സുധി കോപ്പ, സുരഭി ലക്ഷ്മി എന്നിവരെ പ്രധാന കഥാപാത്രങ്ങളാക്കി ലിദേഷ് ദേവസി സംവിധാനം ചെയ്യുന്ന ചിത്രമാണ് ഞാന് മനോഹരന്. ഉയരക്കുറവുള്ള അച്ഛനും മകനും അനുഭവിക്കുന്ന മാനസീക സംഘര്ഷങ്ങളും ആ മകന്റെ സ്വപ്നങ്ങളുമാണ് ചിത്രം പറയുന്നത്. മനോഹരന് എന്ന ടൈറ്റില് കഥാപാത്രമായി മനോരഞ്ജനും മകനായി മാസ്റ്റര് ആദിഷും അഭിനയിക്കുന്നു. ശാരീരികമായ പരിമിധികള് ഒരുവന്റെ സ്വപ്നങ്ങളുടെയോ കഴിവിന്റേയോ പരിധി നിശ്ചയിക്കാനുള്ള അളവുകോല് അല്ലെന്ന് വ്യക്തമാക്കുകയാണ് ചിത്രം.
എല്ലാം തികഞ്ഞവര് മാത്രം വലിയ സ്വപ്നങ്ങള് കണ്ടാല് മതി എന്ന ചിന്താഗതി വച്ചുപുലര്ത്തുന്നവര്ക്ക് മുന്നില് ജീവിക്കുന്നവരാണ് മനോഹരനും മകന് അപ്പുവും. അപ്പുവിന്റെ സ്വപ്നങ്ങളും അവന്റെ പരിശ്രമങ്ങളും മനോഹരമായി അവതരിപ്പിക്കുകയാണ് ചിത്രം. ജിന്സ് കെ ബെന്നിയാണ് തിരക്കഥയും സംഭാഷണവും ഒരുക്കുന്നത്. ഏനിതിന് പി മോഹനാണ് നിര്വ്വഹിക്കുന്നത്. നിഥിന് പി മോഹന് ഛായാഗ്രഹണവും സായിബാലന് സംഗീതവും നല്കുന്നു. സുനില് ജോസഫ് ആണ് ചിത്രത്തിന്റെ നിര്മാതാവ്.
** Note :
കുറിപ്പ്: ഞാന് മനോഹരന് എന്ന സിനിമയുടെ കഥാ സന്ദർഭമോ അഭിനേതാക്കൾ, അണിയറപ്രവർത്തകർ എന്നിവരെ കുറിച്ചുള്ള വിവരങ്ങളോ ഞങ്ങളുമായി പങ്കുവെക്കാം. വിവരങ്ങൾ [email protected] എന്ന വിലാസത്തിലേക്ക് അയക്കുക.