ഒന്ന് കൊണ്ട് മതിയായി! വിവാഹമോചനത്തിനുശേഷം സിംഗിളായി ജീവിക്കുന്ന താരങ്ങള്‍

പ്രേക്ഷകരെ ഒന്നടങ്കം ഞെട്ടിച്ച വിവാഹമോചനമായിരുന്നു പ്രിയദര്‍ശന്‍-ലിസി താരങ്ങളുടേത്. ഏറെ നാളത്തെ പ്രണയത്തിനൊടുവില്‍ 1990ലായിരുന്നു ഇരുവരും വിവാഹതിതരായത്. എന്നാല്‍ ദാമ്പത്യ ജീവിതത്തില്‍ നിരന്തരം പ്രശ്‌നങ്ങള്‍ വന്നതോടെ ഇരുവരും 2015ല്‍ വേര്‍പിരിയാന്‍ തീരുമാനിക്കുകയായിരുന്നു. ഇതിനിടയില്‍ മോഹന്‍ലാലും സുരേഷ് കുമാറും വിവാഹമോചനത്തില്‍ നിന്നും ഇരുവരെയും പിന്തിരിപ്പാന്‍ ഒരുപാട് ശ്രമിച്ചിരുന്നു. എന്നാല്‍ തീരുമാനത്തില്‍ ഉറച്ചു നിന്ന താരങ്ങള്‍ 2016ല്‍ കോടതി വിധിപ്രകാരം നിയമപരമായി വേര്‍പിരിയുകയായിരുന്നു. വിവാഹമോചിതരായിട്ടും താരങ്ങള്‍ ഇതുവരെയും മറ്റൊരു വിവാഹം കഴിച്ചിട്ടില്ല. അടുത്തിടെ മകന്‍ സിദ്ധാര്‍ത്ഥിന്റെ വിവാഹത്തിന് താരങ്ങള്‍ ഒരുമിച്ചെത്തിയത് വലിയ വാര്‍ത്തയായിരുന്നു.

പ്രേക്ഷകരുടെ പ്രിയ താരങ്ങളിലൊരാളാണ് ഷൈന്‍ ടോം ചാക്കോ. വ്യത്യസ്തങ്ങളായ കഥാപാത്രങ്ങളിലൂടെ എന്നും ഞെട്ടിക്കുന്ന ഷൈന്‍ ഒരു ഓണ്‍ലൈന്‍ മാധ്യമത്തിനു നല്‍കിയ അഭിമുഖത്തിലായിരുന്നു തന്റെ വിവാഹമോചനത്തെക്കുറിച്ചും മകനെ കുറിച്ചും തുറന്നു സംസാരിച്ചത്. എന്നാല്‍ ഭാര്യയുടെ പേരോ മറ്റു വിവരങ്ങളോ താരം പങ്കുവെച്ചിട്ടില്ല. മകന്റെ പേര് സിയാല്‍ ആണെന്നും, അവനും അമ്മയും ഇപ്പോള്‍ മറ്റൊരു ഭൂഖണ്ഡത്തിലാണെന്നുമായിരുന്നു അഭിമുഖത്തില്‍ പറഞ്ഞത്. വിവാഹമോചിതനായിട്ടും ഇപ്പോഴും സിംഗിളായി തുടരുകയാണ് താരം.  

ഏറെ നാളത്തെ പ്രണയത്തിനുശേഷമായിരുന്നു 1988ല്‍ മുകേഷും സരിതയും വിവാഹതിരായത്. എന്നാല്‍ 2011ല്‍ ഇരുവരും വേര്‍പിരിയുകയായിരുന്നു. അക്കാലത്ത് മുകേഷിനെതിരെ സരിത ഗുരുതര ആരോപണങ്ങള്‍ ഉന്നയിക്കുകയും ചെയ്തിരുന്നു. സരിതയുമായുള്ള വിവാഹമോചനത്തിനുശേഷമായിരുന്നു 2013ല്‍ പ്രശസ്ത നര്‍ത്തകി മേതില്‍ ദേവികയെ വിവാഹ കഴിക്കുന്നത്. എന്നാല്‍ രണ്ടാമത്തെ വിവാഹബന്ധവും അധികനാള്‍ നീണ്ടു പോയില്ല. 2021ല്‍ ഇരുവരും വേര്‍പിരിഞ്ഞു. മേതില്‍ ദേവികയുമായി പിരിഞ്ഞതിനുശേഷം സിംഗിളായി ജീവിക്കുകയാണ് താരമിപ്പോള്‍.  

2 വര്‍ഷത്തെ പ്രണയത്തിനുശേഷമായിരുന്നു നടി ആന്‍ അഗസ്റ്റിനും ഛായാഗ്രാഹകനായ ജോമോന്‍ ടി ജോണും തമ്മിലുള്ള വിവാഹം. എന്നാല്‍ വിവാഹം കഴിഞ്ഞ് ഏതാണ്ട് 3 വര്‍ഷത്തോളം ഇരുവരും വേര്‍പിരിഞ്ഞ് ജീവിക്കുകയായിരുന്നു. തുടര്‍ന്നായിരുന്നു നിയമപരമായി ഇരുവരും വേര്‍പിരിഞ്ഞത്. വി.കെ പ്രകാശ് സംവിധാനം ചെയ്ത പോപ്പിന്‍സ് എന്ന ചിത്രത്തിന്റെ ലൊക്കേഷനില്‍ വച്ചായിരുന്നു ഇരുവരും പരിയചപ്പെടുന്നതും പ്രണയത്തിലാവുന്നതും. വിവാഹമോചനത്തിനുശേഷം ആന്‍ അഗസ്റ്റിനും ജോമോനും ഇതുവരെയും മറ്റൊരു വിവാഹം കഴിച്ചിട്ടില്ല.