ദേശസ്നേഹം പ്രമേയമാക്കി നിരവധി ചിത്രങ്ങള് മലയാളത്തില് പുറത്തിറങ്ങിയിട്ടുണ്ട്. രാജ്യം 73ാം സ്വാതന്ത്ര്യ ദിനം ആഘോഷിക്കുന്ന ആഗസ്ത് 15ന് പ്രേക്ഷകര് കണ്ടിരിക്കേണ്ട 5 പ്രധാനപ്പെട്ട ചിത്രങ്ങളിതാ.
മേജർ രവിയുടെ സംവിധാനത്തിൽ 2006-ൽ പുറത്തിറങ്ങിയ ചിത്രമായിരുന്നു കീര്ത്തിചക്ര. നാഷണൽ സെക്യൂരിറ്റി ഗാർഡിന്റെ തലവവനായ മേജര് മഹാദേവന് എന്ന കഥാപാത്രത്തെയാണ് ചിത്രത്തില് മോഹന്ലാല് അവതരിപ്പിച്ചത്. ജമ്മു കാശ്മീരിലെ തീവ്രവാദികളുമായി ഇന്ത്യൻ സൈന്യം നടത്തുന്ന പോരാട്ടങ്ങളാണ് ചിത്രത്തിന്റെ പ്രമേയം.
മമ്മൂട്ടിയെ നായകനാക്കി വിനയന് സംവിധാനം ചെയ്ത ചിത്രമായിരുന്നു ദാദാസാഹിബ്. ദേശസ്നേഹം വിഷയമാക്കിയ ചിത്രത്തില് ദാദാസാഹിബ്, അബൂബക്കര് എന്നീ രണ്ട് കഥാപാത്രങ്ങളെയാണ് മമ്മൂട്ടി അവതരിപ്പിച്ചത്. ചിത്രം ആ വര്ഷത്തെ ബോക്സോഫീസ് ഹിറ്റ് കൂടിയായിരുന്നു.
പ്രിയദർശന്റെ സംവിധാനത്തിൽ മോഹൻലാൽ നായകനായി 1996-ൽ പുറത്തിറങ്ങിയ മലയാള ചലച്ചിത്രമാണ് കാലാപാനി. 3 ദേശീയ പുരസ്കാരങ്ങളും, 6 സംസ്ഥാന പുരസ്കാരങ്ങളും ഈ ചിത്രം സ്വന്തമാക്കി. മലയാളത്തിലെ ആദ്യ "ഡോൾബി സ്ടീരിയോ" ചിത്രം കൂടിയാണ് കാലാപാനി.
മേജർ രവിയുടെ സംവിധാനത്തിൽ 2008ല് പുറത്തിറങ്ങിയ ചിത്രമായിരുന്നു കുരുക്ഷേത്ര. ചിത്രത്തില് കേണല് മഹാദേവന് എന്ന കഥാപാത്രത്തെയായിരുന്നു മോഹന്ലാല് അവതരിപ്പിച്ചത്. ബിജു മേനോന്, സിദ്ദിഖ്, കൊച്ചിന് ഹനീഫ, മണിക്കുട്ടന് തുടങ്ങിയവരായിരുന്നു ചിത്രത്തിലെ മറ്റു കഥാപാത്രങ്ങളെ അവതരിപ്പിച്ചത്.