Click it and Unblock the Notifications
ലോക്ക് ആവാതെ സിനിമാകാഴ്ച ; ലോക്ക് ഡൗണ്കാലത്ത് ഒടിടി ഫ്ളാറ്റ് ഫോമില് റിലീസ് ചെയ്ത മലയാള ചിത്രങ്ങള്
പ്രമേയത്തിലും അവതരണത്തിലും വ്യത്യസ്തതയുള്ള നിരവധി ചിത്രങ്ങളായിരുന്നു 2020ല് റിലീസ് ചെയ്യാനിരുന്നത്. എന്നാല് കൊവിഡിന്റെ പശ്ചാത്തലത്തില് ലോക്ക് ഡൗണ് പ്രഖ്യാപിച്ചതോടെ പല ചിത്രങ്ങളുടെയും റിലീസ് നീട്ടി. എന്നാല് ഇതിനിടയിലും ചില ചിത്രങ്ങള് ഒടിടി ഫ്ളാറ്റ് ഫോമുകളില് റിലീസ് ചെയ്തിരുന്നു. ഈ ചിത്രങ്ങള്ക്കൊക്കെയും മികച്ച പ്രതികരണമായിരുന്നു പ്രേക്ഷകരുടെ ഭാഗത്തു നിന്നും ലഭിച്ചത്. അത്തരത്തില് ലോക്ക് ഡൗണ്കാലത്ത് ഒടിടി ഫ്ളാറ്റ് ഫോമില് റിലീസ് ചെയ്ത മലയാള ചിത്രങ്ങളിതാ.
ടെലിവിഷനിലൂടെ റിലീസ് ചെയ്ത ആദ്യ മലയാള ചിത്രമാണ് ടൊവീനോ തോമസ് നായകനായി എത്തിയ കിലോമീറ്റേഴ്സ് ആന്റ് കിലോമീറ്റേഴ്സ്. ഏഷ്യാനെറ്റ് ചാനലിലൂടെ സെപ്തംബര് 1 നാണ് ചിത്രം റിലീസ് ചെയ്തത്. ഒരു കോട്ടയംകാരനും വിദേശ വനിതയും കൂടെ കേരളം, തമിഴ്നാട്, കര്ണാടക, ഗോവ, മഹാരാഷ്ട്ര, ഗുജറാത്ത്, രാജസ്ഥാന് വഴി ലഡാക്ക് വരെ പോവുന്നതാണ് സിനിമയുടെ കഥ. ജിയോ ബേബിയാണ് ചിത്രത്തിന്റെ സംവിധായകന്. കൂടുതല് കാണാം
ഫഹദ് ഫാസില്, ദര്ശന രാജേന്ദ്രന്, റോഷന് മാത്യു എന്നിവര് പ്രധാന വേഷങ്ങളിലെത്തിയ സി യൂ സൂണ് സെപ്തംബര് 1നായിരുന്നു ആമസോണ് പ്രൈം വീഡിയോയില് റിലീസ് ചെയ്തത്. മഹേഷ് നാരായണന് സംവിധാനം ചെയ്ത ചിത്രം പൂര്ണായും ഐ ഫോണിലാണ് ചിത്രീകരിച്ചത്. ചിത്രത്തിന് മികച്ച പ്രതികരണമായിരുന്നു പ്രേക്ഷരുടെ ഭാഗത്തുനിന്നും ലഭിച്ചത്. സമീപകാലത്ത് കണ്ട അതിഗംഭീര പ്രകടനമാണ് ദര്ശന രാജേന്ദ്രന് ചിത്രത്തില് കാഴ്ചവെച്ചത്. കൂടുതല് കാണാം
നെറ്റ്ഫ്ളിക്സില് നേരിട്ട് റിലീസ് ചെയ്ത ആദ്യ മലയാള ചിത്രമാണ് നവാഗതനായ ഷംസു സെയ്ബ സംവിധാനം ചെയ്ത മണിയറയിലെ അശോകന്. ജേക്കബ് ഗ്രിഗറി, അനുപമ പരമേശ്വരന്, ഷൈന് ടോം ചാക്കോ, കൃഷ്ണ ശങ്കര്, വിജയരാഘവന് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചത്. ദുല്ഖര് സല്മാന്, അനു സിത്താര എന്നിവര്ക്കൊപ്പം സണ്ണി വെയിനും ഭാര്യയും ചിത്രത്തില് അതിഥി വേഷത്തിലെത്തുന്നുണ്ട്. റിലീസിനു മുമ്പു തന്നെ ചിത്രത്തിലെ ഗാനങ്ങള് എറെ ശ്രദ്ധിക്കപ്പെട്ടിരുന്നു. കൂടുതല് കാണാം
സക്കറിയ മുഹമ്മദ് സംവിധാനം ചെയ്ത ഹലാല് ലവ് സ്റ്റോറി ആമസോണ് പ്രൈമില് ഒക്ടോബര് 15നാണ് വേള്ഡ് വൈഡായി റിലീസ് ചെയ്തത്. ജോജു ജോര്ജ്ജ്, ഇന്ദ്രജിത്ത്, ഗ്രേസ് ആന്റണി, ഷറഫൂദ്ദീന് എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്. സക്കരിയയും മുഹ്സിന് പരാരിയും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. കൂടുതല് കാണാം
ഒടിടി ഫ്ളാറ്റ് ഫോമില് റിലീസ് ചെയ്ത മലയാളത്തിലെ ആദ്യ ചിത്രമാണ് സൂഫിയും സുജാതയും. നരണിപ്പുഴ ഷാനവാസ് സംവിധാനം ചെയ്ത ചിത്രത്തില് ജയസൂര്യ ബോളിവുഡ് താരം അദിതി റാവു ഹൈദരി, പുതുമുഖം ദേവ് മോഹന് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചത്. സൂഫിയുടെയും അയാളെ പ്രണയിക്കുന്ന ഹിന്ദു പെണ്കുട്ടിയുടെയും കഥയാണ് ചിത്രം പറയുന്നത്. സിദ്ധിഖ്, ഹരീഷ് കണാരന്, വിജയ് ബാബു, മണികണ്ഠന് പട്ടാമ്പി, മാമുക്കോയ തുടങ്ങിയവരാണ് ചിത്രത്തിലെ മറ്റ് അഭിനേതാക്കള്. കൂടുതല് കാണാം
Disclaimer
The images featured on this page are sourced from publicly available platforms, official press releases, and promotional materials. These images are published strictly for editorial, informational, and news reporting purposes under the principles of fair use.
We do not claim ownership of any images unless explicitly stated. All image copyrights belong to their respective photographers, production houses, or copyright holders.
If you are the rightful owner of any image and believe that its use on this website is unauthorized or objectionable, please contact us ([email protected]) with proper details. We will promptly review and remove the content if required.
Continue with Google