ഗ്യാങ്ങുമായി വരുന്നവനാണ് ഗ്യാങ്ങസ്റ്റർ... മോളിവുഡിലെ സൂപ്പർ ഗ്യാങ്ങസ്റ്റർ സിനിമകൾ ഏതോക്കെയെന്ന് നോക്കാം

By Akhil Mohanan

| Published: Monday, September 26, 2022, 18:54 [IST]

ഗ്യാങ്ങുമായി വരുന്നവരാണ് ഗ്യാങ്സ്റ്റർ എന്നാണ് റോക്കി ഭായി പറഞ്ഞിരിക്കുന്നത്. അതു വച്ചു നോക്കുമ്പോൾ സമീപകാലത്ത് വന്നു ആരാധകരെ ഞെട്ടിച്ച ഒരു ഗ്യാങ്സ്റ്റർ റോക്കി ഭായി തന്നെയാണ്. യുവാക്കളിൽ ഇത്രയധികം സ്വാധീനം ചെലുത്തിയ മറ്റു ഗ്യാങ്സ്റ്റർ സിനിമകൾ ഇന്ത്യയിൽ ഉണ്ടോ എന്ന കാര്യത്തിൽ സംശയം ആണ്.

ഗ്യാങ്ങുമായി വരുന്നവനാണ് ഗ്യാങ്ങസ്റ്റർ... മോളിവുഡിലെ സൂപ്പർ ഗ്യാങ്ങസ്റ്റർ സിനിമകൾ ഏതോക്കെയെന്ന് നോക്കാം

1/10

കൊലയും കള്ളക്കടത്തും നടത്തിയ അനവധി ഗ്യാങ്സ്റ്റർസ് മലയാള സിനിമകളിൽ ഉണ്ടായിട്ടുണ്ട്. ലാലേട്ടനും മമൂക്കയും തകർപ്പൻ പ്രകടനങ്ങൾ കാഴ്ചവച്ച അനവധി ത്രില്ലർ സിനിമകൾ ഗ്യാങ്സ്റ്റർ മൂവി കേറ്റഗറിയിൽ വരുന്നതാണ്. മികച്ച പ്രകടനം കൊണ്ടും സ്റ്റൈൽ കൊണ്ടും മലയാളികളുടെ പ്രിയപ്പെട്ട ചില ഗ്യാങ്സ്റ്റർ സിനിമകൾ നമുക്ക് നോക്കാം.

2/10

1990ൽ മമ്മൂട്ടി അലക്സാന്റർ എന്ന ഗ്യാങ്സ്റ്റർ ആയി വന്ന സിനിമയാണ് സാമ്രാജ്യം. പേരുപോലെ തന്നെ അണ്ടർവേൾഡ് ഡോൺ ആയി മമ്മൂക്ക തകർപ്പൻ പ്രകടനം കാഴ്ചവച്ച സിനിമ സംവിധാനം ചെയ്തത് ജോമോൻ ആയിരുന്നു. മലയാളത്തിലെ മികച്ച ഗ്യാങ്സ്റ്റർ സിനിമകളുടെ ലിസ്റ്റിൽ മുന്നിൽ നിൽക്കാൻ എന്തുകൊണ്ടും യോഗ്യൻ ആണ് ഈ ചിത്രം. പക്ഷെ സിനിമയുടെ രണ്ടാം ഭാഗം മലയാളകൾ മറക്കാൻ ശ്രമിക്കുന്ന ഒരു ചിത്രമാണ്.

3/10

പ്രിയദർശൻ-മോഹൻലാൽ കൂട്ടുകെട്ടിൽ വന്ന ത്രില്ലർ സിനിമയായിരുന്നു ആര്യൻ. കേരളത്തിൽ നിന്നും മുംബൈ നഗരത്തിൽ എത്തി അവിടുത്തെ വലിയ ഡോൺ ആകുന്ന ദേവനാരായണൻറെ കഥ പറഞ്ഞ സിനിമ എഴുതിയിരിക്കുന്നത് ടി ദാമോദരൻ ആണ്. മികച്ച ഗ്യാങ്സ്റ്റർ സിനിമ ഇമോഷണലി ആരാധകരെ തളച്ചിടുന്നുണ്ട്. സ്ഥിരം കോമഡി സിനിമകളിൽ നിന്നും വ്യത്യസ്തമായി പ്രിയദർശൻ ചെയ്ത സിനിമകളിൽ ഒന്നാണിത്.

4/10

ഡെന്നിസ് ജോസെഫിന്റെ തിരക്കഥയിൽ തമ്പി കണ്ണന്താനം സംവിധാനം ചെയ്ത സിനിമയാണ് രാജാവിന്റെ മകൻ. മലയാളത്തിലെ മികച്ച ഡയലോഗുകൾ ഉള്ള സിനിമകളിൽ ഒന്നാണ് ഇത്. മോഹൻലാലിൻറെ വിൻസന്റ് ഗോമസ് എന്ന അധോലോക നായകന്റെ വേഷം ഇന്നും മലയാളികളുടെ പ്രിയപ്പെട്ടതാണ്. മോഹൻലാലിനെ സൂപ്പർ താര പദവിയിലേക്ക് ഉയർത്തിയ ചിത്രമായിരുന്നു ഇത്.

5/10

സാഗർ അലിയാസ് ജാക്കി എന്ന മോഹൻലാൽ കഥാപാത്രത്തെ മലയാളികൾക്ക് ഒരിക്കലും മറക്കാൻ കഴിയില്ല. പോലീസിനെ അതിസമർത്ഥമായി പറ്റിക്കുന്ന കള്ളകടത്തുകാരൻ ആയി ലാലേട്ടൻ വിലസിയ സിനിമയാണ് ഇരുപതാം നൂറ്റാണ്ട്. 1987ൽ കെ മധു സംവിധാനം ചെയ്ത സിനിമ വലിയ ഹിറ്റ് തന്നെയായിരുന്നു. ചിത്രത്തിന്റെ രണ്ടാം ഭാഗവും മികച്ച സിനിമ തന്നെയായിരുന്നു.

6/10

മമ്മൂട്ടിയുടെ കരിയറിലെ മികച്ച ത്രില്ലർ സിനിമകളിൽ ഒന്നാണ് ബ്ലാക്ക്. കാരിക്കാമുറി ഷണ്മുഖാൻ എന്ന് കഥാപാത്രമായി മമ്മൂക്കയുടെ മികച്ച പ്രകടനം ഉള്ള ഈ ചിത്രം സംവിധാനം ചെയ്തിരിക്കുന്നത് രഞ്ജിത്താണ്. കൊച്ചി കേന്ദ്രമായി ഗ്യാങ്സ്റ്റർ കഥ പറഞ്ഞ ചിത്രം മലയാളത്തിലെ മികച്ച ഹിറ്റുകളിൽ ഒന്നാണ്.

7/10

അൻവർ റഷീദ് ഒരുക്കിയ സൂപ്പർ ഹിറ്റ് കോമഡി സിനിമയായിരുന്നു ചോട്ടാ മുംബൈ. മോഹൻലാൽ തല എന്ന് പേരിൽ വിലസിയ സിനിമ ഇന്നും മലയാളികളെ ചിരിപ്പിക്കുന്ന ചിത്രങ്ങളിൽ ഒന്നാണ്. എന്നിരുന്നാലും ഗ്യാങ്സ്റ്റർ സിനിമകളുടെ കൂട്ടത്തിൽ എടുത്തുപറയാൻ പറ്റുന്ന ചിത്രമാണ് ഇത്. ചിത്രത്തിലെ കലാഭവൻ മണിയുടെ വില്ലൻ വേഷം ചിത്രത്തെ വേറെ ലെവലിൽ ഉയർത്തിയിരുന്നു.

8/10

മലയാള സിനിമയുടെ ഗതിമാറ്റിയ സംവിധായകൻ ആണ് ലിജോ ജോസ് പെല്ലിശ്ശേരി. അദ്ദേഹത്തിന്റെ തുടക്കകാലത്തെ മികച്ച സിനിമകളിൽ ഒന്നാണ് നായകൻ. ഇന്ദ്രജിത്ത്, തിലകൻ തുടങ്ങിയവർ അഭിനയിച്ച സിനിമ മലയാളത്തിലെ അണ്ടർ റേറ്റഡ് ആയ ഗ്യാങ്സ്റ്റർ സിനിമയാണ്. സൂപ്പർ ഡയലോഗും ആക്ഷൻ സീനുകളും ഉള്ള സിനിമ തിയേറ്ററിൽ വലിയ വിജയം ആയിരുന്നില്ല.

9/10

മലയാള സിനിമയെ ഇന്ത്യയിൽ മുഴുവൻ ഉയർത്തിക്കാട്ടിയ സിനിമകളിൽ ഒന്നാണ് അങ്കമാലി ഡയറീസ്. മലയാളത്തിലെ മികച്ച സിനിമകളിൽ ഒന്നാണ് ഈ ചിത്രം. ലിജോ ജോസ് പെല്ലിശേരി സംവിധാനം ചെയ്ത സിനിമയുടെ തിരക്കഥ നടൻ ചെമ്പൻ വിനോദ് ആയിരുന്നു. മേക്കിങ് കൊണ്ടും തിരക്കഥ കൊണ്ടും അങ്കമാലിയിൽ പിള്ളേർ ആരാധകരുടെ മനസിലേക്ക് വളരെ പെട്ടന്നാണ് കയറികൂടിയത്.