കിളി പറത്തിയ ക്ലൈമാക്‌സ്; ജീത്തു ജോസഫിന്റെ മികച്ച ത്രില്ലര്‍ സിനിമകള്‍

ജീത്തു ജോസഫിന്റെ സംവിധാനത്തില്‍ 2007ല്‍ പുറത്തിറങ്ങിയ ത്രില്ലര്‍ ചിത്രമാണ് ഡിറ്റക്റ്റീവ്. സുരേഷ് ഗോപി, ജഗതി ശ്രീകുമാര്‍, സായി കുമാര്‍, കലാഭവന്‍ പ്രജോദ്, സിന്ധു മേനോന്‍ എന്നിവരായിരുന്നു ചിത്രത്തിലെ  പ്രധാന താരങ്ങള്‍.  

ജിത്തു ജോസഫ് സംവിധാനം ചെയ്ത സസ്പെൻസ് ത്രില്ലർ ചിത്രമാണ് മെമ്മറീസ്. പൃഥ്വിരാജ്, മേഘ്ന രാജ്, നെടുമുടി വേണു, മിയ, വിജയരാഘവൻ, സുരേഷ് കൃഷ്ണ, മധുപാൽ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചത്. പൃഥ്വിരാജ് ഒരു പോലീസ് വേഷത്തിലാണ് ഈ ചിത്രത്തിൽ എത്തുന്നത്.

ജിത്തു ജോസഫ് രചനയും സംവിധാനവും നിർവഹിച്ച് മോഹൻലാലും മീനയും പ്രധാന വേഷങ്ങളിൽ അഭിനയിച്ച മലയാളം ത്രില്ലർ ചിത്രമാണ്‌ ദൃശ്യം (2013). ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം മലയാളത്തിലെ എക്കാലത്തെയും മികച്ച ത്രില്ലറുകളില്‍ ഒന്നാണ്.    

മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്ത ചിത്രമാണ് ട്വല്‍ത്ത് മാൻ. കെ.ആര്‍ കൃഷ്ണകുമാര്‍ ആണ് ചിത്രത്തിന്റെ തിരക്കഥാകൃത്ത്. സ്വന്തം തിരക്കഥയിലല്ലാതെ ജീത്തു ജോസഫ് സംവിധാനം ചെയ്ത ആദ്യ മോഹന്‍ലാല്‍ ചിത്രം കൂടിയാണ് ട്വല്‍ത്ത് മാന്‍.

ആസിഫ് അലിയെ നായകനാക്കി ജീത്തു ജോസഫ് സംവിധാനം ചെയ്ത ചിത്രമാണ് കൂമന്‍. കെ.ആര്‍ കൃഷ്ണകുമാറിന്റെതാണ് തിരക്കഥ. 'ഗിരിശങ്കര്‍' എന്ന പോലീസ് കോണ്‍സ്റ്റബിളായിട്ടാണ് ആസിഫ് ചിത്രത്തിലെത്തുന്നത്‌.