നടിമാർ മാറി നിൽക്കും! സുന്ദരനാകാൻ കോസ്‌മെറ്റിക് സർജറി ചെയ്ത നടന്മാർ

തെലുങ്കിന് പുറമെ മലയാളത്തിലും ലക്ഷക്കണക്കിന് ആരാധകരുള്ള താരമാണ് അല്ലു അര്‍ജ്ജുന്‍. ആര്യയിലൂടെ തെലുങ്കിലെ മുന്‍നിര നായകന്മാരിലൊരാളായി മാറിയ അല്ലു ഇന്ന് കോടികളാണ് ഒരു സിനിമയ്ക്കായി വാങ്ങുന്നത്. സിനിമയില്‍ നിന്നും അവസരങ്ങള്‍ കൂടിയപ്പോള്‍ സൗന്ദര്യം വര്‍ധിപ്പിക്കാനായി അല്ലു കോസ്‌മെറ്റിക് സര്‍ജറി ചെയ്തുവെന്നാണ് റിപ്പോര്‍ട്ടുകള്‍. പ്രധാനമായും മൂക്കും കീഴ്ത്താടിയും ശരിയാക്കാനാണ് താരം കോസ്‌മെറ്റിക് സര്‍ജറി ചെയ്തതെന്നാണ് റിപ്പോര്‍ട്ടുകള്‍. 

മഗധീര എന്ന ചിത്രത്തിലൂടെ മലയാളത്തിലും ആരാധകരെ ഉണ്ടാക്കിയെടുത്ത തെലുങ്ക് താരമാണ് രാം ചരണ്‍ തേജ. സിനിമയില്‍ സജീവമായതോടെ അല്ലുവിനെപ്പോലെ രാം ചരണും സൗന്ദര്യം വര്‍ധിപ്പിക്കാനായി ചില സര്‍ജറികള്‍ ചെയ്തിട്ടുണ്ടെന്നാണ് റിപ്പോര്‍ട്ടുകള്‍. പഴയ രാം ചരണില്‍ നിന്നും ഇന്നത്തെ സ്റ്റൈലിഷ് രാം ചരണായി മാറിയത് പ്ലാസ്റ്റിക് സര്‍ജറിയിലൂടെയാണെന്നാണ് റിപ്പോര്‍ട്ടുകള്‍.  

സൗന്ദര്യം വര്‍ധിപ്പിക്കാനായി ജൂനിയര്‍ എന്‍ടിആറും സര്‍ജറികള്‍ ചെയ്തിട്ടുണ്ടെന്നാണ് റിപ്പോര്‍ട്ടുകള്‍. നടന്റെ പഴയ കാല ഫോട്ടോകള്‍ കണ്ടാല്‍ അക്കാര്യം മനസിലാകുമെന്നാണ് ആരാധകര്‍ പറയുന്നത്. മുമ്പ് നല്ല തടിയുണ്ടായിരുന്ന താരം ലിപ്പോസക്ഷനിലൂടെ അമിതമായ കൊഴുപ്പ് കോശങ്ങള്‍ നീക്കം ചെയ്ത് ശരീരം ഒരു നടന്റേതായ രീതിയില്‍ പാകപ്പെടുത്തിയെന്നാണ് സോഷ്യല്‍മീഡിയയുടെ കണ്ടെത്തല്‍.  

തെലുങ്കിലും മറ്റു ഭാഷകളിലും ഒരു പോലെ ആരാധകരുള്ള നടനാണ് മഹേഷ് ബാബു. കരിയറിന്റെ തുടക്കത്തില്‍ തന്നെ മുടി കൊഴിച്ചില്‍ രൂക്ഷമായതോടെ മഹേഷ് ബാബു ഹെയര്‍ ട്രാന്‍സ്പ്ലാന്റേഷന്‍ ചെയ്തുവെന്നാണ് റിപ്പോര്‍ട്ടുകള്‍. പിന്നാലെയായിരുന്നു നായകനായി താരം തെലുങ്കില്‍ തിളങ്ങിയത്.  

സൗന്ദര്യം വര്‍ധിപ്പിക്കാനായി നിരവധി തെലുങ്ക് സൂപ്പര്‍സ്റ്റാര്‍ ചിരഞ്ജീവിയും സര്‍ജറികള്‍ ചെയ്തിട്ടുണ്ടെന്നാണ് ആരാധകര്‍ പറയുന്നത്. മുടി കൊഴിച്ചല്‍ കൂടിയതോടെ താരം ഹെയര്‍ ട്രാന്‍സ്പ്ലാന്റേഷനും തടി കുറയ്ക്കാനായി ലിപ്പോസക്ഷനും ചെയ്തുവെന്നാണ് റിപ്പോര്‍ട്ടുകള്‍.