ക്യാമറക്ക് മുന്നില്‍ വളര്‍ന്നവര്‍; ബാലതാരങ്ങളായി കരിയര്‍ തുടങ്ങിയ ടെലിവിഷന്‍ താരങ്ങള്‍

ചക്കപ്പഴം എന്ന ടെലിവിഷന്‍ പരമ്പരയിലൂടെ പ്രേക്ഷക മനസ്സില്‍ ഇടം നേടിയ ടെലിവിഷന്‍ താരമാണ് ശ്രുതി രജനീകാന്ത്. സൂര്യ ടിവിയില്‍ സംപ്രേഷണം ചെയ്തിരുന്ന ''എട്ടു സുന്ദരികളും ഞാനും'' എന്ന പരമ്പരയിലൂടെയാണ് ശ്രുതി തന്റെ കരിയര്‍ ആരംഭിക്കുന്നത്. പിന്നീട് നീണ്ട ഇടവേളയ്ക്ക് ശേഷം ചക്കപ്പഴത്തിലെ പൈങ്കിളിയായി വന്ന് താരം പ്രേക്ഷകഹൃദയം കീഴടക്കി.

അലാവുദ്ദീന്റെ അത്ഭുത വിളക്ക് എന്ന ടെലിവിഷന്‍ പരമ്പരയിലൂടെയാണ് പ്രേക്ഷകരുടെ പ്രിയതാരം ജീവന്‍ ഗോപാല്‍ കരിയര്‍ ആരംഭിക്കുന്നത്. തുടര്‍ന്ന് ടെലിവിഷന്‍ സീരിയലുകള്‍ക്കൊപ്പം തന്നെ സിനിമകളിലും താരം അഭിനയിച്ചു.  

ടെലിവിഷന്‍ പ്രേക്ഷകരുടെ പ്രിയതാരമാണ് നികിത രാജേഷ്. ഓമനത്തിങ്കള്‍ പക്ഷി എന്ന ടെലിവിഷന്‍ പരമ്പരയിലൂടെയാണ് നികിത അഭിനയരംഗത്തെത്തുന്നത്. പരമ്പരയില്‍ ലെനയുടെ മകളായിട്ടാണ് നികിത അഭിനയിച്ചത്. തുടര്‍ന്ന് രഹസ്യം, ദേവീമാഹാത്മ്യം, സസ്‌നേഹം തുടങ്ങി നിരവധി ടെലിവിഷന്‍ പരമ്പരകളില്‍ അഭിനയിച്ചു. 

ടെലിവിഷന്‍ പ്രേക്ഷകരുടെ പ്രിയതാരമായ റബേക്ക ഏഷ്യാനെറ്റില്‍ സംപ്രേഷണം ചെയ്ത കുഞ്ഞിക്കൂനന്‍ എന്ന പരമ്പരയിലൂടെയാണ് അഭിനയത്തിലേക്ക് കടന്നുവരുന്നത്. തുടര്‍ന്ന് മിനിസ്‌ക്രീന്‍ പരമ്പരകളിലൂടെയും സിനിമകളിലൂടെയും താരം പ്രേക്ഷക മനസ്സില്‍ ഇടം നേടി.

ടെലിവിഷന്‍ പ്രേക്ഷകരുടെ പ്രിയതാര ഗോപിക അനില്‍ ഷാജി കൈലാസ് സംവിധാനം ചെയ്ത ശിവം എന്ന ചിത്രത്തിലൂടെയാണ്  വെള്ളിത്തിരയിലെത്തുന്നത്. തുടര്‍ന്ന് വി.എം വിനു സംവിധാനം ചെയ്ത ബാലേട്ടന്‍ എന്ന ചിത്രത്തില്‍ മോഹന്‍ലാലിന്റെ മകളായി അഭിനയിച്ചു.