സേഫ് ഗെയിമർ ശ്രുതിയ്ക്ക് 15,000, മികച്ച ഗെയിമറായ അഖില്‍ മാരാറിന് 10,000; ബിഗ് ബോസില്‍ ഏറ്റവും കൂടുതല്‍ പ്രതിഫലം ആർക്ക്?

നിലവില്‍ ബിഗ് ബോസ് മലയാളം സീസണ്‍ 5ലെ കരുത്തുറ്റ മത്സരാര്‍ത്ഥികളില്‍ ഒരാളാണ് സംവിധായകനാണ് അഖില്‍ മാരാര്‍. തുടക്കം മുതല്‍ മികച്ച ഗെയിം പ്ലാനോടെ ഹൗസിനകത്ത് കളിക്കുന്ന അഖിലിന് മികച്ച സപ്പോര്‍ട്ടാണ് പ്രേക്ഷകരുടെ ഭാഗത്ത് നിന്നും ലഭിക്കുന്നത്. എന്നാല്‍ ഇതിനിടയില്‍ നിരവധി വിമര്‍ശനങ്ങളും അഖിലിനെതിരെ ഉയര്‍ന്നു വരുന്നുണ്ട്. മുന്‍ സീസണില മത്സരാര്‍ത്ഥിയായിരുന്ന റോബിന്‍ രാധാകൃഷ്ണനെ പോലെയാണ് അഖില്‍ ഹൗസിനകത്ത് പെരുമാറാന്‍ ശ്രമിക്കുന്നത് എന്നാണ് ഏറ്റവും കൂടുതല്‍ ഉയര്‍ന്നുവന്ന ആരോപണം. കൂടാതെ നന്നായി സംസാരിക്കാന്‍ അറിയുന്ന അഖില്‍ ഹൗസിനകത്ത് സംസാരിക്കുമ്പോള്‍ കൂടുതല്‍ ശ്രദ്ധിക്കണമെന്നും വിമര്‍ശനങ്ങളുണ്ട്. റിപ്പോര്‍ട്ടുകള്‍ പ്രകാരം ഒരു ദിവസം 10,000രൂപയാണ് അഖിലിന് ബിഗ് ബോസ് ഹൗസിനകത്ത് നിന്നും ലഭിക്കുന്ന പ്രതിഫലം.

നിലവില്‍ ബിഗ് ബോസില്‍ സേഫായി ഗെയിം കളിക്കുന്ന മത്സരാര്‍ത്ഥിയാണ് ശ്രുതി ലക്ഷ്മി. സിനിമ-സീരിയല്‍ രംഗത്തെ പ്രശസ്തയായിട്ടും ശ്രുതിക്ക് പ്രേക്ഷകരുടെ ഭാഗത്ത് നിന്നും സപ്പോര്‍ട്ട് കുറവാണ് എന്നാണ് റിപ്പോര്‍ട്ടുകള്‍. സ്‌ക്രീന്‍ പ്രസന്‍സിനു വേണ്ടി ഇടയ്ക്കിടയ്ക്ക് ചെറിയ പ്രശ്‌നങ്ങള്‍ വലുതാക്കി കാണിക്കുന്നു എന്നതല്ലാതെ ശ്രുതിക്ക് വലിയ ഗെയിം പ്ലാനൊന്നുമില്ലെന്നാണ് പൊതുവിലുള്ള അഭിപ്രായം. പുറത്ത് വരുന്ന റിപ്പോര്‍ട്ടുകള്‍ പ്രകാരം ബിഗ് ബോസ് ഹൗസില്‍ ഏറ്റവും കൂടുതല്‍ പ്രതിഫലം വാങ്ങുന്ന മത്സരാര്‍ത്ഥികളില്‍ ഒരാള്‍ കൂടിയാണ് ശ്രുതി. ഒരു ദിവസത്തേക്ക് ബിഗ് ബോസില്‍ നിന്നും 15,000 രൂപയാണ് ശ്രുതിക്ക് ലഭിക്കുന്നത്.  

നിലവില്‍ ബിഗ് ബോസ് സീസണ്‍ 5ല്‍ ഗ്രൂപ്പ് കളിയിലൂടെ ഹൗസിനകത്ത് നിലനിന്നു പോവുന്ന മത്സരാര്‍ത്ഥിയാണ് ഷിജു അബ്ദുള്‍ റഷീദ്. അഖില്‍ മാരാര്‍, വിഷ്ണു ജോഷി എന്നിവരുടെ ഗ്യാങ്ങിലാണ് ഷിജു ഇപ്പോഴുള്ളത്. എന്നാല്‍ അഖിലും വിഷ്ണുവും മികച്ച രീതിയില്‍ ഹൗസിലെ ഗെയിമുകള്‍ കളിക്കുമ്പോഴും ഷിജുവില്‍ നിന്നും അത്തരമൊരു മത്സരബുദ്ധി കാണുന്നില്ലെന്നാണ് പ്രേക്ഷകര്‍ പറയുന്നത്. ഗ്രൂപ്പില്‍ നിന്നും മാറി ഒറ്റയ്ക്ക് കളിക്കുകയാണെങ്കില്‍ ഷിജുവിന് പ്രേക്ഷകരുടെ ഭാഗത്ത് നിന്നും കൂടുതല്‍ സപ്പോര്‍ട്ട് ലഭിക്കുമെന്നാണ് സോഷ്യല്‍മീഡിയ പറയുന്നത്. എങ്കിലും ബിഗ് ബോസ് ഹൗസില്‍ ഒരു ദിവസത്തേക്ക് 15,000 രൂപയാണ് ഷിജുവിന് ലഭിക്കുന്ന പ്രതിഫലം.

അഖില്‍ മാരാറിനെപ്പോലെ തുടക്കം മുതല്‍ വാശിയോടെ ബിഗ് ബോസ് ഹൗസില്‍ മത്സരിക്കുന്ന മറ്റൊരു മത്സരാര്‍ത്ഥിയാണ് സാഗര്‍ സൂര്യ. ഗെയിമുകളിലും കലാപരിപാടികളിലും ചര്‍ച്ചകളിലുമെല്ലാം ഓരേ ആവശത്തോടെ പങ്കെടുക്കുന്ന സാഗറിന് നിലവില്‍ പ്രേക്ഷകരുടെ ഭാഗത്ത് നിന്നും മികച്ച സപ്പോര്‍ട്ടാണ് ലഭിക്കുന്നത്. ഏങ്കിലും സെറീനയുമായുള്ള സൗഹൃദം സാഗറിന് ചെറിയ രീതിയില്‍ നെഗറ്റീവ് ഇമേജ് ഉണ്ടാക്കിയിട്ടുണ്ട്. മികച്ച മത്സരാര്‍ത്ഥിയായ സാഗര്‍ സെറീനയുമായി ലവ് ട്രാക്ക് പിടിച്ചാല്‍ കളി മൊത്തം മാറിമറിയുമെന്നാണ് പ്രേക്ഷകര്‍ പറയുന്നത്. എങ്കിലും നിലവില്‍ ബിഗ് ബോസില്‍ ഏറ്റവും കൂടുതല്‍ പ്രതിഫലം ലഭിക്കുന്ന മത്സരാര്‍ത്ഥികളില്‍ ഒരാളാണ് സാഗര്‍. ദിവസം 12,000 രൂപയാണ് സാഗറിന് ലഭിച്ചുകൊണ്ടിരിക്കുന്ന പ്രതിഫലം.   

തുടക്കം മുതല്‍ ബിഗ് ബോസ് ഹൗസില്‍ തന്റെ സ്ഥാനമുറപ്പിച്ച റെനീഷ റഹ്മാനും ദിവസം 12,000 രൂപയാണ് പ്രതിഫലമായി ലഭിക്കുന്നത് എന്നാണ് റിപ്പോര്‍ട്ടുകള്‍. മത്സരാര്‍ത്ഥികളുടെ നിലവിലെ പ്രകടനങ്ങള്‍ താരതമ്യം ചെയ്യുമ്പോള്‍ മികച്ച ഗെയിം പ്ലാനോടൊണ് റെനീഷ ഓരോ ഗെയിമും കളിക്കുന്നത്. എങ്കിലും ആവശ്യമില്ലാത്ത വിഷയങ്ങളില്‍ ഇടപ്പെട്ട് റെനീഷ വിഷയം കൂടുതല്‍ വഷളാക്കുന്നു എന്നൊരാഭിപ്രായവും പ്രേക്ഷകരുടെ ഭാഗത്ത് നിന്നുമുയരുന്നുണ്ട്. എങ്കിലും റെനീഷ് ബിഗ് ബോസ് സീസണ്‍ 5ന്റെ ടോപ് ഫൈവ് മത്സരാര്‍ത്ഥിയായി ഫിനാലെയില്‍ എത്തുമെന്നാണ് ആരാധകര്‍ പറയുന്നത്.  

ബിഗ് ബോസ് സീസണ്‍ 5ല്‍ ബുദ്ധിയോടെ കാര്യങ്ങള്‍ സംസാരിക്കുകയും ഗെയിം പ്ലാനുകള്‍ ഉണ്ടാക്കുകയും ചെയ്യുന്ന മത്സരാര്‍ത്ഥിയാണ് ജുനൈസ്. എങ്കിലും നിലവില്‍ ജുനൈസിന് പ്രേക്ഷകരുടെ സപ്പോര്‍ട്ട് കുറവാണ് എന്നാണ് റിപ്പോര്‍ട്ടുകള്‍ പറയുന്നത്. ചര്‍ച്ചകളില്‍ കിറുകൃത്യമായി പോയിന്റുകള്‍ ഓര്‍ത്ത് പറയുന്ന ജുനൈസ് ബിഗ് ബോസിലെ മികച്ച കണ്ടന്റ് ക്രിയേറ്റര്‍ കൂടിയാണ്. നിലവില്‍ ഒരു ദിവസം 12,000 രൂപയാണ് ജുനൈസിന് ലഭിക്കുന്ന പ്രതിഫലം.  

നിലവില്‍ ബിഗ് ബോസ് ഹൗസില്‍ ഗെയിമുകളില്‍ തുടക്കം മുതല്‍ വാശിയോടെ മത്സരിക്കുകയും ജയിക്കുകയും ചെയ്യുന്ന മത്സരാര്‍ത്ഥിയാണ് വിഷ്ണു ജോഷി. എങ്കിലും അഖില്‍ മാരാരുമായുള്ള ഗ്രൂപ്പ് കളി വിഷ്ണുവിന് നല്ലതല്ലെന്നാണ് പ്രേക്ഷരുടെ അഭിപ്രായം. പുറത്ത് വരുന്ന റിപ്പോര്‍ട്ടുകള്‍ സത്യമാണെങ്കില്‍ വിഷ്ണുവിന് ഒരു ദിവസം ബിഗ് ബോസ് ഹൗസില്‍ നിന്നും 10,000രൂപയാണ് പ്രതിഫലമായി ലഭിക്കുന്നത്.