47 ആയിരുന്നപ്പോഴും 74 ആയപ്പോഴും ആ സ്നേഹത്തിൽ കുറവ് വന്നിട്ടില്ല, ബിഗ് ബോസിൽ സംഭവിച്ച ഏറ്റവും നല്ല കാര്യം; പേളിയുടെ പോസ്റ്റ്!

By Ranjina P Mathew

| Published: Saturday, February 15, 2025, 11:50 [IST]

പ്രണയം ദൈവത്തിന്റെ വരദാനമാണെന്ന് വിശ്വസിക്കുന്നവർ ഏറെയുണ്ട്. അതേസമയം പ്രണയം ഒരു തോന്നൽ മാത്രമാണെന്നും സത്യത്തിൽ ആരും ആരെയും പ്രണയിക്കുന്നില്ല എന്നും പറയുന്നവർ അതിലേറെ. ചെറുപ്പത്തിന്റെ ഒരാവേശം, വെറും ശാരീരികമായ ഒരാവശ്യം, അത് കഴിഞ്ഞാൽ തീർന്നു പ്രേമവും കാമവുമൊക്കെയെന്ന് വാദിക്കുന്നവരുമുണ്ട്. ഈ തോന്നലുകളെല്ലാം തെറ്റാണെന്ന് ചിലർ അന്യോന്യം അഘാതമായി പ്രണയവുമായി ജീവിച്ച് തെളിയിക്കുന്നുണ്ട്. അത്തരത്തിൽ ഒരു ജോഡിയാണ് പേളി മാണിയും ശ്രീനിഷ് അരവിന്ദും.

1/6

ബിഗ് ബോസ് മലയാളം സീസൺ ഒന്നിൽ ഇരുവരും മത്സരാർത്ഥികളായിരുന്നു. അവിടെ വെച്ചാണ് രണ്ടുേപരും പ്രണയത്തിലാകുന്നതും വിവാഹിതരാകാൻ തീരുമാനിക്കുന്നതും. തുടക്കത്തിൽ ഷോ ജയിക്കാനുള്ള ലവ് സ്ട്രാറ്റജിയാണ് ഇരുവരുടെയും പ്രണയമെന്ന് വിമർശനം വന്നിരുന്നു.

2/6

എന്നാൽ പിന്നീട് അത് തെറ്റാണെന്നും തങ്ങൾ‌ക്കിടയിലേത് ആത്മാർത്ഥ പ്രണയമാണെന്നും ഇരുവരും തെളിയിച്ചു. കുടുംബാംഗങ്ങളുടെ സമ്മതത്തോടെ ഷോ കഴിഞ്ഞ് പുറത്തിറങ്ങി വൈകാതെ ഇരുവരും വിവാഹിതരായി. ഒരുമിച്ചുള്ള ദാമ്പത്യ ജീവിതം പേളിയും ശ്രീനിഷും ആരംഭിച്ചിട്ട് അഞ്ച് വർഷങ്ങളായി.

3/6

മലയാളികൾ ഏറ്റവും കൂടുതൽ ഇഷ്ടപ്പെടുന്ന ഒരു ജെനുവിൻ കപ്പിൾ‌ കൂടിയാണ് ഇരുവരും. പ്രണയം, ദാമ്പത്യം എങ്ങനെ മനോഹരമായി കൊണ്ടുപോകാമെന്നത് ഇരുവരേയും കണ്ട് പഠിക്കണമെന്ന് അഭിപ്രായപ്പെടുന്നവരും നിരവധിയാണ്. നില, നിറ്റാര എന്നിങ്ങനെ രണ്ട് പെൺകുഞ്ഞുങ്ങളുടെ മാതാപിതാക്കൾ കൂടിയാണ് ഇപ്പോൾ ഇരുവരും.

4/6

കഴിഞ്ഞ ദിവസം പ്രണയദിനത്തിൽ ഭർത്താവ് ശ്രീനിഷിന് ആശംസകൾ‌ നേർന്ന് പേളി പങ്കുവെച്ച സോഷ്യൽമീഡിയ പോസ്റ്റാണ് ശ്രദ്ധിക്കപ്പെടുന്നത്. പ്രണയത്തിന്റെ ആദ്യകാലം മുതൽ അടുത്തിടെ വരെയായി പകർത്തിയ ചില ഫോട്ടോകൾക്കൊപ്പമായിരുന്നു പേളിയുടെ കുറിപ്പ്.

5/6

എന്റെ എക്കാലത്തെയും പ്രണയം. ഞാൻ 47 കിലോ ആയിരുന്നപ്പോൾ നീ എന്നെ സ്നേഹിച്ചിരുന്നു. ഇപ്പോൾ 74 കിലോ ആയപ്പോഴും നീ എന്നെ സ്നേഹിക്കുന്നു. ഹാപ്പി വാലന്റൈൻസ് ഡെ... എന്നായിരുന്നു പേളി കുറിച്ചത്. ലബ് യു ഡാ എന്നായിരുന്നു ശ്രീനിഷിന്റെ മറുപടി.

6/6

പോസ്റ്റ് വൈറലായതോടെ ആരാധകരും സിനിമയിലും സീരിയലിലുമുള്ള ഇരുവരുടെയും സുഹൃത്തുക്കളുമെല്ലാം കമന്റുകളുമായി എത്തി. പേളി അന്നും ഇന്നും സുന്ദരിയാണെന്നും ശരീരഭാരം വർധിച്ചപ്പോൾ പേളി കൂടുതൽ സുന്ദരിയായതായാണ് തോന്നിയിട്ടുള്ളതെന്നുമെല്ലാമാണ് കമന്റുകൾ. ബിഗ് ബോസിൽ സംഭവിച്ച ഏറ്റവും നല്ല കാര്യം പേളിഷ് പ്രണയമാണെന്നുമെല്ലാം കമന്റുകളുണ്ട്.