പാട്ടോണം ; ഓണക്കാലത്ത് കേട്ടാസ്വദിക്കാന്‍ 5 പാട്ടുകള്‍

നിവിന്‍ പോളി, രഞ്ജി പണിക്കര്‍ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസന്‍ സംവിധാനം ചെയ്ത ചിത്രമായിരുന്നു ജേക്കബിന്റെ സ്വര്‍ഗ്ഗരാജ്യം. ചിത്രത്തിലെ 'തിരുവാവണിരാവ്' എന്നു തുടങ്ങുന്ന ഗാനം ഉണ്ണി മേനോനും സിതാരയും ചേര്‍ന്നാണ് ആലപിച്ചിരിക്കുന്നത്. മനു മഞ്ജിത്ത് എഴുതിയ വരികൾക്ക് ഷാൻ റഹ്മാൻ ആണ് സംഗീത സംവിധാനം നിർവ്വഹിച്ചിരിക്കുന്നത്.   

തിരുവോണ പുലരി തന്‍ തിരുമുല്‍ക്കാഴ്ച വാങ്ങാന്‍ എന്നു തുടങ്ങുന്ന പ്രശസ്തമായ ഗാനം 1975ല്‍ പുറത്തിറങ്ങിയ തിരുവോണം എന്ന ചിത്രത്തിലുള്ളതാണ്. വാണി ജയറാമാണ് ഗാനം ആലപിച്ചിരിക്കുന്നത്. ശ്രീകുമാരന്‍ തമ്പി സംവിധാനം ചെയ്ത ചിത്രത്തില്‍ പ്രേം നസീര്‍, ശാരദ, കമല്‍ ഹാസന്‍ എന്നിവരായിരുന്നു പ്രധാന അഭിനേതാക്കള്‍.  

ജെ ശശികുമാറിന്റെ സംവിധാനത്തില്‍ 1977ല്‍ പുറത്തിറങ്ങിയ വിഷുക്കണി എന്ന ചിത്രത്തിലെ ഗാനമാണ് പൂവിളി പൂവിളി പൊന്നോണമായി. കെ ജെ യേശുദാസാണ് ഗാനം ആലപിച്ചിരിക്കുന്നത്. ശ്രീകുമാരന്‍ തമ്പിയുടെ വരികള്‍ക്ക് സലീല്‍ ചൗധരിയാണ് സംഗീതം നല്‍കിയിരിക്കുന്നത്.  

1978ല്‍ പുറത്തിറങ്ങിയ വെല്ലുവിളി എന്ന ചിത്രത്തിലെ ഗാനമാണിത്. ബിച്ചു തിരുമലയുടെ വരികള്‍ക്ക് എം എസ് വിശ്വനാഥാണ് സംഗീതം നല്‍കിയിരിക്കുന്നത്. പി ജയചന്ദ്രന്‍, അമ്പിളി, ബിച്ചു തിരുമല, കെ പി ചന്ദ്രമോഹന്‍ എന്നിവര്‍ ചേര്‍ന്നാണ് ഈ ഗാനം ആലപിച്ചിരിക്കുന്നത്.  

പ്രേം നസീര്‍ നായകനായി എത്തിയ ഈ ഗാനം മറക്കുമോ എന്ന ചിത്രത്തിലെ ഗാനമാണിത്. ഒ എന്‍ വി കുറുപ്പിന്റെ വരികള്‍ക്ക് സലീല്‍ ചൗധരി സംഗീതം പകര്‍ന്ന ഗാനം കെ ജെ യേശുദാസാണ് ആലപിച്ചിരിക്കുന്നത്.  

ഓണക്കാലമായാല്‍ ഏറ്റവും കൂടുതല്‍ മലയാളികള്‍ കേള്‍ക്കുന്ന ഈ ഗാനം 2004ല്‍ പുറത്തിറങ്ങിയ ക്വട്ടേഷന്‍ എന്ന ചിത്രത്തിലേതാണ്. സിനിമ കാര്യമായി വിജയിച്ചില്ലെങ്കിലും ഈ ഗാനം ഏറെ ശ്രദ്ധിക്കപ്പെട്ടിരുന്നു.