വിജയ് മുതല്‍ അനുഷ്‌ക ഷെട്ടി വരെ; പൊന്നിയിന്‍ സെല്‍വനില്‍ നിന്നും പിന്മാറിയ താരങ്ങള്‍

പൊന്നിയിന്‍ സെല്‍വനിലെ പ്രധാന കഥാപാത്രത്തെ അവതരിപ്പിക്കാനുള്ള അവസരം നിരസിച്ച നടിയാണ് അമല പോള്‍. മികവുറ്റ രീതിയില്‍ കഥാപാത്രത്തെ അവതരിപ്പിക്കാന്‍ കഴിഞ്ഞില്ലെങ്കില്‍ അനാവശ്യമായ വിമര്‍ശനങ്ങള്‍ നേരിടേണ്ടി വരും എന്നതിനാലാണ് ചിത്രത്തില്‍ നിന്നും നടി പിന്മാറിയതെന്നാണ് സോഷ്യല്‍മീഡിയ പറയുന്നത്.  

സൂപ്പര്‍സ്റ്റാര്‍ രജനീകാന്തിനൊപ്പം അണ്ണാത്തെയില്‍ അഭിനയിക്കാന്‍ അവസരം ലഭിച്ചതിനാലാണ് കീര്‍ത്തി സുരേഷ് പൊന്നിയിന്‍ സെല്‍വനില്‍ നിന്നും പിന്മാറിയത്. രജനീകാന്തിനൊപ്പം അഭിനയിക്കാനുള്ള അവസരം മണിരത്‌നത്തിന്റെ പൊന്നിയിന്‍ സെല്‍വനിലൂടെ നഷ്ടപ്പെടുത്താന്‍ നടി തയ്യാറാല്ലായിരുന്നു.  

വിജയിയെയായിരുന്നു പൊന്നിയിന്‍ സെല്‍വനില്‍ പ്രധാന കഥാപാത്രത്തെ അവതരിപ്പിക്കാന്‍ മണിരത്‌നം ആദ്യം തീരുമാനിച്ചിരുന്നത്. എന്നാല്‍ ചിത്രത്തിന്റെ കഥ പൂര്‍ണമായപ്പോള്‍ വിജയ് മറ്റു പല സിനിമകളുടെ തിരക്കിലായിരുന്നു. തുടര്‍ന്ന് മണിരത്‌നം വിജയിയെ സമീപിക്കാതെ മറ്റു നടന്മാരെ പരിഗണിക്കുകയായിരുന്നു.  

പൊന്നിയിന്‍ സെല്‍വനില്‍ പ്രഭു അവതരിപ്പിക്കുന്ന കഥാപാത്രത്തെ അവതരിപ്പിക്കാന്‍ മണിരത്‌നം ആദ്യം സമീപിച്ചത് സത്യരാജിനെയായിരുന്നു. എന്നാല്‍ മറ്റു സിനിമകളുടെ ഷൂട്ടിങ്ങ് ഉള്ളതിനാല്‍ നടന്‍ ചിത്രത്തില്‍ നിന്നും പിന്മാറുകയായിരുന്നു.  

വിജയിയെപ്പോലെ നടന്‍ മഹേഷ് ബാബുവിനെയും പൊന്നിയിന്‍ സെല്‍വന്റെ ചര്‍ച്ച നടക്കുന്ന സമയത്ത് മണിരത്‌നം ആദ്യം പരിഗണിച്ചിരുന്നു. എന്നാല്‍ നടന് മറ്റു സിനിമകളുടെ ഷൂട്ടിങ്ങ് ഉള്ളതിനാല്‍ മണിരത്‌നം തന്നെ തീരുമാനം മാറ്റുകയായിരുന്നു.  

പൊന്നിയിന്‍ സെല്‍വനില്‍ തൃഷ അവതരിപ്പിക്കുന്ന കഥാപാത്രത്തെ അവതരിപ്പിക്കാന്‍ മണിരത്‌നം ആദ്യം സമീപിച്ചത് അനുഷ്‌ക ഷെട്ടിയെയായിരുന്നു. എന്നാല്‍ അനുഷ്ത ചില കാരണങ്ങളാല്‍ ചിത്രത്തില്‍ നിന്നും പിന്മാറുകയായിരുന്നു.