Click it and Unblock the Notifications
40 മിനുട്ടിന് 2 കോടി, ഡാന്സ് കൂടെ കളിക്കണമെങ്കില് 8 കോടി; കല്യാണം കളറാക്കാന് താരങ്ങള് വാങ്ങുന്നത്
പ്രതിഫലത്തിന്റെ കാര്യത്തില് മറ്റു ഇൻഡസ്ട്രിയേക്കാള് ഒരുപടി മുമ്പിലാണ് ബോളിവുഡ് എന്നും. ഒരു മിനുട്ട് പരസ്യത്തിന് മാത്രം രണ്ടും മൂന്നും കോടികള് വാങ്ങുന്ന ബോളിവുഡ് താരങ്ങള് ഒരു സിനിമക്കായി 100 കോടി വരെയാണ് പ്രതിഫലമായി വാങ്ങുന്നത്. സിനിമയ്ക്ക് പുറത്തുള്ള ആഘോഷങ്ങള്, ഉദ്ഘാടനങ്ങള്, വിവാഹങ്ങള് എന്നിവയ്ക്കും ഒരു ചിത്രത്തിനായി വാങ്ങുന്ന പ്രതിഫലം തന്നെ ബോളിവുഡ് താരങ്ങള് വാങ്ങുന്നുണ്ടെന്നാണ് റിപ്പോര്ട്ടുകള്. ഹൃത്വിക് റോഷന്, സണ്ണി ലിയോണ്, അനുഷ്ക ശര്മ തുടങ്ങി മുന്നിര ബോളിവുഡ് താരങ്ങള് വിവാഹങ്ങള് പോലുള്ള പരിപാടികള്ക്ക് വാങ്ങുന്ന പ്രതിഫലം എത്രയെന്ന് അറിയണോ...?
ഉള്ളടക്ക പട്ടിക
പ്രേക്ഷകരുടെ പ്രിയതാരം അനുഷ്ക ശര്മ വിവാഹം പോലുള്ള പരിപാടികളില് പങ്കെടുക്കാന് ലക്ഷങ്ങളാണ് നിലവില് വാങ്ങുന്നത്. ആഘോഷങ്ങളില് മാത്രം പങ്കെടുക്കാന് 50 ലക്ഷമാണ് താരം വാങ്ങുന്നത്. പരിപാടികളില് പങ്കെടുക്കുന്നതിനോടൊപ്പം ഡാന്സ് കൂടെ വേണമെങ്കില് 70 ലക്ഷം വരെയാണ് പ്രതിഫലമായി വാങ്ങുന്നത് എന്നാണ് റിപ്പോര്ട്ടുകള്.
ബോളിവുഡില് പ്രതിഫലത്തിന്റെ കാര്യത്തില് ഏറ്റവും മുമ്പിലാണ് ഷാരൂഖ് ഖാന്. നിലവില് 100 കോടിയാണ് താരം പ്രതിഫലമായി വാങ്ങുന്നത് എന്നാണ് റിപ്പോര്ട്ടുകള്. സിനിമയ്ക്ക് പുറത്ത് വിവാഹങ്ങള്ക്കോ, മറ്റു ആഘോഷ പരിപാടികളിലോ അതിഥിയായി എത്തണമെങ്കില് 8 കോടിയാണ് കിംഗ് ഖാന് വാങ്ങിക്കുന്നത്. ഉദ്ഘാടനങ്ങള്ക്ക് 2 കോടിയുമാണ് വാങ്ങുന്നത്. 2 കോടിക്ക് 40 മിനുട്ടാണ് ഷാരൂഖ് ഖാന്റെ കണക്ക്. അതായത് ഉദ്ഘാടനത്തിന് വന്നാല് സ്റ്റേജില് കയറി സംസാരിക്കണമെങ്കില് 8 കോടി നല്കണം.
പ്രതിഫലത്തിന്റെ കാര്യത്തില് ഷാരൂഖ് ഖാനൊപ്പമാണ് സല്മാന് ഖാനും. ഹിന്ദി ബിഗ് ബോസിന് 350 കോടിക്കടുത്ത് പ്രതിഫലം വാങ്ങുന്ന സല്മാന് ഖാന് വിവാഹത്തിനും ആഘോഷങ്ങള്ക്കും അതിഥിയായി എത്താന് 1.50 കോടി മുതുല് 2 കോടി വരെയാണ് വാങ്ങുന്നത്. പരിപാടികളില് ഡാന്സ് ചെയ്യണമെങ്കില് 2 കോടിക്ക് മുകളില് പ്രതിഫലം നല്കണമെന്നാണ് റിപ്പോര്ട്ടുകള്.
വിവാഹങ്ങള്ക്കും ആഘോഷ പരിപാടികളിലും ഡാന്സ് കളിക്കണമെങ്കില് 1 കോടിയാണ് ദീപിക പദുക്കോണ് പ്രതിഫലമായി വാങ്ങുന്നത്. ബോളിവുഡിലെ മുന്നിര നായികമാരിലൊരാളായ ദിപീക ഒരു ചിത്രത്തിനായി 15 മുതല് 30 കോടി വരെയാണ് പ്രതിഫലമായി വാങ്ങുന്നത്. പരസ്യങ്ങള്ക്ക് 7 കോടി മുതുല് 10 കോടിവരെയാണ് ദീപിക വാങ്ങുന്നത്.
ബോളിവുഡിന്റെ പ്രിയതാരം ഹൃത്വിക് റോഷനും പ്രതിഫലത്തിന്റെ കാര്യത്തില് ഒട്ടും പിന്നിലല്ല. 65 മുതല് 75 കോടി വരെയാണ് നിലവില് ഒരു ചിത്രത്തിനായി ഹൃത്വിക് വാങ്ങുന്നത് എന്നാണ് റിപ്പോര്ട്ടുകള്. പരസ്യ ചിത്രങ്ങള്ക്കും കോടികള് വാങ്ങുന്ന താരം വിവാഹത്തിന് അതിഥിയായി എത്തുന്നത് 2 കോടിയാണ് വാങ്ങുന്നത്. വിവാഹത്തിന് ഡാന്സ് കളിക്കാനും കോടികളാണ് താരം പ്രതിഫലമായി വാങ്ങുന്നത്.
മലയാളികളുടെ സ്വന്തം സണ്ണി ലിയോണും പ്രതിഫലത്തിന്റെ കാര്യത്തില് മുമ്പിലാണ്. ഉദ്ഘാടനം, വിവാഹം എന്നിവയ്ക്ക് 20 ലക്ഷമാണ് താരം പ്രതിഫലമായി വാങ്ങുന്നത്. വിവാഹത്തിന് ഡാന്സ് കളിക്കണമെങ്കില് 30 ലക്ഷമാണ് സണ്ണി ലിയോണിന് പ്രതിഫലമായി നല്കേണ്ടത്.
Continue with Google