തുടരെ ഹിറ്റുകൾ... അടുത്ത മോളിവുഡ് സൂപ്പർ സ്റ്റാറോ? ടോവിനോ തോമസിന്റെ ബെസ്റ്റ് സിനിമകൾ ഏതൊക്കെയെന്ന് നോക്കാം

By Akhil Mohanan

| Published: Monday, May 15, 2023, 16:28 [IST]

മലയാളത്തിലെ യുവ നായകന്മാരിൽ മുന്നിലാണ് ടോവിനോ തോമസ്. മികച്ച അഭിനയം കാഴ്ച വയ്ക്കുന്ന താരത്തിന് കേരളത്തിൽ വലിയ ഫാൻ ഫോളോയിങ്ങുണ്ട്. സമീപകാലത്ത് മലയാളത്തിൽ താരത്തിന് വ്യത്യസ്തമായി സിനിമകൾ ലഭിക്കുന്നുണ്ട്. അവയിൽ ഒട്ടുമിക്കവയും സൂപ്പർ ഹിറ്റാണ്. ആ നിരയിൽ അവസാനം വന്നത് 2018 ആണ്. സിനിമയിൽ ഒരു ഗോഡ് ഫാദറും ഇല്ലാതെ ഒറ്റയ്ക്ക് വളർന്നു വന്ന താരമാണ് ടോവിനോ.

തുടരെ ഹിറ്റുകൾ... അടുത്ത മോളിവുഡ് സൂപ്പർ സ്റ്റാറോ? ടോവിനോ തോമസിന്റെ ബെസ്റ്റ് സിനിമകൾ ഏതൊക്കെയെന്ന് നോക്കാം

1/7

മലയാളത്തിന് പുറമേ തമിഴിലും താരം അഭിനയിക്കാറുണ്ട്. ഒരേ സമയം നായകനായും പ്രതി നായകനായും തിളങ്ങുന്ന ടോവിനോയ്ക്ക് ഇനിവരാനിരിക്കുന്നത് അനവധി ചിത്രങ്ങളാണ്. ടോവിനോയുടെ മികച്ച ചില സിനിമകൾ ഏതൊക്കെയെന്ന് നമുക്ക് നോക്കാം.

2/7

ഈ വർഷം മലയാളത്തിൽ സൂപ്പർ ഹിറ്റടിച്ച ചിത്രമാണ് 2018. ജൂഡ് ആന്റണ് ജോസഫ് ഒരുക്കിയ സിനിമ കേരളത്തിലെ പ്രളയകാലത്തിന്റെ ചലച്ചിത്രാവിഷ്കാരമാണ്. അനവധി താരങ്ങൾ അണിനിരന്ന സിനിമയിൽ ടോവിനോയുടെ കഥാപാത്രം വളരെ മികച്ചതാണ്.

3/7

2021ൽ ഇറങ്ങിയ ഒരു സൈക്കോളജിക്കൽ സിനിമയാണ് കള. കഥാപാത്രങ്ങൾക്ക് വേണ്ടി ബോഡി ട്രാൻസ്ഫർമേഷൻ ചെയ്യുന്ന ടോവിനോ ഈ സിനിമയിൽ വേറിട്ട ലുക്കിലാണ് വന്നത്. രോഹിത്ത് വിഎസ് സംവിധാനം ചെയ്ത സിനിമയിൽ ടോവിനോയുടെ പെർഫോർമൻസ് വളരെ മികച്ചതാണ്.

4/7

മോളിവുഡിലെ ആദ്യ സൂപ്പർ ഹീറോയാണ് മിന്നൽ മുരളി. കോമഡിയുടെ പശ്ചാത്തലത്തിലാണ് ഈ സൂപ്പർ ഹീറോ സിനിമ ബേസിൽ ജോസഫ് ഒരുക്കിയത്. ചിത്രത്തിൽ ടോവിനോ വളരെ ഭംഗിയായാണ് മിന്നൽ മുരളി എന്ന കഥാപാത്രത്തെ അവതരിപ്പിച്ചത്. സിനിമ സൂപ്പർ ഹിറ്റായിരുന്നു.

5/7

കഴിഞ്ഞ വർഷത്തെ മലയാളത്തിലെ സൂപ്പർ ഹിറ്റ് സിനിമയായിരുന്നു തല്ലുമാല. ഖാലിദ് റഹ്മാന്റെ വ്യത്യസ്തമായ മേക്കിങ്ങ് ചിത്രത്തെ വേറെ ലെവലിൽ എത്തിച്ചിരുന്നു. സിനിമയിൽ വാസിം എന്ന കഥാപാത്രമായി ടേവിനോയുടെ അഴിഞ്ഞാട്ടമായിരുന്നു.

6/7

ആഷിഖ് അബു മലയാളത്തിൽ ഒരുക്കിയ പ്രണയ കാവ്യമാണ് മായാനദി. റൊമാന്റിക്ക് ത്രില്ലർ ഗണത്തിൽ പെടുന്ന ചിത്രത്തിൽ ടോവിനോ അവതരിപ്പിച്ച മാത്തൻ എന്ന കഥാപാത്രത്തെ ആരാധകർ ഏറ്റെടുക്കുകയായിരുന്നു. സിനിമ ബോക്സ് ഓഫീസിൽ ഹിറ്റായിരുന്നു.

7/7

അഖിൽ പോൾ-അനസ് ഖാൻ എന്നിവർ ഒരുക്കിയ ഇൻവെസ്റ്റിഗേറ്റീവ് ത്രില്ലറാണ് ഫോറൻസിക്. ചിത്രത്തിൽ ടോവിനോയുടെ ഫോറൻസിക് ഓഫീസറുടെ വേഷം വളരെ മികച്ചതായിരുന്നു. മലയാളത്തിലെ മികച്ച ത്രില്ലറുകളിലാണ് ഈ ചിത്രത്തിന്റെ സ്ഥാനം.