Click it and Unblock the Notifications
കുലസ്ത്രീകളുടെ പ്രീതി നേടി മാരാര്, സോഷ്യല്മീഡിയ സ്റ്റാറായി റിനോഷ്; ഈ സീസണിലെ മികച്ച 7 മത്സരാര്ത്ഥികള്
ബിഗ് ബോസ് സീസണ് 5ന്റെ തുടക്കം മുതല് പ്രേക്ഷകര്ക്കിടയില് ശ്രദ്ധിക്കപ്പെട്ട മത്സരാര്ത്ഥിയാണ് അഖില് മാരാര്. സോഷ്യല്മീഡിയ പ്ലാറ്റ്ഫോമുകളിലൂടെ ജനപ്രീതി നേടിയ അഖില് ബിഗ് ബോസിലും മികച്ച രീതിയില് മുമ്പോട്ട് പോയിക്കൊണ്ടിരിക്കുകയാണ്. ബിഗ് ബോസ് പോലൊരു ഷോയ്ക്ക് 100% യോജിച്ച ആളാണെന്നാണ് അഖിലിനെക്കുറിച്ച് പ്രേക്ഷകര് പറയുന്നത്. ഈ രീതിയിലാണ് അഖില് മാരാര് കളിക്കുന്നതെങ്കില് തീര്ച്ചയായും സീസണ് 5ന്റൈ ഗ്രാന്റ് ഫിനാലെയില് അഖില് എത്തുമെന്ന കാര്യത്തില് സംശയമില്ല. അഖിലിനെപ്പോലെ നിലവില് ബിഗ് ബോസ് ഹൗസില് മികച്ച പ്രകടനങ്ങളുമായി മുമ്പോട്ട് പോവുന്ന അഞ്ച് മത്സരാര്ത്ഥികളിതാ.
ഉള്ളടക്ക പട്ടിക
ഷോയുടെ തുടക്കം മുതല് ഗെയിം സ്പിരിറ്റോടെ കളിക്കുന്ന മികച്ച മത്സരാര്ത്ഥികളില് ഒരാളാണ് അഖില് മാരാര്. അതുകൊണ്ടുതന്നെയും നിലവില് ഏറ്റവും കൂടുതല് ഫാന്സുള്ളതും അഖിലിനാണ്. ചര്ച്ചകളിലായും ഗെയിമിലായും തന്റെ 100% കൊടുത്ത് ബുദ്ധിയോടെ കളിക്കുന്ന അഖില് ഇങ്ങനെ പോയാല് ബിഗ് ബോസ് സീസണ് 5ന്റെ ടോപ് ഫൈവില് ഈസിയായി എത്തുമെന്നാണ് പ്രേക്ഷകര് പറയുന്നത്. വിഷ്ണു, ഷിജു എന്നിവര്ക്കൊപ്പം ഒരു ഗ്രൂപ്പ് ഉണ്ടാക്കിയിട്ടുണ്ടെങ്കിലും ഗെയിം തുടങ്ങുമ്പോള് അഖില് ഒറ്റയ്ക്ക് നിന്ന് കളിക്കാനാണ് പരമാവധി ശ്രമിക്കുന്നത്.
മുന് സീസണിലെ മസിലളിയന്മാരില് നിന്നും വ്യത്യസതനാണ് വിഷ്ണു ജോഷി. അഖിലിനെപ്പോലെ ബുദ്ധിയോടെ ഗെയിം കളിക്കുന്ന വിഷ്ണുവിന് നിലവില് മികച്ച സപ്പോര്ട്ടാണ് പ്രേക്ഷകരുടെ ഭാഗത്ത് നിന്നും ലഭിക്കുന്നത്. പറയാനുള്ള കാര്യം നേര്ക്ക് നേര് നിന്ന് പറയുന്ന വിഷ്ണു മറ്റു മത്സരാര്ത്ഥികള്ക്ക് മാതൃകയാണെന്നാണ് പ്രേക്ഷകര് പറയുന്നത്. എങ്കിലും ഗ്രൂപ്പുകളില് ഒതുങ്ങാതെ പോയാല് അഖിലിനെപ്പോലെ ടോപ് ഫൈവില് വിഷ്ണുവും ഉണ്ടാവുമെന്നാണ് റിപ്പോര്ട്ടുകള്.
ബിഗ് ബോസ് ഹൗസിലെ ഗെയിമുകള് ബുദ്ധിയോടെ കളിച്ചു ജയിക്കാന് തന്റെ പരമാമധി ശ്രമിക്കുന്ന മത്സരാര്ത്ഥിയാണ് ജുനൈസ്. എങ്കിലും ജുനൈസിന് നിലവില് പ്രേക്ഷകരുടെ സപ്പോര്ട്ട് കുറവാണ്. അഖില് മാരാര്ക്കെതിരെ നിരന്തരം വിമര്ശനങ്ങള് ഉന്നയിക്കാതെ കളിച്ചു ജയിക്കാനാണ് ജുനൈസിനോട് പ്രേക്ഷകര് പറയുന്നത്. കൂടാതെ സാഗറുമായുള്ള ജുനൈസിന്റെ സൗഹൃദവും അവരുടെ ആത്മബന്ധവും ഇതിനോടകം തന്നെ സോഷ്യല്മീഡിയയില് ഹിറ്റായി കഴിഞ്ഞിട്ടുണ്ട്.
ബിഗ് ബോസ് മലയാളം സീസണ് 5ലെ കരുത്തുറ്റ വനിതാ മത്സരാര്ത്ഥിയാണ് ശോഭ വിശ്വനാഥ്. തുടക്കം മുതല് ഗ്രൂപ്പുകളിലൊന്നും ഒതുങ്ങാതെ ഒറ്റയ്ക്ക് നിന്നാണ് ശോഭ ഹൗസില് കളിക്കുന്നത്. ഗെയിമുകളില് തന്റെ 100% കൊടുക്കാന് പരമാവധി ശ്രമിക്കുന്ന ശോഭയുടെ പക്വതയോടുള്ള പെരുമാറ്റവും എടുത്തു പറയേണ്ടതാണ്.
സീസണ് 5ന്റെ തുടക്കം മുതല് പ്രേക്ഷകര്ക്കിടയില് ശ്രദ്ധിക്കപ്പെട്ട മത്സരാര്ത്ഥിയാണ് റെനീഷ റഹ്മാന്. എങ്കിലും സെറീന, അഞ്ജൂസ് റോഷ് എന്നിവരുമായുള്ള ഗ്രൂപ്പ് കളി ഇടക്കാലത്ത് റെനീഷയ്ക്ക് ചെറിയ രീതിയില് വിമര്ശനങ്ങള് ഉണ്ടാക്കിയിരുന്നു. നിലവില് ഗെയിമുകളില് മികച്ച രീതിയിലാണ് റെനീഷ കളിക്കുന്നത്. ഗ്രൂപ്പ് കളി അവസാനിപ്പിച്ച് വാശിയോടെ മുന്നേറിയാല് സീസണ് 5ലെ ടോപ് ഫൈവില് റെനീഷ റഹ്മാനുമുണ്ടാവും.
അഖില് മാരാര് കഴിഞ്ഞാല് ബിഗ് ബോസ് സീസണ് 5ല് ഏറ്റവും കൂടുതല് ജപ്രീതിയുള്ള മറ്റൊരു മത്സരാര്ത്ഥിയാണ് റിനോഷ് ജോര്ജ്. എന്നാല് മറ്റുള്ള മത്സരാര്ത്ഥികള് ഗെയിമുകളില് ജയിക്കാന് തങ്ങളുടെ പരമാവധി ശ്രമിക്കുമ്പോഴും റിനോഷ് പലപ്പോഴും സൈലന്റായി മാറി നില്ക്കുന്നത് വലിയ വിമര്ശനങ്ങള് ഉണ്ടാക്കിയിട്ടുണ്ട്. എങ്കിലും റിനോഷ് ഒന്നുകൂടെ ഉഷാറായാല് അഖില് മാരാറിന് കിട്ടുന്ന വോട്ടുകളേക്കാള് കൂടുതല് റിനോഷിന് കിട്ടുമെന്നാണ് പ്രേക്ഷക അഭിപ്രായം.
Continue with Google