Click it and Unblock the Notifications
ആശുപത്രി കയറിയ മലയാള സിനിമ; മലയാളത്തിലെ മെഡിക്കല് ഡ്രാമകള്
കേരളത്തെ ഭീതിയിലാഴ്ത്തിയ നിപ വൈറസ് കാലത്തെ അതേ പോലെ പ്രേക്ഷകന് മുമ്പില് അവതരിപ്പിച്ച ചിത്രമായിരുന്നു 2019ല് പുറത്തിറങ്ങിയ വൈറസ്. ആശുപത്രിയും രോഗികളും ഡോക്ടര്മാരും അവരുടെ ഉറ്റവരുടെയും ജീവിതം പറഞ്ഞ ചിത്രം പ്രേക്ഷകര്ക്കിടയില് ഏറെ ശ്രദ്ധിക്കപ്പെടുകയും ചെയ്തിരുന്നു. ടൊവീനോ, രേവതി, കുഞ്ചാക്കോ ബോബന് തുടങ്ങി മലയാളത്തിലെ വന്താര നിര അണിനിരന്ന ചിത്രം മലയാളത്തിലെ മികച്ച മെഡിക്കല് ത്രില്ലറുകളില് ഒന്നുകൂടിയാണ്. വൈറസ് പോലെ പ്രേക്ഷകര്ക്കിടയില് ശ്രദ്ധിക്കപ്പെട്ട മലയാളത്തിലെ മറ്റു മെഡിക്കല് ത്രില്ലറുകളിതാ.
ഉള്ളടക്ക പട്ടിക
സുരേഷ് ഗോപി, ജയസൂര്യ, ആസിഫ് അലി എന്നിവരെ പ്രധാന കഥാപാത്രങ്ങളാക്കി മാധവ് രാംദാസ് സംവിധാനം ചെയ്ത ചിത്രമാണ് അപ്പോത്തിക്കിരി. തിയേറ്ററുകളില് ശ്രദ്ധിക്കപ്പെട്ടില്ലെങ്കിലും പിന്നീട് പ്രേക്ഷകര്ക്കിടയില് ശ്രദ്ധിക്കപ്പെട്ട ചിത്രം കൂടിയാണ് അപ്പോത്തിക്കിരി. വിജയ് നമ്പ്യാര് എന്ന ന്യൂറോ സര്ജന്റെ ജീവിതത്തിലൂടെയാണ് ചിത്രത്തിന്റെ കഥ മുമ്പോട്ട് പോവുന്നത്.
അനീഷ് അന്വറിന്റെ സംവിധാനത്തില് 2013ല് പുറത്തിറങ്ങിയ ചിത്രമാണ് സക്കറിയയുടെ ഗര്ഭിണികള്. നഗരത്തിലെ ഒരു ഗൈനക്കോളജിസ്റ്റും അദ്ധേഹത്തെ സമീപിക്കുന്ന നാല് വ്യത്യസ്തരായ ഗര്ഭിണികളുടെയും ജീവിതകഥയാണ് ചിത്രം അവതരിപ്പിച്ചത്. ലാല് ആണ് ചിത്രത്തില് ഗൈനക്കോളജിസ്റ്റായ ഡോ.സക്കറിയായി എത്തുന്നത്. റിമ കല്ലിങ്കല്, സനുഷ, ഗീത, ആശ ശരത്, അജു വര്ഗീസ്, സാന്ദ്ര തോമസ് എന്നിവരായിരുന്നു ചിത്രത്തിലെ മറ്റു താരങ്ങളെ അവതരിപ്പിച്ചത്.
അവതരണം കൊണ്ടും മികച്ച ഗാനങ്ങള്കൊണ്ടും പ്രേക്ഷക മനസില് ഇടം നേടിയ ചിത്രമായിരുന്നു ലാല് ജോസിന്റെ സംവിധാനത്തില് 2012ല് പുറത്തിറങ്ങിയ അയാളും ഞാനും തമ്മില്. രവി തരകന് എന്ന ഡോക്ടറുടെ കോളേജ് ജീവിതവും പിന്നീട് അയാള് ജോലി ചെയ്ത് തുടങ്ങുമ്പോള് സംഭവിക്കുന്ന അപ്രതീക്ഷിത സംംഭവങ്ങളിലൂടെയുമാണ് ചിത്രത്തിന്റെ കഥ മുമ്പോട്ട് പോവുന്നത്. പൃഥ്വിരാജായിരുന്നു ചിത്രത്തില് രവി തരകനായി എത്തിയത്. ബോക്സോഫീസില് മികച്ച വിജയം നേടിയ ചിത്രത്തിന് മികച്ച നടന്, മികച്ച സംവിധായകന്, മികച്ച ഹാസ്യതാരം തുടങ്ങി നാല് കേരള സംസ്ഥാന ചലച്ചിത്ര അവാര്ഡും ലഭിച്ചിരുന്നു.
ജോജു ജോര്ജിന്റെ കരിയറിലെ മികച്ച സിനിമകളിലൊന്നാണ് 2018ല് പുറത്തിറങ്ങിയ ജോസഫ്. ജോസഫ് പാറേക്കാട്ടില് എന്ന റിട്ടയേര്ഡ് പോലീസ് ഉദ്യോഗസ്ഥന്റെ ജീവിതത്തില് ഉണ്ടാകുന്ന അപ്രതീക്ഷിത സംഭവങ്ങളിലൂടെ കഥ പറഞ്ഞ 2018ലെ ഹിറ്റ് ചിത്രങ്ങളിലൊന്നു കൂടിയാണ്. ക്രൈം ത്രില്ലര് ചിത്രമായി ഒരുക്കിയ ചിത്രത്തിന് കേരള സംസ്ഥാന ചലച്ചിത്ര പുരസ്ക്കാരമടക്കം നിരവധി അവാര്ഡുകളും ലഭിച്ചിരുന്നു.
കേരളത്തെ ഭീതിയിലാഴ്ത്തിയ നിപ വൈറസ് പ്രമേയമാക്കി ആഷിക് അബു സംവധാനം ചെയ്ത ചിത്രമാണ് വൈറസ്. നിപ വൈറസ് കാലത്തെ മനുഷ്യരുടെ ഭീതിയും ജീവിതവും പറഞ്ഞ ചിത്രം പ്രേക്ഷകര്ക്കിടയില് ശ്രദ്ധിക്കപ്പെട്ടിരുന്നു. കുഞ്ചാക്കോ ബോബന്, ഇന്ദ്രജിത്ത് സുകുമാരന്, ആസിഫ് അലി, ടൊവീനോ തോമസ്, പാര്വതി തിരുവോത്ത്, രേവതി, പൂര്ണിമ ഇന്ദ്രജിത്ത് തുടങ്ങി മലയാളത്തിലെ വന്താരനിര അണി നിരന്ന ചിത്രം ഏതാണ്ട് 28 കോടിക്കടുത്ത് തിയേറ്ററുകളില് നിന്നും നേടിയിരുന്നു.
Continue with Google