വന്നു, കണ്ടു, പ്രേമിച്ചു; ടെലിവിഷനിലെ താരദമ്പതിമാർ

മറിമായം എന്ന ടെലിവിഷന്‍ പരമ്പരയിലൂടെ പ്രേക്ഷകരുടെ പ്രിയപ്പെട്ട താരങ്ങളായി മാറിയ എസ്.പി ശ്രീകുമാറിന്റെയും സ്‌നേഹയുടെയും വിവാഹം 2019ലായിരുന്നു. ഏറെ നാളത്തെ പ്രണയത്തിനൊടുവിലായിരുന്നു താരവിവാഹം.    

ടെലിവിഷന്‍ പ്രേക്ഷകരുടെ പ്രിയതാരങ്ങളാണ് വരദയും ജിഷിനും. അമല എന്ന ടെലിവിഷന്‍ സീരിയലിലൂടെയാണ് ഇരുവരും പ്രണയിച്ച് തുടങ്ങിയത്. ഏറെ നാളത്തെ പ്രണയത്തിനൊടുവില്‍ 2014ലായിരുന്നു ഇരുവരും വിവാഹിതരായത്.  

സിനിമയില്‍ തിളങ്ങി നില്‍ക്കുന്ന സമയത്തായിരുന്നു ധന്യ മേരി വര്‍ഗീസിന്റെ വിവാഹം. ഡാന്‍സ് റിയാലിറ്റി ഷോകളിലൂടെ ശ്രദ്ധിക്കപ്പെട്ട ജോണ്‍ വര്‍ഗീസാണ് ധന്യയുടെ ഭര്‍ത്താവ്. വിവാഹശേഷം അഭിനയത്തില്‍ നിന്നും വിട്ടുനിന്ന താരം പിന്നീട് മടങ്ങിവരവ് നടത്തിയിരുന്നു.   

ക്യാമറമാന്‍ ലോവലായിരുന്നു ചലച്ചിത്രതാരം അമ്പിളി ദേവിയുടെ ആദ്യ ഭര്‍ത്താവ്. എന്നാല്‍  ഇരുവരും വേര്‍പിരിഞ്ഞതോടെ അമ്പിളി ടെലിവിഷന്‍ താരമായ ആദിത്യന്‍ ജയനെ വിവാഹം കഴിക്കുകയായിരുന്നു. എന്നാല്‍ ഇവരും കുറച്ച് മാസങ്ങള്‍ക്കുശേഷം വേര്‍പിരിഞ്ഞിരുന്നു.  

ബിഗ്‌ബോസ് റിയാലിറ്റി ഷോയിലൂടെ പ്രണയിച്ച് വിവാഹിതരായവരാണ് പേളി മാണിയും ശ്രീനിഷ് അരവിന്ദും. ഏറെ നാളത്തെ പ്രണയത്തിനുശേഷം 2019ലായിരുന്നു ഇരുവരുടെയും വിവാഹം.