ബോമന്‍ ഇറാനി ജീവചരിത്രം

പ്രശസ്ത ഇന്ത്യന്‍ ചലച്ചിത്ര നടനാണ് ബോമന്‍ ഇറാനി. ഹിന്ദി ചലച്ചിത്രങ്ങളിൽ ഒരു ഹാസ്യതാരമായും, സഹനടനായും, സ്വഭാവനടനായും അഭിനയിച്ച ഇറാനി ഒരു ഫോട്ടോഗ്രാഫറും കൂടിയാണ്.

 

സിനിമയിൽ അഭിനയിക്കുന്നതിനു മുൻപ് ഇറാനി നാടകങ്ങളിലും അഭിനയിച്ചിരുന്നു. പ്രശസ്ത നാടക സം‌വിധായകൻ ഫിറോസ് അബ്ബാസ് ഖാന്റെ മഹാത്മ വേഴ്സസ് ഗാന്ധി (Mahatma vs. Gandhi)എന്ന നാടകത്തിൽ മഹാത്മാഗാന്ധിയുടെ കഥാപാത്രം കൈകാര്യം ചെയതത് ബൊമൻ ഇറാനിയായിരുന്നു. പിന്നീട് അദ്ദേഹം ധാരാളം ടി വി പരസ്യങ്ങളിലും അഭിനയിക്കുകയുണ്ടായി സിയറ്റ്(CEAT) ടയറിന്റെ പരസ്യം അതിലൊന്നാണ്. 

 

ജോഷ് (2000) എന്ന ചിത്രമാണ് ബൊമൻ ഇറാനിയുടെ ആദ്യ ഹിന്ദി ചലച്ചിത്രം. മുന്നാഭായി എം.ബി.ബി.എസ്. (2003) എന്ന ചിത്രത്തിൽ ഡോ.ജെ.സി അസ്താന എന്ന കഥാപാത്രവും, ഈ സിനിമയുടെ രണ്ടാം ഭാഗമായി പുറത്തിറങ്ങിയ ലഗേ രഹോ മുന്നാഭായി (2006) എന്ന ചിത്രത്തിലെ ലക്കി സിംഗ് എന്ന കഥാപാത്രവും, ഖോസ്‌ലാ ക ഘോസ്‌ലഎന്ന ചിത്രത്തിലെ ഹാസ്യത്തിൽ ചാലിച്ച വില്ലൻ വേഷവും ബൊമൻ ഇറാനിയുടെ ശ്രദ്ധിക്കപ്പെട്ട വേഷങ്ങളാണ്. കൂടാതെ നിരവധി സിനിമകളിലും അദ്ദേഹം അഭിനയിച്ചിട്ടുണ്ട്.