാഹം ചെയ്യാനായിരുന്നു നയന്താര ഹിന്ദു മതം സ്വീകരിച്ചത്. ചെന്നൈയിലെ ആര്യ സമാജം ക്ഷേത്രത്തില് വെച്ചാണ് നയന്സ് ഹിന്ദുമതം സ്വീകരിച്ചത്. തുടര്ന്ന് ഡയാന എന്ന പേരിനു പകരം നയന്താര എന്ന പേര് ഔദ്യോഗികമായി സ്വീകരിക്കുകയായിരുന്നു. എന്നാല് പ്രഭുദേവയുമായുള്ള പ്രണയം അവസാനിപ്പിച്ചെങ്കിലും നയന്താര ഇപ്പോഴും ഹിന്ദുമത വിശ്വാസിയാണ്.
പ്രണയിച്ച വ്യക്തിയുമായുള്ള വിവാഹത്തിനുവേണ്ടി മതം മാറിയ മറ്റൊരു നടിയാണ് ജോമോള്. ചന്ദ്രശേഖരന് പിള്ളയെ വിവാഹം ചെയ്യാന് വീടു വിട്ടിറങ്ങിയ നടി ക്രിസ്തുമതം ഉപേക്ഷിച്ച് ഹിന്ദു മതം സ്വീകരിക്കുകയായിരുന്നു. ഹിന്ദു മത ആചാരപ്രകാരം ഗൗരി എന്നാണ് ജോമോളിന്റെ പേര്.
ക്രിസ്തുമത വിശ്വാസിയായ ആനി ഷാജി കൈലാസുമായുള്ള വിവാഹത്തിനുവേണ്ടിയാണ് ഹിന്ദു മതം സ്വീകരിച്ചത്. ക്രിസ്തുമത വിശ്വാസിയായിരുന്ന ആനി വിവാഹത്തിനുശേഷം ചിത്ര ഷാജി കൈലാസ് എന്ന് പേരുമാറ്റുകയായിരുന്നു.
ഡോ.ജേക്കബുമായുള്ള വിവാഹത്തിനുവേണ്ടിയാണ് നടി മാതു ക്രിസ്തു മതം സ്വീകരിച്ചത്. വിവാഹശേഷം മാതു എന്ന പേര് മാറ്റി മീന എന്ന പേര് സ്വീകരിക്കുകയും പിന്നീട് താരം സിനിമയില് നിന്നും വിട്ടു നില്ക്കുകയും ചെയ്തിരുന്നു. പിന്നീട് ജേക്കബുമായി വേര്പിരിഞ്ഞെങ്കിലും ഇപ്പോഴും മാതു ക്രിസ്തുമത വിശ്വാസപ്രകാരമാണ് ജീവിക്കുന്നത്.
Continue with Google