'മെയ്ഡ് ഇൻ ഹെവൻ... ഈ നൂറ്റാണ്ടിലെ റോമിയോയേയും ജൂലിയറ്റിനേയും കാണുന്ന പ്രതീതി'; വൈറലായി 'ജബ്രി' കോമ്പോയുടെ ഫോട്ടോഷൂട്ട്!

ബി​ഗ് ബോസ് മലയാളം സീസൺ ആറിൽ പങ്കെടുത്തശേഷമാണ് ജാസ്മിൻ ജാഫറും ​ഗബ്രി ജോസും ഇത്രയേറെ സൗഹൃദത്തിലാകുന്നത്. ഹൗസിന് അകത്തുവെച്ച് ഇരുവരും കോമ്പോ ​ഗെയിം കളിച്ചുവെന്നതാണ് പ്രേക്ഷകർക്കിടയിൽ ഇരുവർക്കും വെറുപ്പ് വരാൻ കാരണമായത്. ഇരുവരും ലവ്  സ്ട്രാറ്റജി കളിച്ച് തങ്ങളെ തെറ്റിദ്ധരിപ്പിച്ച് വോട്ട് നേടാനുള്ള ശ്രമമാണോയെന്ന സംശയവും പ്രേക്ഷകർക്കുണ്ടായിരുന്നു.

ആദ്യത്തെ ഒരാഴ്ച ഇരുവരും ഇന്റിവിജ്വലായാണ് മത്സരിച്ചിരുന്നത്. പിന്നീട് സൗഹൃദം രൂപ്പപെട്ടതോടെയാണ് ഇരുവരും ​ഗെയിംസിൽ അടക്കം ഒരുമിച്ച് കളിക്കാൻ തുടങ്ങിയത്. ജാസ്മിനുമായുള്ള സൗഹൃദത്തിന്റെ പേരിലാണ് ശക്തനായ മത്സരാർത്ഥിയായിരുന്നിട്ടും അമ്പത് ദിവസം പിന്നിട്ടപ്പോഴേക്കും ​ഗബ്രിക്ക് പുറത്ത് പോകേണ്ടി വന്നത്.