പൂര്‍ണ്ണിമ ഇന്ദ്രജിത്ത്

ജീവചരിത്രം:  മലയാളികളുടെ പ്രിയപെട്ട ചലച്ചിത്രതാരമാണ് പൂര്‍ണ്ണിമ ഇന്ദ്രജിത്ത്. മോഡല്‍രംഗത്തുനിന്നുമാണ് അഭിനയരംഗത്തേക്ക് പ്രവേശിക്കുന്നത്. മലയാളം, തമിഴ് എന്നീ ഭാഷകളിലായി നിരവധി ചിത്രങ്ങളില്‍ അഭിനയിച്ചിട്ടുണ്ട്. 1986ല്‍ ഒന്നുമുതല്‍ പൂജ്യം വരെ എന്ന ചിത്രത്തില്‍ അഭിനയിച്ചു. പിന്നീട് നടിയായും സഹനടിയായും പൂര്‍ണ്ണിമ സിനിമകളില്‍ സജീവമായി.വര്‍ണ്ണകാഴ്ചകള്‍, രണ്ടാം ഭാവം, ഉന്നതങ്ങളില്‍, മേഘമല്‍ഹാര്‍, ഡബിള്‍ ബാരല്‍ എന്നിവ അഭിനയിച്ച ചിത്രങ്ങളില്‍ പ്രധാനപെട്ടവയാണ്. ചലച്ചിത്രങ്ങള്‍ക്കു പുറമെ ടെലിവിഷന്‍ പരമ്പരകളിലും സജീവമാണ്. 2002ല്‍ ചലച്ചിത്രതാരം ഇന്ദ്രജിത്തിനെ വിവാഹം ചെയ്തു. കഥ ഇതുവരെ, ഇടവേളയില്‍, കുട്ടികളോടാണോ കളി, മെയ്ഡ് ഫോര്‍ ഈച്ച് അദര്‍ എന്നീ പരിപാടികളുടെ അവതാരികയായിരുന്നു.