ജവാൻ ഓഫ് വെള്ളിമല കഥ

പ്രശസ്ത സംവിധായകൻ ലാൽ ജോസിന്റെ കൂടെ സഹ സംവിധായകനായി പ്രവർത്തിച്ച അനൂപ് കണ്ണൻ ആദ്യമായി സംവിധാനം ചെയ്ത മലയാളചലച്ചിത്രമാണ് 'ജവാൻ ഓഫ് വെള്ളിമല'. മമ്മൂട്ടി, ശ്രീനിവാസൻ, മമത മോഹൻദാസ്, ആസിഫ് അലി എന്നിവരാണ് പ്രധാനവേഷങ്ങളിൽ അഭിനയിച്ചിരിക്കുന്നത്. ജെയിംസ് ആൽബർട്ട് ആണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. പ്ലേഹൗസ് പ്രൊഡക്ഷൻസിന്റെ ബാനറിൽ മമ്മൂട്ടി തന്നെയാണ് ഈ ചിത്രം നിർമ്മിച്ചത്. സംഗീതസംവിധാനം നിർവ്വഹിച്ചിരിക്കുന്നത് ബിജിബാൽ ആണ്. ഗാനങ്ങൾ സത്യം ഓഡിയോസ് വിപണനം ചെയ്തിരിക്കുന്നു. കാഴ്ച വൈകല്യമുള്ള ഒരു പട്ടാളക്കാരന്റെ കഥാപാത്രത്തെയാണ് മമ്മൂട്ടി ഈ ചിത്രത്തിൽ അവതരിപ്പിച്ചത്.