ചിമ്പു-നയന്‍സ് സ്വകാര്യ നിമിഷങ്ങള്‍, നടുറോഡില്‍ തല്ലുണ്ടാക്കിയ രാം ചരണ്‍; കറ പോലെ മായാതെ ചില വിവാദങ്ങള്‍

ഒരു കാലത്ത് വാര്‍ത്തകളില്‍ നിറഞ്ഞു നിന്ന പ്രണയ ജോഡികളായിരുന്നു നയന്‍താരയും ചിമ്പുവും. എന്നാല്‍ ഒന്നിച്ചുള്ള സ്വകാര്യ നിമിഷങ്ങള്‍ പുറത്തായതോടെ ഇരുവരും പ്രണയം അവസാനിപ്പിച്ച് പിരിഞ്ഞെന്നാണ് റിപ്പോര്‍ട്ടുകള്‍. തമിഴില്‍ നയന്‍താര സജീവമായി തുടങ്ങിയ കാലത്തായിരുന്നു ചിമ്പുവുമായുള്ള പ്രണയം. ചിമ്പുവുമായി പിരിഞ്ഞതിനു പിന്നാലെയായിരുന്നു പ്രഭുദേവയുമായുള്ള നയന്‍താരയുടെ പ്രണയം. ഈ പ്രണയവും ഏറെ വിവാദങ്ങള്‍ സൃഷ്ടിച്ചിരുന്നു.  

2014ലായിരുന്നു പോലീസുകാരും അല്ലു അര്‍ജ്ജുനും തര്‍ക്കിക്കുന്ന വീഡിയോ സോഷ്യല്‍മീഡിയയില്‍ വൈറലായത്. വണ്ടി ഓടിക്കുന്നതിനിടെയ താരത്തോട് പോലീസ് ബ്രീത്ത് അനലൈസര്‍ ടെസ്റ്റ് ചെയ്യാന്‍ ആവശ്യപ്പെടുന്നതും, താരം വിസമ്മതിക്കുകയും പിന്നീട് വാക്കുതര്‍ക്കുമുണ്ടാകുന്നതുമായിരുന്നു വീഡിയോയിലുണ്ടായിരുന്നത്. പിന്നാലെ അല്ലുവിനെ അനുകൂലിച്ചും പ്രതികൂലിച്ചും നിരവധി ആരാധകര്‍ രംഗത്ത് വന്നിരുന്നു.  

2012ല്‍ ആന്‍ഡ്രിയയും ഗായകനും സംഗീത സംവിധായകനുമായ അനിരുദ്ധ് രവിചന്ദറും തമ്മിലുള്ള സ്വകാര്യ നിമിഷങ്ങള്‍ സോഷ്യല്‍മീഡിയയില്‍ പ്രചരിച്ചിരുന്നു. താരങ്ങളിരുവരും പരസ്പരം കെട്ടിപ്പിടിച്ച് ഉമ്മ വെക്കുന്നതായിരുന്നു വീഡിയോ. പിന്നാലെ ഇരുവരും വിവാഹം കഴിക്കാന്‍ പോവുന്നു എന്ന തരത്തില്‍ വാര്‍ത്തകളും വന്നിരുന്നു. എന്നാല്‍ ഏറെ നാള്‍ കഴിയും മുമ്പ് തന്നെ ഇരുവരും വേര്‍പിരിയുകയായിരുന്നു.  

2013ല്‍ റോഡില്‍ സൈഡ് നല്‍കുന്നതുമായി ബന്ധപ്പെട്ട് രാം ചരണ്‍ തേജയും യാത്രക്കാരും തമ്മില്‍ വാക്കു തര്‍ക്കമുണ്ടാണ്ടാകുകയും അതിന്റെ വീഡിയോ വൈറലാവുകയും ചെയ്തിരുന്നു. യാത്രക്കാരെ രാം ചരണിന്റെ അംഗരക്ഷകര്‍ മര്‍ദ്ദിക്കുകയും ചെയ്തിരുന്നു. പിന്നാലെ രാം ചരണിനെതിരെ പോലീസ് കേസ് രജിസ്റ്റര്‍ ചെയ്യുകയും ചെയ്തിരുന്നു.  

ഒരു വനിതാ മാധ്യമപ്രവര്‍ത്തകയെ അധിക്ഷേപിച്ചതുമായി ബന്ധപ്പെട്ട് നടന്‍ നാഗാര്‍ജുന അക്കിനേനിക്കെതിരെ വ്യാപകമായ പ്രതിഷേധങ്ങളുയര്‍ന്നിരുന്നു. 2011ലായിരുന്നു സംഭവം. മാധ്യമ പ്രവര്‍ത്തകയായ സുനിത ചൗധരിയായിരുന്നു നടനെതിരെ കേസ് കൊടുത്തത്. നാഗാര്‍ജുന തന്നോട് വൃത്തിക്കെട്ടതും അശ്ശീലവുമായ ഭാഷയില്‍ സംസാരിച്ചെന്നും, തന്നെ ഭീഷണിപ്പെടുത്തിയെന്നുമായിരുന്നു സുനിത നല്‍കിയ പരാതി.