ഷോക്കടിപ്പിക്കുന്ന കറന്റ്; ബോളിവുഡ് താരങ്ങളുടെ കറന്റ് ബില്‍ കേട്ടാല്‍ കണ്ണ് തള്ളും

മുംബൈയില്‍ 4 ബിഎച്ച്‌കെ അപ്പാര്‍ട്ട്‌മെന്റാണ് കത്രീന കൈഫിനും വിക്കി കൗശലിനുമുള്ളത്. ജുഹുവില്‍ കടലിനോട് ചേര്‍ന്നാണ് മോഡേണ്‍ ലുക്കിലുള്ള താരങ്ങളുടെ അപ്പാര്‍ട്ട്‌മെന്റ്. കോടികള്‍ വിലയുള്ള ഈ അപ്പാര്‍ട്ട്‌മെന്റിലാണ് ഇരുവരും മിക്ക സമയവും ചെലവഴിക്കുന്നത്. റിപ്പോര്‍ട്ടുകള്‍ പ്രകാരം 8 മുതല്‍ 10 ലക്ഷം വരെയാണ് താരങ്ങളുടെ ഇലക്ട്രിസ്റ്റി ബില്‍. 2023ലെ കണക്കുകള്‍ പ്രകാരം 224 കോടിയാണ് കത്രീനയുടെ ആകെ ആസ്തി. അങ്ങനെ വരുമ്പോള്‍ 10 ലക്ഷം കറന്റ് ബില്ലായി അടക്കുന്നത് ചെറിയ കാര്യമാണെന്നാണ് സോഷ്യല്‍മീഡിയ പറയുന്നത്.  

മുംബൈയിലെ ബാന്ദ്രയിലെ ഗ്യാലക്‌സി അപ്പാര്‍ട്ട്‌മെന്റിലാണ് സല്‍മാന്‍ ഖാന്‍ നിലവില്‍ താമസിക്കുന്നത്. ഏകദേശം 100 കോടി വിലമതിക്കുന്ന ഈ അപ്പാര്‍ട്ട്‌മെന്റിലെ ബാല്‍ക്കണിയിലാണ് പിറന്നാള്‍ ദിനങ്ങളില്‍ താരം ആരാധകരെ കാണാനെത്തുന്നത്. ജിം, പൂള്‍ തുടങ്ങി എല്ലാവിധ സൗകര്യങ്ങളുമുള്ള സല്‍മാന്റെ അപ്പാര്‍ട്ട്‌മെന്റ് കാണാന്‍ ദിവസവും നിരവധി പേരാണ് എത്തുന്നത്. അപ്പാര്‍ട്ട്‌മെന്റിന് 100 കോടിയാണെങ്കില്‍ ഇലക്ട്രിസ്റ്റി ബില്ലായി 23 ലക്ഷം മുതല്‍ 25 ലക്ഷം വരെയാണ് താരം അടയ്ക്കുന്നത്.  

ഷാരൂഖ് ഖാനെപ്പോലെ തന്നെ ലക്ഷക്കണക്കിന് ആരാധകരാണ് താരത്തിന്റെ മന്നത്തിനുള്ളത്. മുംബൈയിലാണ് താരത്തിന്റെ കോടികള്‍ വില മതിക്കുന്ന മന്നത്ത് എന്ന വീട്. 2001ല്‍ 13.32 കോടി രൂപ കൊടുത്താണ് ഷാരൂഖ് മന്നത്ത് വാങ്ങിയത്. എന്നാല്‍ ഇന്ന് ആ വീടിന്റെ വില സങ്കല്‍പ്പിക്കാന്‍ പോലു കഴിയില്ല. വീടിന് ഇത്രയും കോടി രൂപ ചെലവഴിച്ച ഷാരൂഖിന്റെ ഇലക്ട്രിസ്റ്റി ബില്‍ എത്രയെന്ന് അറിയണ്ടേ ? 43 ലക്ഷം മുതല്‍ 45 ലക്ഷം വരെയാണ് ബില്‍.

മുംബൈയിലാണ് 4ബിഎച്ച്‌കെ അപ്പാര്‍ട്ട്‌മെന്റിലാണ് ദീപിക പദുക്കോണും ഭര്‍ത്താവ് രണ്‍വീര്‍ സിങ്ങും നിലവില്‍ താമസിക്കുന്നത്. പലപ്പോഴും അപ്പാര്‍ട്ട്‌മെന്റില്‍ നിന്നുമുള്ള മനോഹര ചിത്രങ്ങള്‍ ദീപിക ഇന്‍സ്റ്റാഗ്രാമില്‍ ഷെയര്‍ ചെയ്യാറുണ്ട്. മുംബൈയിലെ വീട് കൂടാതെ 2022ല്‍ അലിബാഗില്‍ ദീപിക മറ്റൊരു വീട് സ്വന്തമാക്കിയിരുന്നു. 22 കോടി വില വരുന്ന വീടിന്റെ ഗൃഹപ്രവേശന ചിത്രങ്ങള്‍ സോഷ്യല്‍മീഡിയയില്‍ വൈറലായിരുന്നു. ഇത്രയും കോടികള്‍ വീടിനായി ചിലവഴിച്ച താരങ്ങള്‍ ഇലക്ട്രിസ്റ്റി ബില്ലായി 13 ലക്ഷം മുതല്‍ 15 ലക്ഷം വരെ അടച്ചിട്ടുണ്ടെന്നാണ് വാര്‍ത്തകള്‍. 

മുംബൈയിലെ ബാന്ദ്രയിലാണ് കരീ കപൂറിന്റെയും സെയ്ഫ് അലി ഖാന്റെയും ആഢംബര അപ്പാര്‍ട്ട്‌മെന്റ്. നാല് നിലകളിലായി പ്രശസ്ത ഡിസൈനര്‍ ദര്‍ശിനി ഷായാണ് അപ്പാര്‍ട്ട്‌മെന്റ് ഡിസൈന്‍ ചെയ്തിരിക്കുന്നത്. ക്ലാസിക് ലുക്കിലുള്ള വീടിന്റെ ഏകദേശ വില 48 കോടിയാണ്. കൂടാതെ പുറത്ത് വരുന്ന റിപ്പോര്‍ട്ടുകള്‍ പ്രകാരം 30 ലക്ഷം മുതല്‍ 32 ലക്ഷം വരെയാണ് താരങ്ങളുടെ ഇലക്ട്രിസ്റ്റി ബില്‍.