Celebs » Prathap K. Pothan » Biography
ജീവചരിത്രം
ഇന്ത്യന്‍ ചലച്ചിത്രനടനും സംവിധായകനും രചയിതാവും നിര്‍മ്മാതാവുമാണ് പ്രതാപ് കെ പോത്തന്‍. 1952ല്‍  തിരുവനന്തപുരത്ത് ജനിച്ചു. ഊട്ടിയിലെ ലോറന്‍സ് സ്‌ക്കൂള്‍, മദ്രാസ് ക്രിസ്ത്യന്‍ കോളേജ് എന്നിവടങ്ങളിലായിരുന്നു പഠനം. മദ്രാസ് പ്ലയേഴ്‌സിലെ അഭിനേതാവായിരുന്ന പ്രതാപിന്റെ അഭിനയമികവ് കണ്ട ഭരതന്‍ തന്റെ ആരവം എന്ന ചിത്രത്തില്‍ അഭിനയിക്കാന്‍ അദ്ധേഹത്തെ ക്ഷണിക്കുകയായിരുന്നു. പിന്നീട് തകര, ചാമരം, ലോറി എന്നീ ചിത്രങ്ങളില്‍ അഭിനയിച്ചു. മലയാളത്തിനുപുറമെ തമിഴ്, കന്നട, തെലുഗു, ഹിന്ദി എന്നീ ഭാഷകളിലും അഭിനയിച്ചിട്ടുണ്ട്. നെഞ്ചത്തൈ കിള്ളാതെ, പന്നീര്‍ പുഷ്പങ്ങള്‍, വരമയിന്‍ നിറം ശിവപ്പു എന്നിവ അഭിനയിച്ച തമിഴ് ചിത്രങ്ങളില്‍ പ്രധാനപെട്ടവയാണ്.  ഋതുഭേതം, ഡെയ്‌സി, ഒരു യാത്രാമൊഴി, എന്നിവയാണ് മലയാളത്തില്‍ സംവിധാനം ചെയ്ത ചിത്രങ്ങള്‍. തെലുങ്കില്‍ ചൈതന്യ എന്ന ചിത്രവും തമിഴഇല്‍ ജീവ, വെട്രിവിഴ, ലക്കിമാന്‍ തുടങ്ങിയ ചിത്രങ്ങളും  അടക്കം മുപ്പതോളം ചിത്രങ്ങള്‍ സംവിധാനം ചെയ്തിട്ടുണ്ട്. കഴിഞ്ഞ എട്ടു വര്‍ഷമായി ഗ്രീന്‍ ആപ്പിള്‍ എന്ന പേരില്‍  സ്വന്തം പരസ്യ ഏജന്‍സി നടത്തുകയാണ്. എംആര്‍എഫ് ടയര്‍, നിപ്പോ തുടങ്ങിയവയ്ക്കുവേണ്ടിയുള്ള പരസ്യചിത്രങ്ങള്‍ തയ്യാറാക്കുന്നത് ഇവരാണ്.
 

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam