Click it and Unblock the Notifications
സൈമ അവാര്ഡ് 2020 ; താരമായി പേര്ളിയും നിലയും, വൈറലായ ഫോട്ടോകള്
2021ല് ഹൈദരാബാദില് വച്ചു നടന്ന സൗത്ത് ഇന്ത്യന് ഇന്റര്നാഷണല് മൂവി അവാര്ഡ് (സൈമ) നിശയില് മലയാള സിനിയില് നിന്നും നിരവധി താരങ്ങളായിരുന്നു പങ്കെടുത്തത്. അന്ന ബെന്, പ്രാര്ത്ഥന ഇന്ദ്രജിത്ത്, സാനിയ ഇയ്യപ്പന്, നിക്കി ഗല്റാണി തുടങ്ങി അവാര്ഡ് നിശക്കെത്തിയ ഒട്ടുമിക്ക മലയാള താരങ്ങളുടെ ലുക്കിനെക്കുറിച്ചും വലിയ ചര്ച്ചയും സോഷ്യല്മീഡിയയില് നടന്നിരുന്നു. പ്രശസ്തരായ സിനിമാതാരങ്ങള്ക്കൊപ്പം തന്നെ ചര്ച്ചയായി മാറിയ കുഞ്ഞ് താരമായിരുന്നു നില. പേര്ളിക്കും ശ്രീനിഷിനുമൊപ്പം അവാര്ഡ് ഷോയിലെത്തിയ കുഞ്ഞ് നിലയുടെ വൈറല് ചിത്രങ്ങള് കാണാം.
ഉള്ളടക്ക പട്ടിക
തെന്നിന്ത്യയിലെ ഏറ്റവും വലിയ അവാര്ഡ് നിശയില് ഗ്ലാമര് ലുക്കിലായിരുന്നു ഒട്ടുമിക്ക താരങ്ങളും പങ്കെടുത്തത്. എന്നാല് അവാര്ഡ് നിശയുടെ തുടക്കം മുതല് ശ്രദ്ധിക്കപ്പെട്ട താരമായിരുന്നു പ്രിയപ്പെട്ട അവതാരകയും നടിയുമായ പേര്ളി മാണിയും കുഞ്ഞ് നിലയും. തെന്നിന്ത്യന് നടിമാരായ ഐശ്വര്യ രാജേഷ്, നികി ഗല്റാണി എന്നിവരെല്ലാം നിലയെ ഓമനിക്കുന്ന ചിത്രങ്ങള് സോഷ്യല്മീഡിയയില് പങ്കുവെച്ചിരുന്നു.
ഇളം നീല കുഞ്ഞുടുപ്പും ബോയും വെച്ച നിലയെ ചേര്ത്തുപിടിച്ച് സൈമ അവാര്ഡിന്റെ റെഡ് കാര്പ്പറ്റില് അതീവ സന്തോഷത്തോടെ നില്ക്കുന്ന പേളിയുടെ ചിത്രം സിനിമാരംഗത്തെ പലരും ഷെയര് ചെയ്തിരുന്നു. പേര്ളിയും ശ്രീനിഷും നിലക്കൊപ്പം നില്ക്കുന്ന മനോഹരമായ ചിത്രങ്ങള് സൈമയുടെ ഒഫീഷ്യല് ഇന്സ്റ്റഗ്രാം പേജിലും ഷെയര് ചെയ്തിരുന്നു.
സൈമ അവാര്ഡ് നിശയില് പങ്കെടുക്കാനായി ഹൈദരാബാദിലേക്ക് പോവുന്ന പേര്ളിയുടെയും കുഞ്ഞ് നിലയുടെയും ചിത്രങ്ങള് ശ്രീനിഷായിരുന്നു ആദ്യം ഇന്സ്റ്റഗ്രാമില് പങ്കുവെച്ചത്. കുഞ്ഞ് നിലയുടെ ആദ്യ വിമാനയാത്ര എന്ന ക്യാപ്ഷനോടെയായിരുന്നു ചിത്രം ശ്രീനിഷ് പങ്കുവെച്ചത്. തുടര്ന്ന് പേര്ളിയും അതേ ചിത്രം തന്നെ തന്റെ ഇന്സ്റ്റഗ്രാമില് ഷെയര് ചെയ്തിരുന്നു.
കുഞ്ഞുണ്ടായതിനുശേഷം പേര്ളി ആദ്യമായി പങ്കെടുക്കുന്ന അവാര്ഡ് ദാന ചടങ്ങ് കൂടിയായിരുന്നു സൈമ അവാര്ഡ്. കൊവിഡിനെ തുടര്ന്ന് നിര്ത്തിവെച്ച ചടങ്ങ് രണ്ട് വര്ഷങ്ങള്ക്കുശേഷമാണ് 2021ല് ഹൈദരാബാദില് വച്ചു നടന്നത്. 2019-2020 വര്ഷങ്ങളിലെ അവാര്ഡുകള് ഒരുമിച്ചായിരുന്നു ഈ വര്ഷം നല്കിയത്.
പേര്ളിക്കൊപ്പം തന്നെ പ്രാര്ത്ഥന ഇന്ദ്രജിത്ത്,സാനിയ ഇയ്യപ്പന്, ശോഭന, പൃഥിരാജ്, നിവിന് പോളി, കല്യാണി പ്രിയദര്ശന് എന്നിവരുടെ ചിത്രങ്ങളും സോഷ്യല്മീഡിയയില് വൈറലായി മാറിയിരുന്നു. സാനിയയുടെ മഞ്ഞ ഗൗണും, കല്യാണിയുടെ ഓറഞ്ച് കളര് ഗൗണും സോഷ്യല്മീഡിയ ഏറ്റെടുക്കുകയായിരുന്നു.
Continue with Google