Click it and Unblock the Notifications
നമ്മളില്ലേ, 30 കഴിഞ്ഞിട്ടും സിംഗിള് ലൈഫ് ആസ്വദിക്കുന്ന ടെലിവിഷന് താരങ്ങള്
മിനിസ്ക്രീന് പ്രേക്ഷകരുടെ പ്രിയപ്പെട്ട നടിയാണ് സ്വാസിക. സീരിയലിലും സിനിമയിലും ഒരുപോലെ തിളങ്ങി നില്ക്കുന്ന താരത്തിന്റെ വിവാഹത്തിനായി ആരാധകര് ഏറെ നാളായി കാത്തിരിപ്പിലാണ്. എന്നാല് പ്രായം 30 ആയിട്ടും സ്വാസിക ഇപ്പോഴും സിംഗിളാണ്. എന്നാല് തനിക്ക് ഒരു പ്രണയമുണ്ടെന്നും ഉടന് തന്നെ വിവാഹമുണ്ടാകുമെന്നും സ്വാസിക അടുത്തിടെ തുറന്നു പറഞ്ഞിരുന്നു. എങ്കിലും ഗോസിപ്പ് കോളങ്ങളില് എന്നും നിറഞ്ഞു നില്ക്കുകയാണ് താരം. സ്വാസികയെപ്പോലെ പ്രായം മുപ്പതായിട്ടും വിവാഹം കഴിക്കാതെ സിംഗിള് ലൈഫ് ആസ്വദിക്കുന്ന ടെലിവിഷനിലെ പ്രമുഖ നടിമാരിതാ.
ഉള്ളടക്ക പട്ടിക
മിനിസ്ക്രീന് രംഗത്തെ ലേഡീ സൂപ്പര്സ്റ്റാറാണ് സംഗീത മോഹന്. ജ്വാലയായി എന്ന സീരിയലിലൂടെയായിരുന്നു സംഗീത പ്രേക്ഷകര്ക്കിടയില് ശ്രദ്ധിക്കപ്പെട്ടത്. പിന്നീട് ഏഷ്യാനെറ്റ്, സൂര്യ, അമൃത, കൈരളി, മഴവില് മനോരമ തുടങ്ങി മലയാളത്തിലെ മുന്നിര ചാനലുകളിലെല്ലാം സംഗീത നിറഞ്ഞുനിന്നു. എന്നാല് ഒന്പതിലധികം വര്ഷമായി സംഗീത അഭിനയരംഗത്ത് നിന്ന് വിട്ടുനില്ക്കുകയാണ്. വിവാഹം കഴിഞ്ഞതുകൊണ്ടാവാം അത്തരത്തില് വലിയൊരു ബ്രേക് എടുത്തത് എന്നാണ് പ്രേക്ഷകര് പറയുന്നത്. എന്നാല് ഇപ്പോഴും അവിവാഹിതയായി കഴിയുന്ന സംഗീത 2011നുശേഷം സീരിയലുകളുടെ തിരക്കഥ എഴുതുകയാണ്. ആത്മസഖി എന്ന സീരിയലിന്റെ തിരക്കഥ എഴുതി തുടങ്ങിയ താരം നിലവില് ആറോളം ഹിറ്റ് സീരിയലുകളുടെ തിരക്കഥാകൃത്താണ്.
മിനിസ്ക്രീനിലെ മിന്നും താരമായ സ്വാസിക സിനിമാ പ്രേക്ഷകര്ക്കും പ്രിയപ്പെട്ട നടിയാണ്. സിനിമയിലും സീരിയലിലും ഒരുപോലെ ശ്രദ്ധിക്കപ്പെട്ട സ്വാസികയുടെ വിവാഹത്തിനായി കാത്തിരിക്കുകയാണ് ആരാധകര്. മുമ്പ് നടി അനു ജോസഫിന്റെ യുട്യൂബ് ചാനലില് അതിഥിയായി എത്തിയപ്പോള് താന് ഒമ്പത് വര്ഷത്തിലധികമായി ഒരാളുമായി പ്രണയത്തിലാണെന്നും ഉടന് വിവാഹമുണ്ടാകുമെന്നും സ്വാസിക തുറന്നു പറഞ്ഞിരുന്നു. എന്നാല് ഇപ്പോഴും സിംഗിളായി ജീവിക്കുകയാണ് താരം. സോഷ്യല്മീഡിയയില് സജീവമായ സ്വാസികയ്ക്ക് സ്വന്തമായി യുട്യൂബ് ചാനലുമുണ്ട്.
ഒരുകാലത്ത് മിനിസ്ക്രീന് പ്രേക്ഷരുടെ പ്രിയപ്പെട്ട നടിയായിരുന്നു മായ വിശ്വനാഥ്. സീരിയലുകളുടെ തിരക്കിനിടയിലും സിനിമകളിലും തന്റെ സാന്നിദ്ധ്യമറിയിച്ച മായ ഇടക്കാലത്ത് അഭിനയരംഗത്ത് നിന്ന് വിട്ടുനിന്നിരുന്നു. പിന്നാലെ മായയുടെ വിവാഹം കഴിഞ്ഞു എന്ന തരത്തില് ഗോസിപ്പുകള് വന്നിരുന്നു. എന്നാല് നിലവില് അവിവാഹിതയായി തുടരുകയാണ് മായ. സിനിമയില് നിന്നും വിട്ടു നില്ക്കാതെ മായയുടെ ഗംഭീര സിനിമകള്ക്കായി കാത്തിരിക്കുകയാണ് ആരാധകര്.
മിനിസ്ക്രീന് പ്രേക്ഷകരുടെ പ്രിയപ്പെട്ട നടിയാണ് അനു ജോസഫ്. കൈരളി ടിവിയില് സംപ്രേഷണം ചെയ്ത ഹിറ്റ് പരമ്പര കാര്യം നിസാരം എന്ന ആക്ഷേപ ഹാസ്യ പരിപാടിയിലൂടെയാണ് അനു ടെലിവിഷന്രംഗത്ത് ശ്രദ്ധിക്കപ്പെട്ടത്. സീരിയലിനൊപ്പം ബിഗ് സ്ക്രീനിലും ഒരുപോലെ സജീവമായ അനു നിരവധി സിനിമകളിലും അഭിനയിച്ചിട്ടുണ്ട്. സ്വാസികയെപ്പോലെ അനുവിന്റെയും വിവാഹത്തിനായി കാത്തിരിപ്പിലാണ് പ്രേക്ഷകര്. എന്നാല് സീരിയലും യുട്യൂബ് ചാനലുമായി സിംഗിള് ലൈഫ് ആസ്വദിക്കുകയാണ് അനു ജോസഫ്.
ടെലിവിഷന്രംഗത്തെ പ്രിയതാരമാണ് സുബി സുരേഷ്. അഭിനയത്തോടൊപ്പം തന്നെ മികച്ച അവതാരിക കൂടിയായ സുബി സ്റ്റേജ് ഷോകളിലൂടെയാണ് മിനിസ്ക്രീനിലെത്തുന്നത്. ഏറെക്കാലമായി ടെലിവിഷന്രംഗത്ത് സജീവായ സുബിയുടെ വിവാഹം സംബന്ധിച്ച് പലപ്പോഴും ഗോസിപ്പുകള് ഉണ്ടാവാറുണ്ട്. എന്നാല് നിലവില് സിംഗിളായി സന്തോഷത്തോടെ ജീവിക്കുകയാണ് താരം.
Continue with Google