Click it and Unblock the Notifications
മോഹന്ലാലിന്റെ കട്ട താടിയും മമ്മൂട്ടിയുടെ സെല്ഫിയും; 2020ല് സോഷ്യല് മീഡിയ ഭരിച്ചത് ഇവരാണ്
കൊവിഡ് വ്യാപനത്തെ തുടര്ന്നുണ്ടായ ലോക്ക്ഡൗണും തിയേറ്റര് അടച്ചുപൂട്ടലുമടക്കം 2020ലെ ആദ്യ പകുതിയില് സിനിമാമേഖല നിശ്ചലമായപ്പോള് താരങ്ങളെല്ലാം തന്നെ സോഷ്യല്മീഡിയയില് കൂടുതല് ആക്ടിവായിരുന്നു. തങ്ങളുടെ വീട്ടുവിശേഷങ്ങളും ചിത്രങ്ങളുമെല്ലാം മിക്ക താരങ്ങളും നിരന്തരം പ്രേക്ഷകരുമായി പങ്കുവെച്ചിരുന്നു. അതില് മമ്മൂട്ടിയുടെ സെല്ഫിയും റിമിടോമിയുടെ മേക്ക്ഓവര് ചിത്രങ്ങളും കണ്ട് പ്രേക്ഷകര് ഞെട്ടുകയും ചെയ്തു. ഈ ചിത്രങ്ങളെല്ലാം തന്നെ സോഷ്യല്മീഡിയയില് വൈറലാവുകയും ചെയ്തിരുന്നു. അത്തരത്തില് 2020ല് സോഷ്യല്മീഡിയ ഭരിച്ച 5 താരങ്ങള് ഇവരാണ്.
ഉള്ളടക്ക പട്ടിക
ലോക്ക്ഡൗണ് കാലത്ത് ആഴ്ചകളോളം സോഷ്യല്മീഡിയയില് ചര്ച്ച ചെയ്ത ചിത്രമേത് എന്ന് ചോദ്യച്ചാല് ഉത്തരമൊന്നേയുള്ളു മെഗാസ്റ്റാര് മമ്മൂട്ടിയുടേത്. താടി വെച്ച് സോള്ട്ട് ആന്റ് പെപ്പര് ലുക്കില് മമ്മൂട്ടി പങ്കുവെച്ച ചിത്രം മലയാളത്തിലെ യുവ ചലച്ചിത്ര താരങ്ങളും തങ്ങളുടെ ഫെയ്സ്ബുക്ക് പേജില് ഷെയര് ചെയ്തിരുന്നു. വര്ക്ക് ഔട്ടിനിടെ എടുത്ത ആ സെല്ഫിക്കൊപ്പം തന്നെ മമ്മൂക്കയുടെ കൈയിലെ ഫോണും വൈറലായിരുന്നു.
ലോക്ക് ഡൗണ് കാലത്ത് സോഷ്യല് മീഡിയ എറ്റവുമധികം ചര്ച്ച ചെയ്ത മറ്റൊരു ചിത്രം മോഹന്ലാലിന്റെതായിരുന്നു. ചുവന്ന ഷര്ട്ടും നീണ്ട താടിയുമായി തന്റെ പ്രിയപ്പെട്ട വളര്ത്തുനായ ബെയ്ലിയെ സ്നേഹത്തോടെ ചേര്ത്തു പിടിച്ച താരരാജാവിന്റെ ചിത്രം മിനിറ്റുകള്ക്കുള്ളിലാണ് സോഷ്യല് മീഡിയയില് വൈറലായത്. തുടര്ന്ന് ലോക്ക്ഡൗണ് പിന്വലിച്ചതോടെ മോഹന്ലാല് തന്റെ ലുക്കില് മാറ്റം വരുത്തിയിരുന്നു. താടി കളഞ്ഞ് തടി കുറച്ച് ചുള്ളന് ലുക്കിലുള്ള മോഹന്ലാലിന്റെ ചിത്രം പ്രൊഡക്ഷന് കണ്ട്രോളര് ബാദുഷയായിരുന്നു ഫേസ്ബുക്കില് പോസ്റ്റ് ചെയ്തത്.
2020ല് സോഷ്യല്മീഡിയ ഏറെ ചര്ച്ച ചെയ്ത മറ്റൊരു താരമാണ് പൃഥ്വിരാജ്. ലോക്ക്ഡൗണിന്റെ തുടക്കത്തില് ആടുജീവിതത്തിനായി പൃഥ്വി മെലിഞ്ഞതായിരുന്നു വാര്ത്തയായതെങ്കില് 2020ന്റെ അവസാനത്തില് കോള്ഡ് കേസിനായി സ്റ്റെലിഷ് ലുക്കിലെത്തിയ താരത്തിന്റെ ചിത്രങ്ങളായിരുന്നു വാര്ത്തയായത്. തനു ബാലക് സംവിധാനം ചെയ്ത കോള്ഡ് കേസില് പോലീസ് ഓഫീസറുടെ വേഷത്തിലാണ് പൃഥ്വി എത്തുന്നത്. പൃഥ്വി തന്നെയായിരുന്നു ലൊക്കേഷന് ചിത്രങ്ങള് സോഷ്യല് മീഡിയയില് പങ്കുവെച്ചത്.
പ്രിയതാരം ഫഹദ് ഫാസിലാണ് 2020ല് സോഷ്യല്മീഡിയയില് ചര്ച്ചയായ മറ്റൊരു താരം. ദിലീഷ് പോത്തന് സംവിധാനം ചെയ്യുന്ന ജോജി എന്ന ചിത്രത്തിന്റെ ലൊക്കേഷന് ചിത്രങ്ങളായിരുന്നു ചര്ച്ചകള്ക്ക് വഴിവെച്ചത്. ചിത്രത്തില് നന്നായി മെലിഞ്ഞ ഗെറ്റപ്പിലാണ് താരം എത്തുന്നത്. ഫഹദിനൊപ്പമുള്ള ഒരു ലൊക്കേഷന് ചിത്രം നടന് ബാബുരാജായിരുന്നു സോഷ്യല്മീഡിയയില് പങ്കുവെച്ചത്. 'ജോജിയോടൊപ്പം' എന്ന ക്യാപ്ഷനൊപ്പം പോസ്റ്റ് ചിത്രം നിമിഷങ്ങള്ക്കുള്ളില് സോഷ്യല്മീഡിയയില് വൈറലാവുകയായിരുന്നു.
പ്രേക്ഷകരുടെ പ്രിയതാരം റിമി ടോമിയാണ് 2020ല് സോഷ്യല്മീഡിയയില് തരംഗമായ മറ്റൊരു താരം. 68 കിലോയില് നിന്ന് 52 കിലോയായി ശരീരഭാരം കുറച്ച ചിത്രങ്ങള് റിമി തന്നെ സോഷ്യല്മീഡിയിയല് പങ്കുവെക്കുകയായിരുന്നു. ഈ ചിത്രങ്ങള് പ്രേക്ഷകരുടെ ഇടയില് വലിയ ചര്ച്ചയായിരുന്നു.
Continue with Google