>
    പാട്ടിന്റെ പവിഴമഴകള്‍ ; കെ എസ് ഹരിശങ്കറിന്റെ 5 സൂപ്പര്‍ഹിറ്റ് ഗാനങ്ങള്‍
    Published: Sunday, August 9, 2020, 12:30 PM [IST]
    ചുരുങ്ങിയ കാലം കൊണ്ട് പ്രേക്ഷക മനസ്സില്‍ ഇടം പിടിച്ച ഗായകനാണ് കെ എസ് ഹരിശങ്കര്‍. തീവണ്ടി എന്ന ചിത്രത്തിലെ ജീവാംശമായി, അതിരനിലെ പവിഴമഴയെ എന്നീ ഗാനങ്ങളാണ്‌ ഹരിശങ്കറിനെ ശ്രദ്ധേയനാക്കിയത്. 2014 മുതല്‍ പിന്നണിഗാനരംഗത്ത് സജീവമായ ഹരിശങ്കര്‍ മലയാളത്തില്‍ പാടിയ ഒട്ടുമിക്ക ഗാനങ്ങളെല്ലാം ഇതിനോടകം ഹിറ്റ് ചാര്‍ട്ടില്‍ ഇടംപിടിച്ചു കഴിഞ്ഞിട്ടുണ്ട്.
    ഷെയിന്‍ നിഗം, ശ്രുതി മേനോന്‍ എന്നിവരെ പ്രധാന കഥാപാത്രങ്ങളാക്കി ഷാനവാസ് കെ ബാവൂട്ടി സംവിധാനം ചെയ്ത ചിത്രമായിരുന്നു കിസ്മത്ത്. ചിത്രത്തിലെ ''നിളമണല്‍ത്തരികളില്‍ നിറനിലാരാവുകള്‍'' എന്ന തുടങ്ങുന്ന സൂപ്പര്‍ഹിറ്റ് ഗാനം ആലപിച്ചത്  ഹരിശങ്കറും ശ്രേയ രാഘവും ചേര്‍ന്നാണ്. റഫീഖ് അഹമ്മദ് എഴുതിയ വരികള്‍ക്ക് ഈണം നല്‍കിയത് സുമേഷ് പരമേശ്വറാണ്.
    ടൊവീനോ തോമസ്, സംയുക്ത മേനോന്‍ എന്നിവരെ പ്രധാന കഥാപാത്രങ്ങളാക്കി ഫെല്ലിനി ടി പി സംവിധാനം ചെയ്ത ചിത്രമായിരുന്നു തീവണ്ടി. ചിത്രത്തിലെ ജീവാംശമായി താനേ എന്ന തുടങ്ങുന്ന സൂപ്പര്‍ഹിറ്റ് ഗാനം ആലപിച്ചിരിക്കുന്നത് ഹരിശങ്കറും ശ്രേയ ഘോഷാലും ചേര്‍ന്നായിരുന്നു. 2018ലെ ഹിറ്റ് ചാര്‍ട്ടുകളില്‍ ഇടം പിടിച്ച ഗാനത്തിന്റെ രചയിതാവ് ബി കെ ഹരിനാരായണന്‍ ആണ്. കൈലാസ് മേനോന്‍ ആണ് ചിത്രത്തിന്റെ സംഗീത സംവിധാനം നിര്‍വ്വഹിച്ചത്.  
    2019ലെ ഹിറ്റ് ചാര്‍ട്ടുകളില്‍ ഇടം പിടിച്ച ഗാനമായിരുന്നു കെ എസ് ഹരിശങ്കര്‍ ആലപിച്ച പവിഴ മഴയെ. വിനായക് ശശികുമാര്‍ എഴുതിയ വരികള്‍ക്ക് പി എസ് ജയഹരിയാണ് സംഗീതം നല്‍കിയിരിക്കുന്നത്. ഫഹദ് ഫാസില്‍, സായി പല്ലവി എന്നിവരെ പ്രധാന കഥാപാത്രങ്ങളാക്കി നാവഗതനായ വിവേക് സംവിധാനം ചെയ്ത ചിത്രം ആ വര്‍ഷത്തെ മികച്ച ചിത്രങ്ങളിലൊന്നു കൂടിയാണ്.  
     
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X