‌'പ്രേക്ഷകർക്കിഷ്ടം എന്റെ നാടൻ ലുക്ക്, വർക്കൗട്ടുകൾ പതിവില്ല'; ലക്ഷ്മി നക്ഷത്രയുടെ സൗന്ദര്യത്തിന് പിന്നിൽ!

By Ranjina P Mathew

| Published: Wednesday, August 24, 2022, 00:12 [IST]

മാധുര്യമാർന്ന കൈയടക്കത്തോടെ പ്രേക്ഷക മനസുകളെ സ്വന്തമാക്കി സഞ്ചരിക്കുകയാണ് അവതാരിക ലക്ഷ്മി നക്ഷത്ര. ഹൃദയഹാരിയായ അവതരണ ചാരുത കൊണ്ട് സ്‌റ്റാർ മാജിക് എന്ന ജനപ്രിയ ഷോയുടെ ജീവതാളമായി മാറിക്കഴിഞ്ഞു ഈ തൃശ്ശൂർകാരി. സ്വകാര്യ എഫ്എമ്മിൽ റേഡിയോ ജോക്കിയുമാണ് ലക്ഷ്മി. മുപ്പതിലും ലക്ഷ്മി സൗന്ദര്യം കാത്ത് സൂക്ഷിക്കുന്നതെങ്ങനെയെന്ന് നോക്കാം....

‌'പ്രേക്ഷകർക്കിഷ്ടം എന്റെ നാടൻ ലുക്ക്, വർക്കൗട്ടുകൾ പതിവില്ല'; ലക്ഷ്മി നക്ഷത്രയുടെ സൗന്ദര്യത്തിന് പിന്നിൽ!

1/8

ഷൂട്ടിന്റെ ഷെഡ്യൂൾ തീർന്ന് വീട്ടിലെത്തിയാൽ ലക്ഷ്മി ആദ്യം ചെയ്യുന്നത് ഹോട്ട് ഓയിൽ മസാജാണ്. ഷൂട്ടിന് വേണ്ടി മുടിയിൽ കെമിക്കൽ ട്രീറ്റ്മെന്റുകൾ ചെയ്യുന്നതിനാൽ ഈ മസാജിന് ഏറെ പ്രാധാന്യമുണ്ട്. വെളിച്ചെണ്ണ ചെറുചൂടോടെ തലയോടിൽ തേച്ച് പിടിപ്പിക്കും. പിന്നീട് മസാജ് ചെയ്യും.

2/8

തന്നെ പ്രേക്ഷകർ കൂടുതലായും കാണാനാഗ്രഹിക്കുന്നത് നാടൻ ലുക്കിലാണ്. അതുകൊണ്ട് ഓവർ മേക്കോവറുകൾ ഒഴിവാക്കുമെന്നാണ് ലക്ഷ്മി പറയുന്നത്. ബ്യൂട്ടി പാർലറിൽ അത്യാവശ്യ കാര്യങ്ങൾക്കെ ലക്ഷ്മി പോകാറുള്ളൂ. ത്രെഡിങ്, വാക്സിങ്, വൈറ്റ് ഹെ‍ഡും ബ്ലാക് ഹെഡും നീക്കുക അങ്ങനെ. ക്ലീൻ അപ്, ഫേഷ്യലുകൾ ഒന്നും ചെയ്യാറില്ല.

3/8

കറ്റാർവാഴ കൊണ്ട് ഒരു പ്രകൃതിദത്ത ഹെയർ കെരാറ്റിൻ ട്രീറ്റ്മെന്റ് ലക്ഷ്മി ചെയ്യുന്നുണ്ട്. കറ്റാർവാഴ പൾപ്പ്, കട്ടിയുള്ള തേങ്ങാപ്പാൽ, നന്നായി വെന്ത ചോറ്, ഒരു മുട്ടയുടെ വെള്ള , ഒലിവ് ഓയിൽ എന്നിവ മിക്സിയിൽ അടിച്ചെടുക്കും. ഇത് തലയോടിലും മുടിയിലും പുരട്ടി ഒരു മണിക്കൂർ വരെ ഇരിക്കും. രണ്ടാഴ്ചയിലൊരിക്കൽ അല്ലെങ്കിൽ ആഴ്ചയിലൊരിക്കൽ ഇത് ചെയ്യാറുണ്ട്.

4/8

മുഖത്ത് ഓറഞ്ചോ കറ്റാർവാഴയോയാണ് ലക്ഷ്മി ഉപയോഗിക്കുന്നത്. വീട്ടിലുള്ളപ്പോൾ ഓറഞ്ച് മുറിച്ച് മുഖത്ത് നന്നായി മസാജ് ചെയ്യും.

5/8

പൊടിയുപ്പ് കൊണ്ട് മറ്റൊരു മാജിക് ഉണ്ട് ലക്ഷ്മിക്ക്. ബ്രഷ് ചെയ്ത് കഴിഞ്ഞ് ടൂത് ബ്രഷിൽ അൽപം ഉപ്പുവെച്ച് ചുണ്ട് സ്ക്രബ് ചെയ്യുന്നതാണത്. മൂക്കിലെ ബ്ലാക് ഹെഡ്സും വൈറ്റ് ഹെഡ്സും കളയുന്നതിന് അൽപം ഉപ്പും ബേക്കിങ് സോഡയും ചേർത്ത് പുരട്ടും. മുഖം സ്ക്രബ് ചെയ്യുന്നത് പഞ്ചസാര ഉപയോഗിച്ചാണ്.

6/8

പുരികങ്ങളും കൺപീലിയും കൊഴിയുന്നതിനും ലക്ഷ്മിയുടെ കൈയിൽ സൂപ്പർ ടിപ്പുണ്ട്. ചുവന്നുള്ളി നീര് അല്ലെങ്കിൽ സവാളയുടെ നീര് എടുത്ത് തുല്യഅളവ് ആവണക്കെണ്ണയുമായി യോജിപ്പിച്ച് രാത്രി കിടക്കുമ്പോൾ പുരട്ടാറുണ്ട് ലക്ഷ്മി.

7/8

എത്ര ഭാരം കുറച്ചാലും സ്ക്രീനിൽ വണ്ണം തോന്നുന്നതിനാൽ വർക് ഔട്ടുകളൊന്നും ചെയ്യാറില്ല ലക്ഷ്മി. എന്നാൽ ശരീരഭാരം കൃത്യമായി നിലനിർത്തുന്നതിനും ശരീരഭംഗിക്കുമായി പ്രിയപ്പെട്ട കുറേ ഡ്രിങ്കുകളുണ്ട് ലക്ഷ്മിക്ക്.

8/8

അഴകിന് വേണ്ടി ഒന്നിടവിട്ട ദിവസങ്ങളിൽ ബീറ്റ്റൂട്ട് ജ്യൂസും ലക്ഷ്മി കുടിക്കും. ഇതിൽ പഞ്ചസാര ചേർക്കില്ല. ആഹാരത്തിൽ പച്ചക്കറികളും പഴങ്ങളുമെല്ലാം ലക്ഷ്മി ഉൾപ്പെടുത്തും. നോൺവെജിൽ ചിക്കനാണ് കൂടുതൽ ഇഷ്ടം. നോൺവെജ് കഴിച്ചാൽ അത് ബാലൻസ്ഡ് ആക്കാൻ ഉടൻ ഗ്രീൻ ‍ടീ കുടിക്കും. എത്ര ഇഷ്ടമുള്ള ആഹാരമാണെങ്കിലും കുറച്ച് അളവിലെ ലക്ഷ്മി കഴിക്കൂ.