മലയാള സിനിമയിലെ ചില മികച്ച ഹൊറർ-കോമഡി ചിത്രങ്ങൾ ഏതൊക്കെയെന്ന് നോക്കാം

By Akhil Mohanan

| Published: Sunday, February 5, 2023, 18:55 [IST]

ഭയവും തമശയും മനുഷ്യ സഹജമായ കാര്യങ്ങളാണ്. അതിനാൽ തന്നെ ഇത്തരം മനുഷ്യന്റെ വികാരങ്ങളെ ഉണർത്തുന്ന തരത്തിലുള്ള സിനിമകൾ അനവധിയാണ് ഉള്ളത്. അതിൽ തന്നെ ഇവ രണ്ടും ഒരുപോലെ വരുന്ന ഹൊറർ-കോമഡി ചിത്രങ്ങൾ ഏതു ഇൻഡസ്ട്രി എടുത്തു നോക്കിയാലും കാണാൻ സാധിക്കും. ഇന്ത്യയിൽ മറ്റു ഭാഷകളെ വച്ചു നോക്കുമ്പോൾ ഈ ഒരു ജോണർ വളരെ കുറവാണ് മലയാള സിനിമയിൽ.

മലയാള സിനിമയിലെ ചില മികച്ച ഹൊറർ-കോമഡി ചിത്രങ്ങൾ ഏതൊക്കെയെന്ന് നോക്കാം

1/5

ഇപ്പോൾ തിയേറ്ററിൽ വന്ന രോമാഞ്ചം എന്നാ ഹൊറർ കോമഡി സിനിമ ആരാധകർ ഏറ്റെടുത്തു കഴിഞ്ഞു. ചിരിപ്പിക്കുകയും അതെ സമയം ഭയപ്പെടുത്തുന്നതുമായ കുറച്ചു സിനിമകൾ മലയാളത്തിൽ ഉണ്ടായിട്ടുണ്ട്. മോളിവുഡിലെ ഹൊറർ-കോമഡി ചിത്രങ്ങൾ ഏതൊക്കെയെന്ന് നോക്കാം.

2/5

കഴിഞ്ഞ ദിവസം റിലീസായ രോമാഞ്ചം ആണ് ഒന്നാമതായിരിക്കുന്നത്. ബാംഗ്ലൂർ പശ്ചാത്താലമാക്കി ജീത്തു മാധവ് സംവിധാനം ചെയ്ത ചിത്രത്തിൽ സൗബിൻ ഷാഹിറും അർജുൻ അശോകനുമാണ് മുഖ്യ വേഷത്തിൽ വരുന്നത്. കാഴ്ചക്കരെ ഒരേസമയം ചിരിപ്പിക്കാനും ഭയപ്പെടുത്താനും ചിത്രത്തിലൂടെ സംവിധായകന് കഴിയുന്നുണ്ട്.

3/5

ധ്യാൻ ശ്രീനിവാസൻ, നീരജ് മാധവ്, അജു വർഗീസ് തുടങ്ങിയവർ മുഖ്യ വേഷത്തിൽ വന്ന അടികപ്യാരെ കൂട്ടമണി ആണ് അടുത്ത ചിത്രം. കോളേജ് ഹോസ്റ്റലിന്റെ പശ്ചാത്തലത്തിൽ ഒരുക്കിയ ചിത്രം വലിയ ഹിറ്റായിരുന്നു. സിനിമയുടെ രണ്ടാം ഭാഗം വരുന്നുണ്ട് എന്ന വാർത്തകൾ അടുത്തകാലത്തായി വന്നിരുന്നു.

4/5

ലാൽ സംവിധാനം ചെയ്ത ഇൻ ഗോസ്റ്റ് ഹൌസ് ഇൻ ആണ് മറ്റൊരു ചിത്രം. മുകേഷ്, സിദ്ധിഖ്, അശോകൻ, ജഗദീഷ് തുടങ്ങിയവർ മുഖ്യ വേഷത്തിൽ വന്ന സിനിമ കോമഡിയിൽ ഹിറ്റായ ചിത്രമാണ്. സിനിമ സൂപ്പർ ഹിറ്റായിരുന്നു.

5/5

പകൽപ്പൂരം ആണ് അടുത്ത ചിത്രം. മുകേഷ് മുഖ്യ വേഷത്തിൽ വന്ന ചിത്രം വലിയ ഹിറ്റായിരുന്നു. ഇത് പൂർണമായും ഒരു ഹൊറർ കോമഡി അല്ല. എന്നാൽ അനവധി തമാശകളും അനവധി ഭയപ്പെടുത്തുന്ന സീനകളും ഉള്ള ഈ സിനിമക്ക് വലിയ ആരാധകരുണ്ട്.