ഇവരാണ് റിയല്‍ ഹീറോസ്; ക്യാന്‍സറിനെതിരെ പോരാടിയ താരങ്ങള്‍

കരിയറിന്റെ തുടക്കകാലത്തായിരുന്നു മംമ്ത മോഹന്‍ദാസിനെ ലിംഫോമ എന്ന അര്‍ബുദം പിടികൂടുന്നനത്. തുടര്‍ന്ന് ഏഴു വര്‍ഷത്തോളം മംമ്ത ചികിത്സ നടത്തിയിരുന്നു. ഇതിനിടയില്‍ 2 വര്‍ഷം സിനിമയില്‍ നിന്നും ഇടവേളയും എടുത്തിരുന്നു. എന്നാല്‍ 2013ല്‍ വീണ്ടും മംമ്തയെ അര്‍ബുദം പിടികൂടി. എന്നാല്‍ അതിനെയെല്ലാം അതിജീവിച്ച് മംമ്ത ഇപ്പോഴും സിനിമയില്‍ സജീവമാണ്.  

സിനിമയില്‍ തിളങ്ങി നിന്ന സമയത്തായിരുന്നു നടന്‍ ജിഷ്ണു രാഘവന് ക്യാന്‍സര്‍ പിടിപെടുന്നത്. 2014 മുതല്‍ ക്യാന്‍സര്‍ രോഗത്തിന് ചികിത്സയിലായിരുന്ന ജിഷ്ണു 2016ലാണ് മരിക്കുന്നത്.  

ക്യാന്‍സറിനെ തുടര്‍ന്ന് 2021ലായിരുന്നു ടെലിവിഷന്‍ താരം ശരണ്യ ശശി അന്തരിച്ചത്. ഏറെ നാളായി ക്യാന്‍സറിന്റെ ചികിത്സയിലായിരുന്ന ശരണ്യ 11 തവണ സര്‍ജറിക്ക് വിധേയയായിരുന്നു. ഇതിനിടയില്‍ കോവിഡ് ബാധിക്കുകയും തുടര്‍ന്ന് ന്യൂമോണിയ പിടികൂടുകയും ചെയ്തിരുന്നു. എന്നാല്‍ പിന്നീട് രക്തത്തില്‍ സോഡിയത്തിന്റെ അളവ് കുറഞ്ഞതിനെ തുടര്‍ന്ന് വീണ്ടും ആശുപത്രിയില്‍ പ്രവേശിപ്പിക്കുകയായിരുന്നു.  

2013ലായിരുന്നു ഇന്നസെന്റിന് ക്യാന്‍സര്‍ ബാധിച്ചത്. തുടര്‍ന്ന് കീമോതെറാപ്പി ചെയ്ത ശേഷം സിനിമയിലേക്ക് തിരിച്ചുവരവ് നടത്തുകയും ചെയ്തിരുന്നു. കൂടാതെ ക്യാന്‍സര്‍കാലത്തെ അനുഭവങ്ങള്‍ പറഞ്ഞുകൊണ്ട് 'ക്യാന്‍സര്‍ വാര്‍ഡിലെ ചിരി' എന്ന പുസ്തകവും പുറത്തിറക്കിയിരുന്നു.  

35ാമത്തെ വയസിലായിരുന്നു നടി ഗൗതമിക്ക് ക്യാന്‍സര്‍ ബാധിച്ചത്. തുടര്‍ന്ന് നാല് വര്‍ഷത്തോളം ചികിത്സയും നടത്തിയിരുന്നു.