കച്ച മുറുക്കി യോദ്ധാവായി മമ്മൂട്ടി, ചരിത്ര കഥാപാത്രങ്ങള്‍ ചെയ്യാന്‍ മമ്മൂട്ടി തന്നെ ബെസ്റ്റ്‌

മമ്മൂട്ടിയെ നായകനാക്കി ഹരിഹരന്‍ സംവിധാനം ചെയ്ത ചിത്രമമാണ് ഒരു വടക്കന്‍ വീരഗാഥ. മലയാള സിനിമാചരിത്രത്തിലെ തന്നെ ഏറ്റവും വലിയ ഹിറ്റുകളിലൊന്നായ ചിത്രത്തിലൂടെ മമ്മൂട്ടിക്ക് മികച്ച നടനുള്ള സംസ്ഥാന, ദേശീയ ചലച്ചിത്ര പുരസ്‌ക്കാരങ്ങള്‍ ലഭിച്ചിരുന്നു. സുരേഷ് ഗോപി, ബാലന്‍ കെ നായര്‍, മാധവി, ഗീത, ചിത്ര തുടങ്ങി വന്‍താര നിരയായിരുന്നു ചിത്രത്തില്‍ അണിനിരന്നത്.

മമ്മൂട്ടിയെ നായകനാക്കി എം പദ്മകുമാര്‍ സംവിധാനം ചെയ്ത ബിഗ്ബജറ്റ് ചിത്രമാണ് മാമാങ്കം. മലപ്പുറത്തെ തിരുന്നാവായ മണപ്പുറത്ത് വ്യാഴ വട്ടത്തിലൊരിക്കല്‍ നടക്കുന്ന മാഘ മാസത്തിലെ വെളുത്ത വാവില്‍ നടത്തി വരുന്ന മാമാങ്കം പ്രമേയമാക്കിക്കിയാണ്‌ ചിത്രം ഒരുക്കിയിരിക്കുന്നത്. ദേശാഭിമാനത്തിനു വേണ്ടി ജീവന്‍ വെടിഞ്ഞ ധീര ചാവേറുകളുടെ ഇതിഹാസ കഥയാണ് ചിത്രം പറയുന്നത്.

മമ്മൂട്ടിയെ നായകനാക്കി ഹരിഹരന്‍ സംവിധാനം ചെയ്ത ചിത്രമാണ് കേരള വര്‍മ പഴശ്ശിരാജ. ശരത് കുമാര്‍, പത്മപ്രിയ, കനിഹ, സുരേഷ് കൃഷ്ണ തുടങ്ങി വന്‍ താര നിര അണിനിരന്ന ചിത്രം 27 കോടി രൂപ ചെലവഴിച്ചാണ് ഒരുക്കിയത്. ഓസ്‌കാര്‍ ജേതാവ് റസൂല്‍ പൂക്കുട്ടിയാണ് ചിത്രത്തിന്റെ ശബ്ദമിശ്രണം തുടങ്ങിയത്.

ജെ.ജി ജോര്‍ജ്ജിന്റെ സംവിധാനത്തില്‍ 1998ല്‍ പുറത്തിറങ്ങിയ ചിത്രമാണ് ഇലവങ്കോട് ദേശം. മമ്മൂട്ടി, ശ്രുതി, ഖുശ്ബു, ബാബു നമ്പൂതിരി, ജഗതി ശ്രീകുമാര്‍ എന്നിവരായിരുന്നു ചിത്രത്തിലെ പ്രധാന അഭിനേതാക്കാള്‍.

ടി. ദാമോദരൻ കഥ എഴുതി ഐ.വി. ശശി സംവിധാനം ചെയ്ത ചിത്രമാണ് 1921. മമ്മൂട്ടി, മധു, സുരേഷ് ഗോപി, ടി ജി രവി, സീമ, ഉര്‍വശി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. 1921ൽ നടന്ന മലബാർ കലാപവുമായി ബന്ധപെട്ട കഥയാണ് ചിത്രം പറയുന്നത്.