ജയിലറ കയറിയ പത്ത്‌ മലയാള സിനിമകള്‍

മമ്മൂട്ടി, ശോഭന എന്നിവർ പ്രധാന കഥാപാത്രങ്ങളായി എത്തിയ ചിത്രമായിരുന്നു യാത്ര.ബാലു മഹേന്ദ്ര സം‌വിധാനവും, തിരക്കഥയും നിർവഹിച്ച ഈ ചിത്രത്തിന് കഥയും സംഭാഷണവും എഴുതിയത് ജോൺ പോൾ ആണ്.അടിയന്തിരാവസ്ഥക്കാലത്തു പോലീസും ജയിൽ അധികൃതരും നടത്തിയ മനുഷ്യാവകാശ ലംഘനങ്ങളുടെ പശ്ചാത്തലത്തിലാണ് ചിത്രം കഥ പറഞ്ഞത്.

ഡെന്നീസ്‌ ജോസഫിന്റെ തിരക്കഥയിൽ ജോഷി സംവിധാനം  ചെയ്ത ചിത്രമാണ്‌ ന്യൂ ഡെൽഹി. മമ്മൂട്ടി ജി കെ എന്ന കേന്ദ്രകഥാപാത്രത്തെയാണ് ചിത്രത്തില്‍ അവതരിപ്പിച്ചത്.അഴിമതിക്കാരായ രണ്ടു രാഷ്ട്രീയക്കാരുടെ ദുഷ്കൃത്യങ്ങൾ വെളിച്ചത്തുകൊണ്ടുവന്നതിനെത്തുടർന്ന് തടവിലാക്കപ്പെടുന്ന ഡെൽഹിയിലെ ഒരു പത്രപ്രവർത്തകന്റെ പ്രതികാരത്തിന്റെ കഥ പറഞ്ഞ ചിത്രം ഏറ്റവും വലിയ ഹിറ്റുകളിലൊന്നാണ്.

മികച്ച അഭിനയം, സംവിധാനം എന്നിവ അടക്കം നാല് ദേശീയ ചലച്ചിത്ര പുരസ്കാരങ്ങൾ നേടിയ ചിത്രമാണ് അടൂര്‍ ഗോപാലകൃഷ്ണന്‍ സംവിധാനം ചെയ്ത മതിലുകള്‍.രാഷ്ട്രീയതടവുകാരനായി ജയിലിലെത്തുന്ന ബഷീറാണ് ചിത്രത്തിലെ പ്രധാന കഥാപാത്രം.ബഷീറായി മമ്മൂട്ടിയാണ് ചിത്രത്തില്‍ അഭിനയിച്ചിരിക്കുന്നത്.അവിചാരിതമായി മതിലിനപ്പുറത്തെ പെൺജയിലിലെ തടവുകാരിയായ നാരായണിയുമായി ബഷീർ‌ ചങ്ങാത്തത്തിലാവുകയും തുടര്‍ന്നുണ്ടാകുന്ന സംഭവങ്ങളുമാണ് ചിത്രം പറഞ്ഞത്.

പ്രിയദര്‍ശന്റെ സംവിധാനത്തില്‍ മോഹന്‍ലാല്‍ നായകനായി എത്തിയ ചിത്രമാണ് കാലാപാനി.സ്വാതന്ത്ര്യ സമരത്തിന്റെ പശ്ചാത്തലത്തിലൊരുക്കിയ ചിത്രം 1996ലെ വിഷുക്കാലത്താണ് പുറത്തിറങ്ങിയത്.5 നാഷണല്‍ അവാര്‍ഡുകളും 7 സംസ്ഥാന അവാര്‍ഡുകളും നേടിയ ചിത്രം 1995 കാലഘട്ടത്തില്‍ മലയാള സിനിമയില്‍ വലിയ ബജറ്റില്‍ നിര്‍മ്മിച്ച ചിത്രം കൂടിയാണ്.

ലോഹിതദാസിന്റെ സംവിധാനത്തില്‍ മമ്മൂട്ടി നായകനായി എത്തിയ ചിത്രമാണ് ഭൂതക്കണ്ണാടി.ചിത്രത്തില്‍ വിദ്യാധരന്‍ എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്.1997ല്‍ പുറത്തിറങ്ങിയ ഈ ചിത്രത്തിന് മികച്ച സംവിധായകനുള്ള ഇന്ദിരാഗാന്ധി നാഷണല്‍ അവാര്‍ഡും മികച്ച ചിത്രത്തിനുള്ള കേരള സര്‍ക്കാര്‍ പുരസ്ക്കാരവും മമ്മൂട്ടിക്ക് മികച്ച നടനുള്ള ഫിലിംഫെയര്‍ പുരസ്‌ക്കാരവും ലഭിച്ചിരുന്നു.

1998-ൽ പുറത്തിറങ്ങിയ ദയ എന്ന ചിത്രത്തിന് ശേഷം വേണു സംവിധാനം ചെയ്ത ചിത്രമാണ് മുന്നറിയിപ്പ്‌.അപര്‍ണ ഗോപിനാഥ്,മമ്മൂട്ടി,പ്രതാപ് പോത്തന്‍,നെടുമുടി വേണു തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളായി എത്തിയത്.രാഘവന്‍ എന്ന കഥാപാത്രത്തെയാണ് മമ്മൂട്ടി ചിത്രത്തില്‍ അവതരിപ്പിക്കുന്നത്.മുന്‍ തടവുകാരനായ രാഘവനെക്കുറിച്ച് റിപ്പോര്‍ട്ട് തയ്യാറാക്കാനെത്തുന്ന പത്രപ്രവര്‍ത്തകയുടെ വേഷത്തിലാണ് അപര്‍ണ ചിത്രത്തിലെത്തുന്നത്.

അമല്‍ നീരദിന്റെ സംവിധാനത്തില്‍ 2010ല്‍ പുറത്തിറങ്ങിയ ചിത്രമാണ് അന്‍വര്‍.പൃഥ്വിരാജ് സുകുമാരന്‍,ലാല്‍,മംമ്ത മോഹന്‍ദാസ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.

ആന്റണി വര്‍ഗീസ്,വിനായകന്‍,ചെമ്പന്‍ വിനോദ് ജോസ് എന്നിവര്‍ പ്രധാന കഥാപാത്രങ്ങളായി എത്തിയ ചിത്രമാണ്‌ സ്വാതന്ത്ര്യം അര്‍ദ്ധരാത്രിയില്‍.ടിനു പാപ്പച്ചന്‍ ആണ് ചിത്രത്തിന്റെ സംവിധായകന്‍.