തമന്ന ഭാട്ടിയ

പ്രശസ്ത തെന്നിന്ത്യന്‍ ചലച്ചിത്രനടിയാണ് തമന്ന ഭാട്ടിയ. 1989 ഡിസംബര്‍ 21ന് മുംബൈയില്‍ ജനിച്ചു. പിതാവ് സാമ്പത്തിക വിദഗ്ദനാണ്. മുംബൈയിലെ മാനെക്ലീ കൂപ്പര്‍ ട്രസ്റ്റ് സ്‌ക്കൂള്‍, നാഷമല്‍ കോളേജ് എന്നിവിടങ്ങളില്‍ നിന്നും വിദ്യാഭ്യാസം പൂര്‍ത്തിയാക്കി.  2005ലാണ് ചലച്ചിത്രരംഗത്തേക്ക് കടന്നുവരുന്നത്. ചന്ദ് സാ റോഷന്‍ ചേഹരാ എന്ന ഹിന്ദി ചിത്രത്തിലാണ് ആദ്യമായി അഭിനയിച്ചത്. 2006ല്‍ കേഡി എന്ന തമിഴ് ചിത്രത്തില്‍ അഭിനയിച്ചു. 2005ല്‍ ശ്രീ എന്ന തെലുഗു ചിത്രത്തില്‍ അഭിനയിച്ചു. അയന്‍, കണ്ടേന്‍ കാതലെ, പയ്യാ, സുരാ, വീരം, ബാഹുബലി 1, ദേവി, ബാഹുബലി 2 എന്നിവ അഭിനയിച്ച ചിത്രങ്ങളില്‍ പ്രധാനപെട്ടവയാണ്.