മമ്മൂട്ടിക്കൊപ്പം അഭിനയിച്ച ബോളിവുഡ് താരങ്ങള്‍

ബോളിവുഡിലെ ഗ്ലാമര്‍ താരം സണ്ണി ലിയോണ്‍ മമ്മൂട്ടി നായകനായി എത്തിയ മധുര രാജയിലൂടെയാണ് മലയാളത്തിലെത്തുന്നത്. ചിത്രത്തില്‍ ഐറ്റം ഡാന്‍സറായിട്ടാണ് താരം അഭിനയിച്ചത്‌.  

2003-ൽ പുറത്തിറങ്ങിയ ' ഭൂം'  എന്ന ചിത്രത്തിലൂടെയാണ് കത്രീന ചലച്ചിത്രരംഗത്തേക്ക് കടന്നുവരുന്നത്. ഹിന്ദി സിനിമകള്‍ക്കു പുറമെ നിരവധി തമിഴ്, തെലുങ്ക് ചിത്രങ്ങളിലും അഭിനയിച്ചിട്ടുണ്ട്. ഐ വി ശശി സംവിധാനം ചെയ്ത ബല്‍റാം വി എസ് താരാദാസ് ആണ് കത്രീന അഭിനയിച്ച മലയാള ചിത്രം. ചിത്രത്തില്‍ സുപ്രിയ എന്ന കഥാപാത്രത്തെയാണ് അവതരിപ്പിച്ചത്. മമ്മൂട്ടിയായിരുന്നു ചിത്രത്തിലെ നായകന്‍.

തെലുങ്ക്, തമിഴ് സിനിമകളിലൂടെ തിളങ്ങി പിന്നീട് ബോളിവുഡിലെ സൂപ്പര്‍താരമായി മാറിയ തപ്‌സിയുടെ ആദ്യ മലയാള ചിത്രം ഡബിള്‍സ് ആണ്. സോഹന്‍ സീനുലാല്‍ സംവിധാനം ചെയ്ത ചിത്രത്തില്‍ മമ്മൂട്ടിയായിരുന്നു നായകന്‍.  

1998ല്‍ പ്രദര്‍ശനത്തിനെത്തിയ ഹരികൃഷ്ണന്‍സ് എന്ന ചിത്രത്തിലൂടെയാണ് ജൂഹി ചാവ്‌ല മലയാളത്തില്‍ അരങ്ങേറ്റം കുറിക്കുന്നത്. മമ്മൂട്ടിയും മോഹന്‍ലാലും നായകന്മാരായി എത്തിയ ചിത്രം മികച്ച വിജയമാണ് തിയേറ്ററുകളില്‍ നിന്നും നേടിയത്.

1976-ൽ കെ. ബാലചന്ദറിന്റെ മന്മദലീലൈ പോലെയുള്ള ചിത്രങ്ങളിൽ വേഷമിട്ട ജയ പെട്ടെന്ന് തന്നെ ഒരു മികച്ച നടി എന്ന പേരെടുത്തു.1977-ലെ അടവി രാമുദു എന്ന ചിത്രം വൻ വിജയമാകുകയും വൈകാതെ തന്നെ ഒരു മുൻനിര നായികയായി ജയപ്രദ മാറുകയും ചെയ്തു. പിന്നീട് തമിഴ്, മലയാളം, കന്നട ഭാഷാ ചിത്രങ്ങളിലും ധാരാളം ശ്രദ്ധേയ വേഷങ്ങൾ ജയപ്രദ കൈകാര്യം ചെയ്തു. മമ്മൂട്ടി ചിത്രമായ ഇനിയും കഥ തുടരും ആണ് അഭിനയിച്ച ആദ്യ മലയാള ചിത്രം.