ജവാനും മുല്ലപ്പൂവും

സുരേഷ് കൃഷ്ണന്‍ തിരക്കഥ എഴുതി രഘു മേനോന്‍ സംവിധാനം ചെയ്ത ചിത്രമാണ് ജവാനും മുല്ലപ്പൂവും . ശിവദ നായര്‍, സുമേഷ് ചന്ദ്രന്‍, രാഹുല്‍ മാധവ് എന്നിവരാണ് ചിത്രത്തിലെ പ്രധാന താരങ്ങള്‍. ചിത്രത്തില്‍ ഒരു പട്ടാളക്കാരന്റെ വേഷത്തിലാണ് സുമേഷ് എത്തുന്നത്. ജയശ്രീ എന്ന അധ്യാപികയായി ശിവദ  എത്തുന്നു. ഇവരുടെ കുടുംബജീവിതമാണ് ചിത്രത്തിന്റെ കഥാപശ്ചാത്തലം. ബികെ ഹരിനാരായണന്റെ വരികള്‍ക്ക് 4 മ്യൂസിക് സംഗീതം നല്‍കിയിരിക്കുന്നു. ശ്യാല്‍ സതീഷ് ഛായാഗ്രഹണവും സനല്‍ അനിരുദ്ധന്‍ എഡിറ്റിങ്ങും നിര്‍വ്വഹിച്ചിരിക്കുന്നു. സിനി എബ്രഹാം,  ദേവി അജിത്ത്,  ഹരിശ്രീ മാര്‍ട്ടിന്‍,  വിനോദ് കെടാമംഗലം,  കോബ്ര രാജേഷ്,  ബേബി സാധിക മേനോൻ എന്നിവരാണ് ചിത്രത്തിലെ മറ്റു പ്രധാന താരങ്ങള്‍. 2 ക്രീയേറ്റീവ്സിമൈന്‍ഡ്‌ന്റെ ബാനറില്‍ സമീര്‍ സേട്ട്, വിനോദ് ഉണ്ണിത്താന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചത്.