Click it and Unblock the Notifications
അഭിനയത്തില് മാത്രമല്ല പിടി, ബിസിനസിലുമുണ്ട്; ബിടൗണിലെ ബിസിനസ് സുന്ദരിമാർ
അമ്മയാകാനുള്ള ഒരുക്കത്തിനിടെ അടുത്തിടെയായിരുന്നു ബോളിവുഡ് നടി ആലിയ ഭട്ട് സ്വന്തമായി മെറ്റേണിറ്റി വെയര് ബ്രാന്ഡ് ലോഞ്ച് ചെയ്തത്. എഡമമ്മ എന്ന ബ്രാന്ഡ് ലോഞ്ച് ചെയ്ത വിവരം ഇന്സ്റ്റഗ്രാമിലൂടെയായിരുന്നു ആലിയ ആരാധകരെ അറിയിച്ചത്. പിന്നാലെ ബ്രാന്ഡിലെ വസ്ത്രങ്ങള് പരിചയപ്പെടുത്തിയുള്ള കുഞ്ഞു വീഡിയോയും താരം പങ്കുവെച്ചിരുന്നു. ആലിയ ഭട്ടിനെപ്പോലെ സിനിമാതിരക്കുകള്ക്കിടയിലും സ്വന്തമായി ബിസിനസ് ആരംഭിച്ച ബോളിവുഡിലെ പ്രശസ്ത നടിമാരിതാ.
ഉള്ളടക്ക പട്ടിക
മോഡലിങ്ങിലൂടെ വെള്ളിത്തിരയിലെത്തിയ അനുഷ്ക ശര്മ ഇന്ന് ബോളിവുഡിലെ മുന്നിര നായികമാരിലൊരാളാണ്. സിനിമാനടി എന്നതിലുപരി ഒരു സംരഭക കൂടിയാണ് അനുഷ്ക ഇന്ന്. നുഷ് എന്നാണ് താരത്തിന്റെ ബ്രാന്ഡിന്റെ പേര്.
സ്വന്തമായി മേക്ക്അപ്പ് ബ്രാന്ഡുള്ള ബോളിവുഡ് നടിയാണ് കത്രീന കൈഫ്. 2019ലാണ് കത്രീന 'കേ ബ്യൂട്ടി' എന്ന പേരില് മേക്ക്അപ്പ് ബ്രാന്ഡ് ആരംഭിച്ചത്.
സ്വന്തമായി റെസ്റ്റോറന്റ് ഉള്ള ബോളിവുഡ് നടിയാണ് പ്രിയങ്ക ചോപ്ര. ന്യൂയോര്ക്കില് സ്ഥിതി ചെയ്യുന്ന റെസ്റ്റോറന്റ് വളരെ പെട്ടെന്നു തന്നെ ഭക്ഷണപ്രേമികള്ക്കിടയില് ഹിറ്റായി മാറിയിരുന്നു. മുമ്പ് വീട് അലങ്കാരവുമായി ബന്ധപ്പെട്ട് ഒരു ബിസിനസ് പ്രിയങ്ക ആരംഭിച്ചിരുന്നു. എന്നാല് അമിതമായ വിലയുടെ പേരില് നിരവധി വിമര്ശനങ്ങളും താരത്തിന് നേരിടേണ്ടി വന്നിരുന്നു.
മേക്ക്അപ്പ് പ്രൊഡക്റ്റുകളുമായി ബന്ധപ്പെട്ട് നടി ശില്പ ഷെട്ടിക്ക് സ്വന്തമായി ബ്രാന്ഡ് ഉണ്ടെന്നാണ് റിപ്പോര്ട്ടുകള്. കൂടാതെ പ്രശസ്തമായ ബാസ്റ്റിന് റെസ്റ്റോറിന്റെ ഉടമകളില് ഒരാള് കൂടിയാണ് ശില്പ.
സ്വന്തമായി മെറ്റേണിറ്റി വെയര് ബ്രാന്ഡുള്ള ബോളിവുഡ് താരമാണ് ആലിയ ഭട്ട്. 2022ലായിരുന്നു 'എഡമമ്മ' എന്ന ബ്രാന്ഡ് താരം ലോഞ്ച് ചെയ്തത്. മുമ്പ് കുട്ടികള്ക്കായി കിഡ്സ് വെയര് ബ്രാന്ഡും താരം ആരംഭിച്ചിരുന്നു.
Continue with Google