അനുഷ്‌ക ശര്‍മ മുതല്‍ സണ്ണി ലിയോണ്‍ വരെ; കോടികളുടെ പരസ്യങ്ങള്‍ വേണ്ടെന്നു വച്ച സിനിമാതാരങ്ങള്‍

ഫെയര്‍നെസ് ക്രീമുകളുടെ പരസ്യത്തില്‍ അഭിനയിക്കില്ലെന്ന് പറഞ്ഞ നടിയാണ് അനുഷ്‌ക ശര്‍മ. വംശീയതയും ലൈംഗികതയും പ്രചരിപ്പിക്കുന്ന ഉല്‍പ്പന്നങ്ങളെ പ്രോത്സാഹിപ്പിക്കില്ലെന്നാണ് താരം പറയുന്നത്.

ആരാധകര്‍ക്ക് വേണ്ടി ടൊബാക്കോ പരസ്യം വേണ്ടെന്നു വച്ച നടനാണ് അല്ലു അര്‍ജ്ജുന്‍. പുകവലി ശീലമില്ലാത്ത താന്‍ ഇത്തരം പരസ്യങ്ങളില്‍ അഭിനയിക്കില്ലെന്നും താരം പറഞ്ഞിരുന്നു. 

ടൊബാക്കോ ഉല്‍പ്പന്നങ്ങളുടെ പരസ്യത്തില്‍ അഭിനയിക്കാനുള്ള ഓഫര്‍ നിരസിച്ച നടിയാണ് സണ്ണി ലിയോണ്‍. ഭാവിയിലും ഇത്തരം പരസ്യങ്ങളില്‍ അഭിനയിക്കില്ല എന്നും താരം പറഞ്ഞിരുന്നു.

പെപ്‌സിയുടെ പരസ്യത്തില്‍ അഭിനയിക്കാനുള്ള ഓഫറാണ് അമിതാഭ് ബച്ചന്‍ നിരസിച്ചത്. കൂടാതെ മദ്യത്തിന്റെയും ടൊബാക്കോയുടെ ഉത്പന്നങ്ങളുടെ പരസ്യത്തിലും ബിഗ് ബി അഭിനയിക്കാറില്ല.  

ഫെയര്‍നെസ് ക്രീമിന്റെ പരസ്യത്തില്‍ നിന്നും പിന്മാറിയ മറ്റൊരു നടനാണ് റണ്‍ബീര്‍ കപൂര്‍.  9 കോടിയായിരുന്നു പരസ്യകമ്പനി മുന്നോട്ടുവെച്ച ഓഫര്‍.