ഒരൊറ്റ ചിത്രം മതി മലയാളികള്‍ ഇവരെ ഓര്‍ക്കാന്‍ ; ഈ നടിമാര്‍ ഇപ്പോള്‍ എവിടെ

കേരളഹൗസ് ഉടന്‍ വില്‍പ്പനയ്ക്ക് എന്ന ചിത്രത്തിലൂടെയായിരുന്നു രതി അറുമുഖത്തിന്റെ മലയാളത്തിലേക്കുള്ള അരങ്ങേറ്റം. പിന്നീട് തെലുങ്ക്, തമിഴ് ചിത്രങ്ങളില്‍ സജീവമായി. എന്നാല്‍ അഭിനയിച്ച ചിത്രങ്ങളൊന്നും അധികം ശ്രദ്ധിക്കപ്പെട്ടിരുന്നില്ല. തുടര്‍ന്ന് ടെലിവിഷന്‍ സീരിയലുകളില്‍ സജീവമായി.      

2002ല്‍ പുറത്തിറങ്ങിയ പകല്‍പ്പൂരം ആണ് കവിതയുടെ ആദ്യ മലയാള ചിത്രം. ചിത്രത്തില്‍ ഗീതു മോഹന്‍ദാസിനൊപ്പം നായിക തുല്യമായ വേഷത്തിലാണ് അഭിനയിച്ചത്. കോഴിക്കോട് ബേബി മെമ്മോറിയല്‍ ആശുപത്രിയില്‍ ഡോക്ടറായി ജോലി ചെയ്യുകയാണ് കവിത ഇപ്പോള്‍.  

നക്ഷത്രക്കണ്ണുള്ള രാജകുമാരന്‍ അവനുണ്ടൊരു രാജകുമാരി എന്ന ചിത്രത്തിലെ നായികയായിരുന്നു ഗായത്രി രഘുറാം. ഇപ്പോള്‍ മലയാളത്തിലെയും തമിഴിലെയും അറിയപ്പെടുന്ന കൊറിയോഗ്രാഫറാണ് ഗായത്രി.  

സംഗീത ശിവന്‍ സംവിധാനം ചെയ്ത സ്‌നേഹപൂര്‍വ്വം അന്ന എന്ന ചിത്രത്തിലൂടെയാണ് വൈഭവി മലയാളത്തിലെത്തുന്നത്. എന്നാല്‍ പിന്നീട് സിനിമകളിലൊന്നും അഭിനയിച്ചില്ല. നിലവില്‍ ബോളിവുഡിലെ പ്രശസ്ത നൃത്ത സംവിധായകരില്‍ ഒരാളാണ് വൈഭവി.  

പ്രശസ്ത തമിഴ് ചലച്ചിത്ര നടിയാണ് ഗായത്രി ശാസ്ത്രി. 2004ല്‍ പുറത്തിറങ്ങിയ തെക്കേക്കര സൂപ്പര്‍ഫാസ്റ്റ് ആണ് അഭിനയിച്ച ആദ്യ മലയാള ചിത്രം. പിന്നീട് മലയാള ചിത്രങ്ങളിലൊന്നും അഭിനയിച്ചില്ല. തമിഴ് ചിത്രങ്ങള്‍ക്കു പുറമെ ടെലിവിഷന്‍ സീരിയലുകളിലും അഭിനയിച്ചിട്ടുണ്ട്. .

പ്രിയം എന്ന ഒരൊറ്റ ചിത്രത്തിലൂടെ പ്രേക്ഷക മനസ്സില്‍ ഇടം നേടിയ താരമാണ് ദീപ നായര്‍. എന്നാല്‍ പിന്നീട് മലയാള ചിത്രങ്ങളിലൊന്നും അഭിനയിച്ചില്ല.  

1999ല്‍ പുറത്തിറങ്ങിയ മഴവില്ല് എന്ന മലയാളചിത്രത്തിലൂടെയാണ് പ്രീതി ചലച്ചിത്രരംഗത്തേക്ക് അരങ്ങേറ്റം കുറിക്കുന്നത്. 2000ത്തിലാണ് ആദ്യ ബോളിവുഡ് ചിത്രത്തില്‍ അഭിനയിക്കുന്നത്. മൊഹവത്തേന്‍ എന്ന ചിത്രത്തിലെ അഭിനയം പ്രീതിയെ ബോളിവുഡില്‍ ശ്രദ്ധേയയാക്കി. പിന്നീട് തെലുങ്ക്, ഹിന്ദി, കന്നഡ,പഞ്ചാബി തുടങ്ങിയ ഭാഷകളിലായി നിരവധി ചിത്രങ്ങളില്‍ അഭിനയിച്ചു. മഴവില്ല് ആണ് അഭിനയിച്ച ഏക മലയാള ചിത്രം.