68-ാമത് ദേശീയ ചലച്ചിത്ര അവാര്‍ഡ്; മലയാള സിനിമയ്ക്ക് അഭിമാന നിമിഷം

സൂരറൈ പോട്ര് എന്ന ചിത്രത്തിലെ അഭിനയത്തിനാണ് അപര്‍ണ ബാലമുരളിക്ക് മികച്ച നടിക്കുള്ള ദേശീയ ചലച്ചിത്ര അവാര്‍ഡ് ലഭിച്ചത്.  

സൂരറൈ പോട്ര് എന്ന ചിത്രത്തിലെ അഭിനയത്തിനാണ് സൂര്യക്ക് മികച്ച നടനുള്ള അവാര്‍ഡ് ലഭിച്ചത്.

തന്‍ഹാജി ദ അണ്‍സാങ് വാരിയര്‍ എന്ന ചിത്രത്തിലൂടെ അഭിനയത്തിലൂടെയാണ് അജയ് ദേവ്ഗണ്ണിന് മികച്ച നടനുള്ള അവാര്‍ഡ് ലഭിച്ചത്. കാജോള്‍, സെയ്ഫ് അലി ഖാന്‍, ശരാദ് കെല്‍ക്കര്‍ എന്നിവരായിരുന്നു ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്‌.  

68-ാമത് ദേശീയ ചലച്ചിത്ര അവാര്‍ഡുകള്‍ പ്രഖ്യാപിച്ചപ്പോള്‍ സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിനു മാത്രം നാല് അവാര്‍ഡുകളായിരുന്നു ലഭിച്ചത്. മികച്ച സംവിധായകന്‍, മികച്ച പിന്നണി ഗായിക, മികച്ച സഹനടന്‍, മികച്ച സ്റ്റണ്ട് കൊറിയോഗ്രാഫര്‍ എന്നിങ്ങനെ നാല് അവാര്‍ഡുകളാണ് ചിത്രത്തിന് ലഭിച്ചത്.  

സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിലൂടെ അഭിനയത്തിലൂടെ മികച്ച സഹനടനുള്ള ദേശീയ ചലച്ചിത്ര അവാര്‍ഡാണ് ബിജു മേനോന് ലഭിച്ചത്. 2020ല്‍ പുറത്തിറങ്ങിയ ചിത്രത്തിന് മികച്ച പ്രതികരണമായിരുന്നു പ്രേക്ഷകരുടെ ഭാഗത്തുനിന്നും ലഭിച്ചത്.  

അയ്യപ്പനും കോശിയും എന്ന ചിത്രത്തിലെ കലക്കാത്ത എന്ന ഗാനത്തിലൂടെയാണ് മികച്ച പിന്നണി ഗായികയ്ക്കുള്ള ദേശീയ ചലച്ചിത്ര അവാര്‍ഡ് നഞ്ചിയമ്മയ്ക്ക് ലഭിച്ചത്. ആദിവാസി കലാകാരിയായ നഞ്ചിയമ്മ അട്ടപ്പാടി സ്വദേശിയായ പഴനി സ്വാമി നേതൃത്വം നല്‍കുന്ന ആസാദ് കലാസംഘത്തിലെ അംഗമാണ്.