നാദിയ കൊല്ലപ്പെട്ട രാത്രി (2007)

കെ മധുവിന്റെ സംവിധാനത്തിൽ സുരേഷ് ഗോപി, സിദ്ദിഖ്, പൃഥ്വിരാജ്, കാവ്യ മാധവൻ എന്നിവർ പ്രധാനവേഷങ്ങളിൽ അഭിനയിച്ച് 2007-ൽ പുറത്തിറങ്ങിയ ഒരു മലയാളചലച്ചിത്രമാണ് 'നാദിയ കൊല്ലപ്പെട്ട രാത്രി'. നാദിയ മേത്തർ, നാദിറ മേത്തർ എന്നീ രണ്ടു കഥാപാത്രങ്ങളെ കാവ്യ മാധവൻ ഈ ചിത്രത്തിൽ അവതരിപ്പിച്ചിരിക്കുന്നു. കൃഷ്ണകൃപയുടെ ബാനറിൽ പാർവ്വതി കെ മധു, ലതിക കെ മധു എന്നിവർ നിർമ്മിച്ച ഈ ചിത്രം ഡ്രീം ടീം റിലീസ് ആണ് വിതരണം ചെയ്തത്. ചിത്രത്തിന്റെ രചന നിർവ്വഹിച്ചത് എ കെ സാജൻ ആണ്.