രാപ്പകൽ കഥ

കമൽ സംവിധാനം ചെയ്ത കുടുംബ ചിത്രമാണ് 'രാപ്പകൽ'. മമ്മൂട്ടി, ശാരദ, നയൻതാര, ബാലചന്ദ്രമേനോൻ തുടങ്ങിയവരാണ്‌ പ്രധാന വേഷങ്ങളിൽ അഭിനയിച്ചിരിക്കുന്നത്. ഒരു വലിയ തറവാട്ടിലെ ജോലിക്കാരനാണ് കൃഷ്ണൻ (മമ്മൂട്ടി). സരസ്വതിയമ്മയെ (ശാരദ) അയാൾ സ്വന്തം അമ്മയെപ്പോലെ സ്നേഹിക്കുന്നു. സരസ്വതിയമ്മയുടെ മക്കളെല്ലാം പല സ്ഥലങ്ങളിലാണ് ജോലി ചെയ്യുന്നത്. ഒരു ദിവസം മക്കളെല്ലാവരും തറവാട്ടിലേക്ക് വരുന്നു, ഈ വരവ് തറവാട് ഒരു വലിയ വിലക്ക് വിൽക്കാനുള്ള പദ്ധതിയുമായിട്ടായിരുന്നു എന്ന് പിന്നീട് സരസ്വതിയമ്മയും, കൃഷ്ണനും മനസ്സിലാക്കുന്നു. ജനാർദ്ദനൻ, വിജയരാഘവൻ, സലീം കുമാർ, സുരേഷ് കൃഷ്ണ, കലാശാല ബാബു തുടങ്ങിയവരും ചിത്രത്തിൽ പ്രധാന വേഷങ്ങൾ ചെയ്തിരിക്കുന്നു.