ദേ പുട്ട് മുതല്‍ സാനിയാസ്‌ സിഗ്നച്ചേര്‍ വരെ ; മലയാള സിനിമയിലെ ബിസിനസ്സുകാരിതാ

മലയാള സിനിമാരംഗത്ത് ആദ്യമായി ബിസിനസ്സ് സംരഭകനായ നടനാണ് മോഹന്‍ലാല്‍. ചലച്ചിത്ര നിര്‍മ്മാതാവ് എന്ന നിലയിലാണ് ബിസിനസ്സ് രംഗത്തേക്ക് ആദ്യമായി കടന്നുവരുന്നത്. തുടര്‍ന്ന് പ്രണവം ആര്‍ട്‌സ് എന്ന പേരില്‍ സ്വന്തമായി നിര്‍മ്മാണ കമ്പനി ആരംഭിച്ചു. അതോടൊപ്പം തന്നെ ആശിര്‍വാദ് സിനിമാസ് എന്ന നിര്‍മ്മാണ കമ്പനിയുടെ സഹപങ്കാളിയായി.വിസ്മയ ഫിലിം സ്റ്റുഡിയോയും സ്വന്തം സ്ഥാപനമാണ്. കൂടാതെ മത്സ്യ ഉല്‍പ്പന്നങ്ങള്‍ കയറ്റുമതി ചെയ്യുന്ന യൂണി റോയല്‍ മറൈന്‍ എക്‌സ്‌പോര്‍ട്‌സിന്റെ ഡയറക്ടര്‍ കൂടിയാണ്. ഇതിനൊപ്പം തന്നെ 2 റസ്റ്റോറന്റുകളും സ്വന്തമായുണ്ട്.  

മലയാളത്തിലെ പ്രശസ്ത സംവിധായകനും നിര്‍മ്മാതാവുമായ ആഷിക്ക് അബു 2012ലാണ്  ഡ്രീം മില്‍ സിനിമാസ് ആന്‍ഡ് എന്റര്‍ടൈമെന്റ് പ്രൈ.ലി എന്ന പേരില്‍ സിനിമാ നിര്‍മ്മാണ കമ്പനി ആരംഭിക്കുന്നത്. 2017ല്‍ പുറത്തിറങ്ങിയ മഹേഷിന്റെ പ്രതികാരമാണ് ആദ്യ നിര്‍മ്മാണ സംരംഭം. കൂടാതെ കൊച്ചി പാലാരിവട്ടത്ത് സ്ഥിതി ചെയ്യുന്ന കഫേ പപ്പായയുടെ ഉടമസ്ഥന്‍ കൂടിയാണ്. 2013ലാണ് ആഷിക്ക് അബുവും സുഹൃത്തുക്കളും ചേര്‍ന്ന് കഫേ പപ്പായ ആരംഭിക്കുന്നത്.  

പ്രേക്ഷകരുടെ പ്രിയതാരം റിമ കല്ലിങ്കല്‍ നേതൃത്വം നല്‍കുന്ന ഡാന്‍സ് സ്റ്റുഡിയോ ആണ് മാമാങ്കം. കളരി, യോഗ, ഭരതനാട്യം, കുച്ചുപ്പുടി തുടങ്ങി ഹിപ്പ്‌ഹോപ്പ് പോലുള്ള വ്യത്യസ്ത നൃത്തരൂപങ്ങള്‍ക്കുള്ള പരീശലനവും ഇവിടെ നിന്നും ലഭിക്കും.  

ജനപ്രിയ നായകന്‍ ദിലീപിന്റെ ഉടമസ്ഥതയിലുള്ളതാണ് ദേ പുട്ട് റസ്റ്റോറന്റ്. കൊച്ചി ഇടപ്പള്ളി ബൈപ്പാസില്‍ ഒബ്‌റോണ്‍ മാളിനടുത്താണ് റസ്റ്റോറന്റ് ആദ്യമായി പ്രവര്‍ത്തനം ആരംഭിച്ചത്. നാദിര്‍ഷ ഉള്‍പ്പെടെയുള്ള സുഹൃത്തുക്കളുമായാണ് സ്ഥാപനം തുടങ്ങിയത്. കൂടാതെ സിനിമ നിര്‍മ്മാണം, വിതരണം തുടങ്ങിയ മേഖലകളിലും ദിലീപിന് ബിസിനസ്സുണ്ട്. ഗ്രാന്‍ഡ് പ്രൊഡക്ഷന്‍സ് എന്ന പേരിലുള്ള സിനിമ നിര്‍മ്മാണ കമ്പനി ദിലീപിന്റെ ഉടമസ്ഥതയിലുള്ളതാണ്. കൂടാതെ കൊച്ചിയില്‍ പ്രവര്‍ത്തിക്കുന്ന മാംഗോ ട്രീയെന്ന റസ്‌റ്റോറന്റും ദിലീപിന്റെ സ്വന്തമാണ്.  

2013ലാണ് ഇന്ദ്രജിത്തും പൃഥ്വിരാജും ചേര്‍ന്ന് ഖത്തറില്‍ സ്‌പൈസ് ബോട്ട് എന്ന  റസ്‌റ്റോറന്റ് ആരംഭിച്ചത്. മല്ലിക സുകുമാരനാണ് റസ്‌റ്റോറന്റ് നോക്കി നടത്തുന്നത്.  

2013ലാണ് ഇന്ദ്രജിത്തും പൃഥ്വിരാജും ചേര്‍ന്ന് ഖത്തറില്‍ സ്‌പൈസ് ബോട്ട് എന്ന  റസ്‌റ്റോറന്റ് ആരംഭിച്ചത്. അമ്മ മല്ലിക സുകുമാരനാണ് റസ്‌റ്റോറന്റ് നോക്കി നടത്തുന്നത്.  

മലയാളത്തിലെ പ്രശസ്തമായ ഓഗസ്ത് സിനിമ നിര്‍മ്മാണ കമ്പനിയുടെ പങ്കാളിയായിരുന്നു പൃഥ്വിരാജ്. സന്തോഷ് ശിവനും ഷാജി നടേശനുമായിരുന്നു മറ്റു സഹ നിര്‍മ്മാതാക്കള്‍. എന്നാല്‍ കുറച്ചുകാലം കഴിഞ്ഞ് നിര്‍മ്മാണ കമ്പനിയില്‍ നിന്നും താരം വിട്ടുനിന്നു. സിനിമ നിര്‍മ്മാണത്തിനു പുറമെ ഖത്തറില്‍ പ്രവര്‍ത്തിക്കുന്ന സ്‌പൈസ് ബോട്ട് എന്ന റസ്‌റ്റോറന്റിന്റെ ഉടമ കൂടിയാണ് താരം. 2013ലാണ് ഇന്ദ്രജിത്തും പൃഥ്വിരാജും ചേര്‍ന്ന് റസ്‌റ്റോറന്റ് ആരംഭിച്ചത്. അമ്മ മല്ലിക സുകുമാരനാണ് റസ്‌റ്റോറന്റ് നോക്കി നടത്തുന്നത്.  

പ്രശസ്ത ചലച്ചിത്ര താരം അമല പോള്‍ 2017ലാണ് എംആര്‍ യോഗ സ്റ്റുഡിയോ എന്ന പേരില്‍ കൊച്ചിയില്‍ യോഗ കേന്ദ്രം ആരംഭിച്ചത്. യോഗക്കൊപ്പം  നൃത്തം, എയ്‌റോബിക്‌സ്, സ്‌കൂബ എന്നിവയ്ക്കും ഇവിടെ നിന്നും പരിശീലനം നല്‍കുന്നുണ്ട്‌.  

പ്രേക്ഷകരുടെ പ്രിയതാരം ലെനയുടെ ഉടമസ്ഥതയിലുള്ളതാണ് ആകൃതി. ഏതു പ്രായത്തിലുമുള്ള സ്ത്രീകള്‍ക്ക് ശരീര സൗന്ദര്യം നിലനിര്‍ത്തുക എന്ന ഉദ്ധേശ്യത്തോടെയാണ് താരം ആകൃതി ആരംഭിച്ചത്. ഭക്ഷണം കുറയ്ക്കാതെ തടി കുറയ്ക്കാനുള്ള മാര്‍ഗം, ഒപ്പം യോഗ, വ്യായാമം, ഫിസിയോതെറാപ്പി എന്നിവയും ഇവിടെ നിന്നും ലഭിക്കും. കോഴിക്കോട്, കൊച്ചി എന്നിവിടങ്ങളിലായാണ് ആകൃതിയുടെ ശാഖകളുള്ളത്.  

അഭിനയത്തിനൊപ്പം തന്നെ ഫാഷന്‍ രംഗത്തും തന്റെ കഴിവ് തെളിച്ച ചലച്ചിത്ര താരമാണ് പൂര്‍ണിമ ഇന്ദ്രജിത്ത്. 2013ലാണ് താരം പ്രാണ എന്ന ബൊട്ടീക്ക് ആരംഭിക്കുന്നത്. ചുരുങ്ങിയ കാലംകൊണ്ടു തന്നെ പ്രാണ ശ്രദ്ധിക്കപ്പെടുകയും ചെയ്തിരുന്നു. ഇന്ത്യന്‍, പാശ്ചാത്യ ട്രെന്‍ഡിനൊപ്പം തന്നെ കേരള കൈത്തറിയിലും പ്രാണ വസ്ത്രങ്ങള്‍ ഡിസൈന്‍ ചെയ്യുന്നുണ്ട്. കൂടാതെ പ്രളയസമയത്ത് ദുരിതത്തിലായ നെയ്ത്തുകാരെ പുനരുജ്ജീവിപ്പിക്കാന്‍ സേവ് ദി ലൂം എന്ന കൂട്ടായ്മയും താരം രൂപികരിച്ചിരുന്നു. തുടര്‍ന്ന് ആ വര്‍ഷത്തെ വനിത സംരംഭകത്വ അവാര്‍ഡും പൂര്‍ണിമ നേടിയിരുന്നു.  

മലയാളത്തിന്റെ പ്രിയതാരം കാവ്യ മാധവന്‍ 2015ലാണ് ലക്ഷ്യ എന്ന ഓണ്‍ലൈന്‍ വസ്ത്ര വ്യാപാരം ആരംഭിക്കുന്നത്. ലുലു മാരിയറ്റ് ഹോട്ടലില്‍ നടന്ന ചടങ്ങില്‍ മെഗാസ്റ്റാര്‍ മമ്മൂട്ടിയായിരുന്നു ലക്ഷ്യയുടെ ബ്രാന്റ് ലോഞ്ചിംഗ് നിര്‍വ്വഹിച്ചത്.  

സാനിയാസ് സിഗ്നേച്ചര്‍ എന്ന ഓണ്‍ലൈന്‍ ക്ലോത്തിങ് ബ്രാന്‍ഡിന്റെ ഉടമയാണ് പ്രേക്ഷകരുടെ പ്രിയതാരം സാനിയ ഇയ്യപ്പന്‍. 2020 ആഗസ്ത് മാസമായിരുന്നു ക്ലോത്തിങ് ബ്രാന്‍ഡ് ആരംഭിച്ചത്.