സിനിമയിലെത്തിയതിനുശേഷം പേരുമാറ്റിയ ബോളിവുഡ് നടിമാര്‍

2003ല്‍ പുറത്തിറങ്ങിയ ഭൂം എന്ന ചിത്രത്തിലൂടെയായിരുന്നു കത്രീന കൈഫ് സിനിമയിലെത്തുന്നത്. പിന്നീട് ബോളിവുഡിലെ തിരക്കുള്ള നടിമാരിലൊരാളായി കത്രീന മാറുകയായിരുന്നു. സിനിമയില്‍ എത്തുന്നതിനു മുന്‍പ് നടിയുടെ പേര് കത്രീന ടര്‍ക്വോട്ട എന്നായിരുന്നു.  

1993ല്‍ പുറത്തിറങ്ങിയ ബാസിഗര്‍ എന്ന ചിത്രത്തിലൂടെയായിരുന്നു ശില്‍പ ഷെട്ടിയുടെ സിനിമാ അരങ്ങേറ്റം. ഷാരുഖ് ഖാനായിരുന്നു ചിത്രത്തിലെ നായകന്‍. മാഗ്ലൂരില്‍ ജനിച്ച വളര്‍ന്ന നടിയുടെ യഥാര്‍ത്ഥ പേര് അശ്വിനി ഷെട്ടി എന്നാണ്.  

2014ല്‍ പുറത്തിറങ്ങിയ ഫഗ്ലി എന്ന ചിത്രത്തിലൂടെയായിരുന്നു കിയാര അദ്വാനിയുടെ സിനിമാ അരങ്ങേറ്റം. ആലിയ എന്നാണ് നടിയുടെ യഥാര്‍ത്ഥ പേര്. ബോളിവുഡില്‍ ആലിയ ഭട്ട് ഉള്ളതിനാലാണ് കിയാര ആലിയ എന്ന പേരു മാറ്റി കിയാര അദ്വാനി എന്ന പേര് സ്വീകരിച്ചത്.  

2003ല്‍ പുറത്തിറങ്ങിയ ഖ്വായിഷ് എന്ന ചിത്രത്തിലൂടെ സിനിമയിലെത്തിയ മല്ലിക ഷെരാവത്തിന്റെ യഥാര്‍ത്ഥ പേര് റീമ ലാംബ എന്നാണ്. റീമ എന്ന പേരില്‍ മറ്റൊരു നടി ഉള്ളതിനാല്‍ നടി മല്ലിക ഷെരാവത് എന്ന പേരു സ്വീകരിക്കുകയായിരുന്നു.  

തുണൈവന്‍ എന്ന തമിഴ് ചിത്രത്തിലൂടെ നാലാം വയസില്‍ സിനിമാ ജീവിതം ആരംഭിച്ച ശ്രീദവിയുടെ യഥാര്‍ത്ഥ പേര് ശ്രീ അമ്മയങ്കാര്‍ അയ്യപ്പന്‍ എന്നായിരുന്നു. തമിഴ് നാട്ടിലെ ശിവകാശിയാണ് ശ്രീദേവിയുടെ സ്വദേശം.