ലിസി

ജീവചരിത്രം:  പ്രശസ്ത ചലച്ചിത്ര അഭിനേത്രിയാണ് ലിസി. എറണാകുളം ജില്ലയിലെ പൂക്കോട്ടുപടിയാണ് സ്വദേശം. 1967 ഫെബ്രുവരി 3ന്  നെല്ലിക്കാട്ടില്‍ പാപ്പച്ചന്റെയും ഏലിയാമ്മയുടെയും മകളായി ജനിച്ചു. 1982ല്‍ ഇത്തിരി നേരം ഒത്തിരി കാര്യം എന്ന ചിത്രത്തിലൂടെ ചലച്ചിത്രരംഗത്തേക്ക് കടന്നുവന്നു. പിന്നീട് നിരവധി ചിത്രങ്ങളില്‍ നടിയായും സഹനടിയായും താരം തിളങ്ങി. ഓടരുതമ്മാവാ അമ്മാവാ അളറിയാം, കളിയില്‍  അല്‍പം കാര്യം, മുത്താരംകുന്ന് പി ഒ, അരം പ്ലസ് അരം കിന്നരം, ബോയിങ്ങ് ബോയിങ്ങ്, ഇവിടെ എല്ലാവര്‍ക്കും സുഖം, വെള്ളാനാകളുടെ നാട്, ഒരു മുത്തശ്ശി കഥ, നായര്‍ സാബ്, കുട്ടേട്ടന്‍, എന്നിവ  അഭിനയിച്ച മലയാള ചിത്രങ്ങളില്‍ പ്രധാനപെട്ടവയാണ്. മലയാളത്തിനുപുറമെ തമിഴ്, തെലുഗു ചിത്രങ്ങളിലും അഭിനയിച്ചിട്ടുണ്ട്. സംവിധായകന്‍ പ്രിയദര്‍ശനുമായുള്ള വിവാഹത്തോടെ അഭിനയജീവിതത്തില്‍നിന്നും വിട്ടുനിന്നു. എന്നാല്‍ 2016ല്‍ ഇരുവരും വേര്‍പിരിഞ്ഞു. ചലച്ചിത്രതാരം കല്യാണി, സിദ്ധാര്‍ത്ഥ് എന്നിവരാണ് മക്കള്‍.