കിട്ടുന്ന കാശിനൊക്കെ വീട് വാങ്ങി കൂട്ടുന്നു; ദീപിക-രണ്‍വീർ ജോഡിയുടെ വീട്ടു വിശേഷങ്ങള്‍

2023ലായിരുന്നു മുംബൈയിലെ ബാന്ദ്രയില്‍ രണ്‍വീറും ദീപികയും ആഢംബര വീട് സ്വന്തമാക്കിയത്. പുറത്ത് വരുന്ന റിപ്പോര്‍ട്ടുകള്‍ പ്രകാരം 119 കോടിയാണ് വീടിന്റെ ഏകദേശ വില. ഷാരൂഖ് ഖാന്റെ മന്നത്തിനും സല്‍മാന്‍ ഖാന്റെ വീടിനും അടുത്തായിട്ടാണ് താരദമ്പതിമാരുടെ പുതിയ വീട്. 

പുതിയ വീടിന്റെ ഗൃഹപ്രവേശതനത്തിന് തൂവെള്ള നിറമുള്ള വസ്ത്രങ്ങളണിഞ്ഞായിരുന്നു ദീപികയും രണ്‍വീറും എത്തിയത്. രണ്‍വീര്‍ തന്നെയാണ് ചടങ്ങുകളുടെ ചിത്രങ്ങള്‍ ഇന്‍സ്റ്റാഗ്രാമില്‍ ഷെയര്‍ ചെയ്തത്. പ്രശസ്ത ആര്‍ക്കിടെക്റ്റായ വിനിത ചൈതന്യായാണ് വീടിന്റെ ഇന്റീരിയര്‍ ഡിസൈന്‍ ചെയ്തിരിക്കുന്നത്. 

2021ല്‍ മഹാരാഷ്ട്രയിലെ അലിബാഗില്‍ രണ്‍വീറും ദീപികയും മറ്റൊരു വീട് വാങ്ങിയിരുന്നു. 22 കോടി രൂപ മുടക്കിയാണ് താരദമ്പതിമാര്‍ വീട് വാങ്ങിയത്. 2.5 ഏക്കറില്‍ പരന്നു കിടക്കുന്നതാമ് അലിബാഗിലെ ആഢംബര വീട്. അലിബാഗിലെ കോടീശ്വരന്മാരുടെ തെരുവ് എന്ന പേരില്‍ അറിയപ്പെടുന്ന സതീര്‍ജെയിലാണ് ഈ വീട് സ്ഥിതി ചെയ്യുന്നത്. 

2018ലാണ് ലണ്ടനില്‍ ദീപിക സ്വപ്‌ന വീട് സ്വന്തമാക്കിയത്. പദ്മാവത് സിനിമയുമായി ബന്ധപ്പെട്ട വിവാദങ്ങള്‍ക്കിടയിലായിരുന്നു ദീപിക ലണ്ടനില്‍ വീട് വാങ്ങുന്നതും കുറച്ച് നാളത്തേക്ക് അവിടെ താമസം മാറിയതും. ഇതിനെല്ലാം പുറമെ മുംബൈയില്‍ ദീപികയ്ക്കും രണ്‍വീറിനും 4ബിഎച്ച്‌കെ ഫ്‌ളാറ്റ് കൂടെ സ്വന്തമായുണ്ടെന്നാണ് റിപ്പോര്‍ട്ടുകള്‍.