വിവാഹത്തിനു മുന്‍പ് ലിവിങ് റിലേഷന്‍പ്പിലായിരുന്ന ബോളിവുഡ് താരങ്ങള്‍

മിസ്റ്റര്‍ ഇന്ത്യ എന്ന സിനിമയില്‍ ശ്രീദേവി അഭിനയിക്കാന്‍ എത്തിയപ്പോഴായിരുന്നു ബോണി കപൂറിന് നടിയോട് ഇഷ്ടം തോന്നിയത്. ആ സമയത്ത് ബോണി കപൂര്‍ വിവാഹിതനായിരുന്നു. മോന കപൂറായിരുന്നു അദ്ധേഹത്തിന്റെ ഭാര്യ. പിന്നീട് ശ്രീദേവിയുമായി പ്രണയത്തിലായതിനുശേഷം ഇരുവരും വിവാഹത്തിന് മുന്‍പ് തന്നെ ഒരു വീട്ടില്‍ ഒരുമിച്ച് താമസിക്കുകയായിരുന്നു.  

റീന ദത്തയുമായി വേര്‍പിരിഞ്ഞതിനുശേഷം 2005ലായിരുന്നു സംവിധാന സഹായിയായിരുന്ന കിരണ്‍ റാവുവിനെ ആമീര്‍ ഖാന്‍ വിവാഹം കഴിക്കുന്നത്. പ്രണയത്തിലായ സമയത്ത് ഇരുവരും ഒരു വര്‍ഷത്തോളം ഒരുമിച്ച് താമസിച്ചിരുന്നു. തുടര്‍ന്നായിരുന്നു താരവിവാഹം.  

2012ലായിരുന്നു സെയ്ഫ് അലി ഖാനും കരീന കപൂറും തമ്മിലുള്ള വിവാഹം. എന്നാല്‍ വിവാഹത്തിനു മുന്‍പ് ഏറെക്കാലം ഇരുവരും ലിവിങ് റിലേഷന്‍ഷിപ്പിലായിരുന്നു. കരീന ഇക്കാര്യം തുറന്നു പറയുകയും ചെയ്തിരുന്നു.  

2017ലായിരുന്നു അനുഷ്‌ക ശര്‍മയും വിരാട് കോലിയും തമ്മിലുള്ള വിവാഹം. വിവാഹത്തിനു മുന്‍പ് ഇരുവരും ഏറെക്കാലം ലിവിങ്ങ് ടുഗെദറിലായിരുന്നു എന്നാണ് റിപ്പോര്‍ട്ടുകള്‍ പറയുന്നത്.