വിക്കി മുതല്‍ താപ്സി വരെ; സ്വപ്നം നേടാന്‍ മോഹിപ്പിക്കും ജോലി വേണ്ടെന്ന് വച്ച താരങ്ങള്‍

മോഡലിംഗ് രംഗത്തു നിന്നും സിനിമയിലെത്തിയ താരമാണ് ജോണ്‍ എബ്രഹാം. മോഡലിങ്ങില്‍ സജീവമായ സമയത്ത് തന്നെ മ്യൂസിക് ആല്‍ബങ്ങളിലും ജോണ്‍ അഭിനയിച്ചിരുന്നു. സിനിമയിലെത്തും മുന്‍പ് എന്റര്‍പ്രൈസ് നെക്‌സസ് എന്ന പരസ്യ കമ്പനിയിലും താരം ജോലി ചെയ്തിരുന്നു. 2003ല്‍ ജിസം എന്ന ചിത്രത്തില്‍ അഭിനയിച്ചതിനു പിന്നാലെ ജോലി ഉപേക്ഷിക്കുകയായിരുന്നു.  

രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ടെക്‌നോളജയില്‍ നിന്ന് ബിരുദം നേടിയ വിക്കി കൗശലിന് ക്യാംപസ് ഇന്റര്‍വ്യൂവിലൂടെ ജോലിയും ലഭിച്ചിരുന്നു. എന്നാല്‍ സിനിമയോടുള്ള മോഹം കാരണം വിക്കി ജോലി ഉപേക്ഷിക്കുകയായിരുന്നു.  

കോസ്റ്റിയൂം ഡിസൈനറായി സിനിമയിലെത്തിയ സോനാക്ഷി 'മേരാ ദില്‍ ലേകേ ദേഖോ' പോലെയുള്ള ചിത്രങ്ങള്‍ക്ക് വേണ്ടി വസ്ത്രങ്ങള്‍ ഡിസൈന്‍ ചെയ്തിരുന്നു. എന്നാല്‍ സല്‍മാന്‍ ഖാനൊപ്പം ദബാംഗ് എന്ന ചിത്രത്തില്‍ അഭിനയിച്ചതോടെ സോനാക്ഷി ജോലി ഉപേക്ഷിക്കുകയായിരുന്നു.  

മോഡലിങ്ങിലൂടെ സിനിമയിലെത്തിയ താപ്‌സി പന്നു ഒരു സോഫ്റ്റ്വെയര്‍ എഞ്ചിനീയര്‍ കൂടിയാണ്. എന്നാല്‍ അഭിനയ ജീവിതത്തിനുവേണ്ടി താപ്‌സി ജോലി ഉപേക്ഷിക്കുകയായിരുന്നു.