നായര്‍സാബ്, ദാദാസാഹിബ്; പട്ടാളക്കാരനായി മമ്മൂട്ടി തിളങ്ങിയ സിനിമകള്‍

ജോഷിയുടെ സംവിധാനത്തില്‍ 1989ല്‍ പുറത്തിറങ്ങിയ ചിത്രമാണ് നായര്‍സാബ്. സൈനിക പശ്ചാത്തലത്തില്‍ കഥ പറഞ്ഞ ചിത്രത്തില്‍ നായര്‍ സാബ് എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. വന്‍ വിജയം നേടിയ ന്യൂഡല്‍ഹി എന്ന ചിത്രത്തിനു പിന്നാലെ എത്തിയ ചിത്രം ഇരുനൂറോളം ദിവസം പ്രധാന തിയേറ്ററുകളില്‍ പ്രദര്‍ശിപ്പിച്ചിരുന്നു.

2003ലെ ഓണക്കാലത്ത് പുറത്തിറങ്ങിയ ലാല്‍ജോസ് ചിത്രമായിരുന്നു പട്ടാളം.മേജര്‍ പട്ടാഭിരാമന്‍ എന്ന സൈനിക ഓഫീസറായി മമ്മൂട്ടി അഭിനയിച്ച ചിത്രത്തിന് പ്രതീക്ഷിച്ചത്ര വിജയം തിയേറ്ററുകളില്‍ നിന്നും നേടാനായില്ല.എങ്കിലും ചിത്രത്തിലെ ഹാസ്യരംഗങ്ങളും ഗാനങ്ങളും ഏറെ ശ്രദ്ധിക്കപ്പെട്ടിരുന്നു.

മമ്മൂട്ടി,ദിലീപ്,ശ്രീനിവാസന്‍ എന്നിവര്‍ പ്രധാന കഥാപാത്രങ്ങളായി എത്തിയ ചിത്രമായിരുന്നു പ്രിയദര്‍ശന്‍ സംവിധാനം ചെയ്ത മേഘം.ചിത്രത്തില്‍ കേണല്‍ തമ്പുരാന്‍ എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്.തിയേറ്ററുകളില്‍ ചിത്രം പരാജയമായിരുന്നു.എന്നാല്‍ ചിത്രത്തിലെ പാട്ടുകള്‍ ഏറെ ശ്രദ്ധിക്കപ്പെട്ടിരുന്നു.

മമ്മൂട്ടിയെ നായകനാക്കി വിനയന്‍ സംവിധാനം ചെയ്ത ചിത്രമായിരുന്നു ദാദാസാഹിബ്. ദേശസ്‌നേഹം വിഷയമാക്കിയ ചിത്രത്തില്‍ ദാദാസാഹിബ്, അബൂബക്കര്‍ എന്നീ രണ്ട് കഥാപാത്രങ്ങളെയാണ് മമ്മൂട്ടി അവതരിപ്പിച്ചത്. ചിത്രം  ആ വര്‍ഷത്തെ ബോക്‌സോഫീസ് ഹിറ്റ് കൂടിയായിരുന്നു.

ടി. ദാമോദരൻ കഥ എഴുതി ഐ.വി. ശശി സംവിധാനം ചെയ്ത ചിത്രമാണ് 1921. മമ്മൂട്ടി, മധു, സുരേഷ് ഗോപി, ടി ജി രവി, സീമ, ഉര്‍വശി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. 1921ൽ നടന്ന മലബാർ കലാപവുമായി ബന്ധപെട്ട കഥയാണ് ചിത്രം പറയുന്നത്.